Morgunblaðið - 16.05.2018, Blaðsíða 13

skynsamlegt – og alls ekki nísku-
legt – að hella vínglös aldrei meira
en hálfull, helst bara að einum
þriðja,“ svo vitnað sé í bókina.
Robinson leggur sig í líma við
að forða fólki frá að láta blekkjast
og borga reiðinnar býsn fyrir vín,
til dæmis á veitingastöðum þar sem
það er stundum selt 100 til 300%
yfir kostnaðarverði, enda oft undir-
staða hagnaðar veitingahúsanna.
Með tilkomu snjallsímanna og til-
tekinna vefsíðna sé hægðarleikur að
kynna sér hvers virði vínið raun-
verulega er.
„Ekki skammast ykkar fyrir að
panta eitthvað af ódýrari vínunum á
listanum, það eru aðeins ríkis-
bubbar og olíuauðmenn sem finnst
frábært að fá að borga of mikið og
einblína á dýrari enda listans,“ ráð-
leggur hún og víkur á öðrum stað
að tengingu milli verðs á víni og
gæða þess. „Mörg vín eru verðlögð
of hátt vegna uppblásinnar mark-
aðseftirspurnar, metnaðar, græðgi,
eða bara vegna þess að markaðs-
manneskjan sér færi á að skapa
einhvers konar „táknvín“ í þessum
flokki. Gæðamunurinn á dýrustu og
ódýrustu vínunum hefur aldrei verið
minni en verðmunurinn er í sögu-
legu hámarki.“
Útúrdúr um svikahrapp
Meiri spámenn en þið, lesendur
góðir, hafa látið blekkjast þegar fín
og minna fín vín eru annars vegar.
Margir hlökkuðu til dæmis yfir því
þegar annálaðir vínsmakkarar
gengu í gildru svikahrappsins Rudy
Kurniawan rétt upp úr aldamót-
unum. Kurniawan taldi þeim trú um
að hræódýr vín sem hann setti á
flöskur með fínum miðum væru fá-
gæt og verðmæt eðalvín. Svo fag-
mannlega bar hann sig að við
smökkunartilburðina og fagurgala
að bragðlaukarnir virtust algjörlega
hafa svikið viðskiptavinina. Ekki
komst upp um kauða fyrr en löngu
síðar.
„Græðgin rak hann áfram.
Fólk bauð í og keypti. Efnahagslífið
var gott og fólk spurði ekki margra
spurninga,“ sagði fyrrverandi að-
stoðarsaksóknari í New York í mál-
inu á hendur Kurniawan.
En þetta er útúrdúr. Flettum
aftur upp í Litlu vínbókinni.
Horfa og lykta,
munnfylli og eftirbragð
Bragðlaukarnir hennar Jancis
Robinson eru ábyggilega óbrigðulir
eftir að hafa haft atvinnu af að
smakka vín og fjalla um vín í fjóra
áratugi. Hún er„ofursmakkari“ eins
og hún sjálf skilgreinir þá sem eru
með einstaklega þétta og næma
bragðlauka fyrir sterku bragði og
áferð. Hún rekur hvernig hennar
líkar bera sig að við vínsmökkun og
það kemur á óvart hversu fyrirhafn-
arlítið er að gera það hversdagslega
og án allrar tilgerðar.
Skrefin eru fjögur, þeir horfa á
vínið, lykta af víninu, taka munnfylli
og meta loks eftirbragðið svokall-
aða, því í góðu víni helst bragðið
nefnilega þægilega í munninum eft-
ir að búið er að kyngja því. Allt er
þetta gert eftir kúnstarinnar
reglum, sem hún leiðir lesendur í
gegnum. Fjölda vínsmökkunar-
hugtaka er lýst, orð eins og beiskt,
biturt, eðalmygla, graskennt, fram-
hleypið, máttlaust, tannískt og trén-
að koma fyrir og nánari skýringar
fylgja.
Í kaflanum Að para saman vín
og mat segir Robinson að léttleiki
vínsins á tungunni og áhrifin sem
það hefur á bragðlaukana skipti
mun meira máli en litur þess. Sem
þýðir að reglan um rautt með kjöti
og hvítt með fiski og hvítu kjöti er
enn ein vitleysan um vín. Robinson
er vantrúuð á „hið fullkomna par“
en gefur engu að síður ráð sem hún
segir virka fyrir sig um vín með alls
konar forréttum, aðalréttum og
sætmeti.
Þótt Robinson hangi ekki á úr-
eltri formfestu varðandi vín, gefur
hún góð ráð um réttar veigar fyrir
ýmis tilefni og heppileg vín til gjafa.
Ef gnægtarborð væri í boði með 20
af þeim dásamlegu og, að hennar
sögn, fáránlegu dýru vínum, sem
hún hefur gefið hæstu einkunn, 20/
20, myndi hún fyrst fá sér Equipo
Navazos, No 15 Macharnudo Alto,
La Bota de Fino NV sérrí. Ekki
fylgir sögunni hvað valið segir um
persónuleika hennar, en í bókinni er
listi af því taginu:
Prosecco: Skemmtileg,
félagslynd, vesenislaus.
