Morgunblaðið - 10.10.2017, Blaðsíða 29

DÆGRADVÖL 29
MORGUNBLAÐIÐ ÞRIÐJUDAGUR 10. OKTÓBER 2017
Stjörnuspá
21. mars - 19. apríl 
Hrútur Einhver er tilbúin/n til að aðstoða þig
við að gera breytingar á heimilinu eða innan
fjölskyldunnar. Gefðu þér tíma til að rækta
líkama og sál því allt veltur á jafnvægi þar í
milli.
20. apríl - 20. maí 
Naut Samskipti við systkini og aðra fjöl-
skyldumeðlimi gætu orðið stirð í dag. Loks-
ins spyr fólk þig álits – og tekur loks mark á
því eins og það hefði fyrir löngu átt að gera.
21. maí - 20. júní 
Tvíburar Ekki fyrtast við þótt einhver segi
þér til syndanna. Með hverri setningu sem þú
mælir af munni fram er önnur ósögð, sem
þeir skilja einir sem þekkja þig náið.
21. júní - 22. júlí 
Krabbi Einhverjar breytingar standa fyrir
dyrum sem gefa þér tækifæri til að sýna
hvers þú ert megnugur. Vertu hæverskur
þangað til.
23. júlí - 22. ágúst 
Ljón Það eru mörg tilboðin sem streyma að
okkur úr öllum áttum og það þarf sterk bein
til þess að láta flest þeirra lönd og leið. Láttu
aðra um sín mál og snúðu þér að öðru á
meðan.
23. ágúst - 22. sept. 
Meyja Fátt er dýrmætara í lífinu en að eiga
góða vini, svo leggðu þig fram um að halda
þeim. Stórhuga ráðagerðir krefjast allra
heilafrumna sem þú hefur yfir að ráða.
23. sept. - 22. okt. 
Vog Einhverja óvænta gesti ber að garði og í
þeim hópi er maður sem mun reynast ykkur
vinur ef þið ræktið vináttuna. Taktu frá tíma
til þess að vera einn og njóttu útivistar.
23. okt. - 21. nóv.
Sporðdreki Notaðu daginn til að slappa af í
kyrrð og einveru, bæði andlega og líkamlega.
Um leið og þú ræktar þinn eigin garð skaltu
gefa þér tíma til að sinna fjölskyldu og vin-
um.
22. nóv. - 21. des.

Bogmaður Flýttu þér hægt, því flas er
sjaldnast til fagnaðar. Reyndu að einbeita þér
að þeim verkefnum sem þú þarft að leysa.
22. des. - 19. janúar 
Steingeit Ákvörðunin um hver eigi að biðjast
afsökunar fyrst er risavaxin. Dragðu þig í hlé
ef það er eina lausnin til að bjarga geðheils-
unni.
20. jan. - 18. febr. 
Vatnsberi Ef þú ert ekki viss hverju trúa
skuli ertu í góðri stöðu. Láttu ekki smáatriðin
vefjast fyrir þér heldur einbeittu þér að aðal-
atriðunum.
19. feb. - 20. mars

