Morgunblaðið - 10.10.2017, Blaðsíða 14

14 FRÉTTIRInnlent
MORGUNBLAÐIÐ ÞRIÐJUDAGUR 10. OKTÓBER 2017
Baldur Arnarson
baldura@mbl.is
Herbergjum á Reykjavík Lights
Hótel á Suðurlandsbraut 12 gæti
fjölgað um nokkra tugi ef áform
húseigenda um viðbyggingu ganga
eftir. Húsið er áberandi í borginni.
Hótelið var opnað sumarið 2013.
Það er því með nýrri hótelum borg-
arinnar. Þar eru 105 herbergi.
Umhverfis- og skipulagsráð
Reykjavíkur hefur samþykkt tillögu
að breyttu deiliskipulagi lóðarinnar
Suðurlandsbraut 12. Tillagan er nú
í auglýsingar- og kynningarferli.
Á vef borgarinnar segir að með
breytingunni yrði húsið stækkað til
suðurs. Hótelherbergi yrðu á efri
hæðum viðbyggingarinnar en veit-
ingastaður á jarðhæð. Hann yrði
tengdur við nýtt útisvæði.
Hótelið er leigutaki
Reykjavík Lights Hótel er eitt af
átta hótelum í eigu Keahótelanna.
Páll Sigurjónsson, framkvæmda-
stjóri Keahótela, sagði fyrirhugaðar
framkvæmdir á hendi húseigenda.
Þeir báðust undan viðtali þegar
eftir því var leitað.
Samkvæmt greinargerð arkitekta
verður nýbyggingin um 1.600 fer-
metrar. Þá verða byggðar þrjár
hæðir, alls 320 fermetrar, ofan á
millibyggingu vestan við Suður-
landsbraut 12. Með þessu eykst
byggingarmagnið úr um 4.200 fer-
metrum í 6.100 fermetra. Það sam-
svarar 46% aukningu. Út frá því má
ætla að tugir herbergja geti bæst
við hótelið þegar það er fullbyggt.
Fram kom á mbl.is í febrúar 2013
að framkvæmdir við uppbyggingu
hótels á Suðurlandsbraut 12 hefðu
hafist í desember 2012.
Þessi hluti Suðurlandsbrautar
hefur breyst mikið síðustu ár.
Suðurlandsbraut 8 hefur verið tekin
í gegn og hýsir nú höfuðstöðvar
Vodafone. Þar var áður Fálkinn til
húsa. Þá er endurbygging Suður-
landsbrautar 10 langt komin. Jafn-
framt má geta þess að á Suður-
landsbraut 18 undirbýr Festir nýtt
hótel. Þá var nýtt 57 herbergja hót-
el, City Park Hótel, opnað í Ármúla
5 í fyrra.
Keahótelin eru nú átta. Fimm eru
í Reykjavík; Hótel Borg, Apótek
Hótel, Reykjavík Lights, Skuggi
Hótel og Storm Hótel. Tvö eru á
Akureyri; Hótel Kea og Hótel
Norðurland. Loks er Hótel Gígur í
Mývatnssveit.
Teikning/T.ark arkitektar
Suðurlandsbraut 12 Miklar breytingar yrðu á baklóð húseignarinnar. Þar yrðu græn svæði og veitingarými.
Kynna hugmyndir um
stækkun borgarhótels
 Tugir herbergja gætu bæst við á Reykjavík Lights Hótel
Teikning/T.ark arkitektar
Framhliðin Viðbyggingin yrði til suðurs. Á baklóð verða áfram bílastæði.
Baldur Arnarson
baldura@mbl.is
Framboð á lóðum undir atvinnu-
húsnæði hefur sjaldan verið jafn
mikið í Reykjavík. Fyrirtæki sem
íhuga að flytja hafa því marga kosti.
Þetta segir Hrólfur Jónsson,
skrifstofustjóri á skrifstofu eigna-
og atvinnuþróunar hjá borginni.
„Reykjavíkurborg mun á næstu
vikum auglýsa lóðir undir atvinnu-
húsnæði á Lambhagavegi. Þá erum
við t.d. að fara að auglýsa lóðir á Bú-
staðavegi,“ segir Hrólfur og vísar til
lóða norður af Sprengisandi.
