Morgunblaðið - 27.10.2017, Blaðsíða 10

10 FRÉTTIRInnlent
MORGUNBLAÐIÐ FÖSTUDAGUR 27. OKTÓBER 2017
N Ý F O R M
h ú s g a g n a v e r s l u n
Klassísk gæða húsgögn á góðu verði
Strandgötu 24 | 220 Hafnarfjörður | Sími 565 4100 | nyform.is
Opið virka daga10-18
laugardaga11-15
Sófasett
Borðstofuborð
Stólar
Skenkar/skápar
Hvíldarstólar
Kommóður/hillur
o.m.fl.
Komið og skoðið úrvalið
Guðni Einarsson
gudni@mbl.is
Tekið var við fleiri ökutækjum til úr-
vinnslu fyrstu níu mánuði þessa árs
en allt árið í fyrra. Frá áramótum og
út september voru móttekin öku-
tæki orðin 6.924 en þau voru 6.527
allt árið í fyrra. Þetta kemur fram í
tölum sem Morgunblaðið fékk frá
úrvinnslusjóði. Ökutækjum sem er
fargað hefur fjölgað jafnt og þétt frá
árinu 2014. Metmánuðurinn það sem
af er þessu ári er júní en þá var tekið
við 1.099 ökutækjum til úrvinnslu og
í júlí s.l. voru þau 987.
Ólafur Kjartansson, fram-
kvæmdastjóri úrvinnslusjóðs, segir
að þeir séu í samvinnu við viður-
kennda móttökuaðila um allt land.
Þegar bíl er skilað til móttökustöðv-
ar fær eigandinn skilavottorð. Hann
fer síðan með vottorðið til skoðunar-
stöðvar og óskar eftir að bíllinn sé
afskráður. Þá fær hann greitt skila-
gjald upp á 20.000 kr., að því til-
skildu að engin opinber gjöld af bíln-
um séu ógreidd.
Afskráningarbeiðnin fer svo til sam-
göngustofu sem heldur utan um öku-
tækjaskrá. Hún sendir úrvinnslu-
sjóði mánaðarlega upplýsingar um
ökutæki sem hafa verið afskráð til
úrvinnslu.
Vaka kaupir talsvert af bílum til
niðurrifs eða förgunar og gefur út
skilavottorð. Daníel Már Einarsson
framkvæmdastjóri segir að þeir hafi
fundið fyrir aukningu í förgun bíla
undanfarin ár. Mikið dró úr förgun
bíla fyrst eftir hrunið. Hann segir að
innan um komi mjög þokkalegir
bílar til förgunar. Hringrás tekur við
bílum sem á að úrelda. Fyrirtækið
er með móttökustöðvar í Reykjavík
og á fjórum stöðum úti á landi.
„Mér sýnist að það hafi orðið 25-
30% aukning hjá okkur,“ segir Daði
Jóhannesson framkvæmdastjóri.
Hann segir að yfirleitt séu bílar sem
fólk vill farga seldir bílapartasölum.
Þær hirði úr þeim það sem er nýti-
legt. Afgangurinn fer svo til Hring-
rásar þar sem leifarnar af bílnum
eru tættar og efnið flokkað til endur-
vinnslu. Einnig kemur fólk til Hring-
rásar með bíla til förgunar og sumir
þeirra eru í það góðu ástandi að
þeim er ekið á förgunarstaðinn.
Færist í vöxt að bílum sé fargað
 Fleiri bílar nú þegar í úrvinnslu en allt árið í fyrra  Búið að farga nærri sjö
þúsund bílum í lok september  Fólk kemur akandi á bílum sem á að pressa
Fjöldi ökutækja til úrvinnslu 2014-2017
Heimild: Úrvinnslusjóður
7
6
5
4
3
2
1
0
þúsund
1. ársfj. 2. ársfj. 3. ársfj. 4. ársfjórðungur
2014 2015 2016 2017
5.245
6.063
6.527
6.924
Morgunblaðið/Kristinn Magnússon
Hringrás Gamlir bílar enda flestir hjá endurvinnslufyrirtækjum og sífellt fleiri fara þá leið þessa dagana.
Óttarr Proppé tilkynnti í gær að
250 milljónum króna yrði ráðstafað
á safnlið heilsugæslustöðva á
höfuðborgarsvæðinu. Upphæðinni
er ætlað að efla heimahjúkrun á
svæðinu, tryggja öryggi fólks sem
býr heima og draga úr þörf fyrir
stofnanavistun og aðra heilbrigð-
isþjónustu.
Í fréttatilkynningu frá velferðar-
ráðuneytinu kemur fram að fjár-
veitingar hafi aukist nokkuð til
heilbrigðisstofnana á landsbyggð-
inni til eflingar heimaþjónustu.
Brýn þörf sé fyrir aukna heima-
þjónustu á höfuðborgarsvæðinu og
því hafi verið ákveðið að leggja 250
milljónir inn á safnlið heilsugæslu
höfuðborgarsvæðisins.
Óttarr Proppé heilbrigðis-
ráðherra segir að ákvörðun um
fjárveitinguna hafi verið tekin í
kjölfar vandaðrar vinnu og und-
irbúnings af hálfu ráðuneytisins.
Morgunblaðið/Styrmir Kári
Heimaþjónusta Heilbrigðis-
ráðherra tilkynnti aukin framlög.
Heima-
hjúkrun
aukin
 Meira öryggi
 250 milljónir