Fiskar Fólk mun standa undir væntingum
þínum. Næstu vikurnar eru líka sérlega góður
tími til að biðja um lán eða fjárhagsstuðning.
Glappaskotin?“ spyr Helgi R.Einarsson og svarar sér sjálf-
ur:
Margt gerist með höppum og glöppum
hjá greindustu stjórnmálaköppum
sem að sér ei gá
og því gagnrýni fá
í kosningadansinum kröppum.
„Ljós í myrkri fýlupúkans“:
Þegar ég fallinn verð frá
og fjölunum liggja mun á
ég loksins verð laus
við lygar og raus
því mér enginn mun eiga neitt hjá.
Jón Arnljótsson vill að við „gerum
gott úr“:
Eins og súpa úr ausu kál,
eða hamra moðvolgt stál,
Wintris er hið versta mál
og vonsmátt það að leysa.
Má þó kannski miðflokk á því reisa.
Á laugardaginn hafði Hólmfríður
Bjartmarsdóttir orð á því á Boðn-
armiði að „loksins hélaði og líklega
búið með krækiberin“. Og bætti við,
að einhvern tíma hefði hún ort þetta
á svona degi:
Í speglum vatnanna spegla sig hvítir
hnjúkar
og spekingslegir svanir í morgunljóma.
Á rauðri jörð liggja klassískir kirkjudúkar
krækiberjanna útför var gerð með sóma.
Pétur Stefánsson rifjar upp að 4.
okt. síðastliðinn voru 150 ár liðin frá
fæðingu langafa síns Björns Péturs-
sonar frá Sléttu í Fljótum. – „Hann
var ölkær nokkuð og bera sumar
vísur hans keim af því,“ segir Pétur
og nefnir að vínlaus hafi hann ort:
Nú er ég í huga hljóður,
hættur karlaraupinu.
Hvenær skyldi guð minn góður
gefa mér í staupinu.
Eitt sinn kom Björn til Aage R.
Schiöth lyfsala á Siglufirði og orti:
Nú er fátt sem fjörgar mann,
flý ég á náðir þínar.
Gef mér einhvern andskotann
að ylja kverkar mínar.
Maður nokkur dáðist að rithönd
Björns:
Ellin skæð með afglöp sín
örmum vill mig spenna.
Hálfáttræða höndin mín
heldur illa á penna.
Pétur lætur þess getið að meira af
kveðskap Björns sé í vísnasafni
Skagfirðinga og svarar játandi
þeirri athugasemd Hreins Guðvarð-
arsonar að þetta sé sá Björn Pét-
ursson sem fór til Vesturheims, kom
aftur og var síðast í Móskógum.
Halldór Blöndal
halldorblondal@simnet.is
Vísnahorn
Kosningadans, Wintris
og útför krækiberjanna
ÞAÐ STÓÐ 90, EN ÞEGAR VINDKÓLNUNIN
VAR TEKIN MEÐ Í REIKNINGINN VAR TIL-
FINNINGIN MEIRA EINS OG 120 KÍLÓ.
„HANN HEFUR LÍMT FÆTURNA AFTUR.“
Ferdinand
Hrólfur hræðilegi
Grettir
... slektið okkar!
VOFF!
VOFF!
VOFF!
SJÁÐU? ÉG GET
TALAÐ „HUNDAMÁL“!
ÞÚ VARST AÐ SEGJA
„OLNBOGINN MINN
ER KARTAFLA“
ÉG VILDI
SPARA
HONUM
FERÐINA
AF HVERJU
GAFSTU
HONUM EKKI
PENING?
ÁTTU KLINK?
GLÚG
G
GLÚ
GG
GLÚGG
SKOÐUNAR-
HERBERGI
Bók George Orwell, 1984, er tilumræðu á ný um þessar mund-
ir. Sala á bókinni tók mikinn kipp í
fyrra þegar Donald Trump var
kjörinn forseti Bandaríkjanna og
nú hefur leikverk byggt á henni
verið tekið til sýninga í Borgarleik-
húsinu. 1984 kom út árið 1949. Or-
well lauk við bókina milli þess sem
hann lá á sjúkrahúsi vegna berkla,
sem drógu hann til dauða í janúar
1950.
x x x
Í 1984 dregur Orwell upp mynd afsamfélagi þar sem alræði er við
lýði. Orwell hafði barist gegn fas-
isma í borgarastyrjöldinni á Spáni
og má lesa lýsingar hans á því í
bókinni Óður til Katalóníu. Þar
kynntist hann líka sviksemi sov-
éskra kommúnista. Sovétmenn áttu
sér hins vegar marga viðhlæjendur,
ekki síst vegna þáttar þeirra í að
sigrast á herjum Hitlers. Honum
fannst að margir gerðu sér ekki
grein fyrir hinu sanna eðli komm-
únismans og vildi með 1984 leiða
almenningi það fyrir sjónir.
x x x
Í huga Orwells var þegar skollið ástríð á þessum tíma, stríð í
skugga ógnar af gereyðingu, sem
fylgdi kjarnorkuvopnum. Orwell
talaði um pattstöðu „tveggja eða
þriggja risavaxinna ofurríkja, sem
hvert um sig býr yfir vopni sem
getur þurrkað út milljónir manna á
nokkrum sekúndum“. Orwell kall-
aði það „kalt stríð“ og var fyrstur
til að nota það orðalag á ensku. Sá
merkmiði festist við þá rimmu, sem
í vændum var milli austurs og vest-
urs og lyktaði með falli Berlínar-
múrsins árið 1989.
x x x
Sýningin á 1984 í Borgarleikhús-inu er sterk og fara Þorvaldur
Davíð Kristjánsson og Valur Freyr
Einarsson á kostum. Víkverji var
sérstaklega hrifinn af sviðsmynd-
inni þar sem leitað er í smiðju M.S.
Eschers, sem er þekktur fyrir
myndir þar sem stigar liggja í allar
áttir, jafnvel á hlið og á hvolfi, og
það er sama hvert ferðinni er heit-
ið, alltaf endar hún á sama stað.
vikverji@mbl.is
Víkverji
Verið fullkomnir eins og faðir yðar
himneskur er fullkominn.
(Matt. 5:48)
www.gilbert.is
KLASSÍSK ÍSLENSK ÚR
FYRIR ÖLL TÆKIFÆRI