Tilefnið er samtal við Ólaf
Stephensen, framkvæmdastjóra
Félags atvinnurekenda, í Morgun-
blaðinu. Þar sagði Ólafur að
húsnæðisvandi margra fyrirtækja á
höfuðborgarsvæðinu myndi að
óbreyttu ágerast. Það yki vandann
að fyrirtæki á þéttingarsvæðum, þar
sem atvinnuhúsnæði á að víkja fyrir
íbúðum, stæðu frammi fyrir litlu
framboði á hentugu húsnæði á
öðrum svæðum. Tók Ólafur undir
sambærileg ummæli Ármanns Kr.
Ólafssonar, bæjarstjóra Kópavogs, í
Morgunblaðinu fyrr í liðinni viku.
Fékk ekki lóð á hafnarsvæðinu
Ólafur tók jafnframt dæmi af
Vörubíla- og vinnuvélaverkstæðinu í
Vogunum, einu af fyrirhuguðum
þéttingarsvæðum borgarinnar. Það
fyrirtæki hefði ekki fengið lóð í ná-
grenni hafnarinnar. Fyrir vikið hefði
fyrirtækið flutt í Mosfellsbæ. Taldi
Ólafur þetta vitna um úrræðaleysi
borgarinnar í þessum málum.
Hrólfur kveðst ekki geta rætt um
einstök fyrirtæki. Hins vegar sé
ljóst að fyrirtæki með slíka starf-
semi hefði væntanlega getað fært
sig á einhverja þeirra lóða sem laus-
ar eru í borginni. Þá til dæmis við
Lambhaga, á Gylfaflöt, við Hestháls
eða Hádegismóa.
„Þá er borgin
að skipuleggja
lóðir á Esju-
melum og á
Hólmsheiði.
Borgarráð gaf
Mjólkur-
samsölunni vil-
yrði um lóð á
Hólmsheiði í síð-
ustu viku. Þannig
reynir borgin að vinna með fyrir-
tækjunum.“
Þá andmælir Hrólfur þeim um-
mælum Ólafs að á þéttingarsvæðum
sé verið að ýta burt fyrirtækjum
sem þykja ekki nógu fín innan um ný
íbúðahverfi. Til dæmis nefnir
Hrólfur að fyrirtæki í Skeifunni og
Vogabyggð geti verið þar áfram.
Taka gagnrýni alvarlega
Hjálmar Sveinsson, formaður um-
hverfis- og skipulagssviðs Reykja-
víkurborgar, segir borgina taka
gagnrýni Félags atvinnurekenda al-
varlega. Hann hafni því þó að úr-
ræðaleysi einkenni þessa vinnu.
„Við vinnum eftir stefnu sem er
meitluð í aðalskipulag Reykjavíkur.
Þar er kveðið á um atvinnusvæði
sem geta verið iðnaðarsvæði með
mengandi starfsemi. Þá fyrst og
fremst Álfsnesið og að einhverju
leyti Gufunesið. Síðan eru það al-
mennari atvinnusvæði, eins og Esju-
melar og Hólmsheiði, fyrir landfreka
en lítið mengandi starfsemi.
Rauði þráðurinn er þó sá að
hverfa frá algjörri aðgreiningu at-
vinnusvæða og íbúðabyggðar. Það er
arfleifð módernismans. Stefnan er
tekin á miklu meiri blöndu íbúða-
byggðar og atvinnuhúsnæðis. Skýrt
dæmi um það er uppbyggingin sem
er að hefjast í Vogabyggð. Þar er
ekki aðeins gert ráð fyrir uppbygg-
ingu allt að 1.300 íbúða heldur líka
uppbyggingu verulegs atvinnu-
húsnæðis meðfram Sæbraut.“
Teikning/Teiknistofan Tröð
Þéttingarsvæði Fyrri drög að nýrri Vogabyggð í Reykjavík.
Nóg af lóðum í
boði í borginni
 Gagnrýni á meint úrræðaleysi svarað
Hrólfur Jónsson
Sími 555 2992 og 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu og Melabúð
Óblönduð
– meiri virkni Selaolía
Ég heyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustað mínum sem ég hafði ekki getað áður.“