Kampavín: Nautnaseggur.
Albarinño, Rueda, Vermentino,
Savagnin: Ævintýragjarn hvítvíns-
sælkeri.
Fair Trade-vín: Hjartagóður.
Vín í þungum flöskum: Fórnar-
lamb auglýsinga.
Ensk/kanadísk vín: Enskur/
kanadískur föðurlandsvinur.
Þungt ástralskt Shiraz: Þori að
veðja að hann sér um grillið.
Náttúruleg vín, sérrí: Hipster.
Búrgundarvín: Masókisti (lík-
urnar á mistökum eru töluvert
miklar).
Vín í skrautlegum flöskum
á okurverði: Ginningarfífl.
Litlu vínbókinni er ætlað að
hjálpa fólki að læra grunnatriði um
vín og vínmenningu og gagnast hún
efalítið mörgum sem slík. Hér hefur
ekki verið farið ofan í saumana á
innihaldinu, og ýmislegt ótalið, t.d.
umfjöllun um þrúgur og vínhéruð
heimsins. En kannski er slík vitn-
eskja fyrir þá sem ætla sér að taka
fleiri „fullkomin skref“ inn í heim
vínsins.
Tilefni Vín er haft um hönd af ýmsum tilefnum, stundum skálar fólk fyrir sólríkum sumardegi, aðrir dreypa pent
á í fínum veislum eins og Camilla hertogaynja, Svisslendingar keppa í víntunnurúlli og íþróttafólk fagnar sigrum.
AFPGetty Images/Thinkstock
DAGLEGT LÍF 13
MORGUNBLAÐIÐ MIÐVIKUDAGUR 16. MAÍ 2018
N Ý F O R M
h ú s g a g n a v e r s l u n
Strandgötu 24 | 220 Hafnarfjörður | Sími 565 4100 | nyform.is
Komið og skoðið úrvalið
K371 sófi
Fáanlegt í leðri og tauáklæði, margir litir
3ja sæta 2ja sæta og stólar
Opið virka daga
11-18
laugardaga
11-15
Renndu við hjá okkur í Tangarhöfða 13
Sími 577 1313
kistufell.com
TANGARHÖFÐA 13
VÉLAVERKSTÆÐIÐ
Allar almennar
bílaviðgerðir
Vín er ljúf-
fengasti,
mest örvandi,
fjölbreyttasti
og flóknasti
drykkur í
heimi. Það
hressir þig
við, gerir vini
þína
skemmtilegri
og bragðast
dásamlega með mat.
Jancis Robinson
Vín er áfengur drykkur sem
búinn er til með því að gerja safa
úr nýtíndum þrúgum í uppruna-
héraði samkvæmt staðbundnum
hefðum og venjum.
Opinber skilgreining ESB
Sínum aug-
um lítur hver
silfrið
ÚR LITLU VÍNBÓKINNI
Barnaþing verður haldið í Landa-
kotsskóla kl. 8.30 - 12 á morgun,
fimmtudaginn 17. maí, með þátttöku
nemenda í 7. og 8. bekk og 4. og 5.
bekk. Umboðsmaður barna og UNI-
CEF skipuleggja viðburðinn með
skólanum og er markmiðið að
hlusta eftir sjónarmiðum barna.
Nemendur læra aðferðir til að ræða
málefni sem brenna á þeim og þeir
gætu haft áhrif á.
Unnið verður út frá hugmynda-
fræði um lýðræðiskaffi (e. world
café). Rætt verður í litlum hópum
um þau málefni sem börnin velja, í
tengslum við skólastarfið. Nem-
endur koma sínum hugmyndum og
óskum á framfæri og draga saman
niðurstöður. Skólinn mun nýta þær
þegar kemur að stefnumótun um
málefnin sem rædd voru. Barnaþing
verður fastur liður í starfi Landa-
kotsskóla.
Barnaþing í Landakotsskóla
Morgunblaðið/Jim Smart
Fastur liður Barnaþing verður fastur
liður í starfi Landakotsskóla.
Hlustað eftir
sjónarmiðum
barnanna
Tónlistarmaðurinn og ljóðskáldið Bubbi Morthens
segir frá ljóðum sínum og les upp úr nýjustu ljóða-
bók sinni í stofunni í Bókasafni Kópavogs kl. 12.15 í
dag, miðvikudaginn 16. maí. Þótt Bubbi hafi frá unga
aldri samið texta, steig hann ekki fram á sjónar-
sviðið sem ljóðskáld fyrr en árið 2015 með ljóðabók-
inni Öskraðu gat á myrkrið. Í fyrra sendi hann frá sér
sína aðra ljóðabók, Hreistur. Gagnrýnandi Morgun-
blaðsins sagði þessar bækur kallast á en ljóðin í
Hreistri væru efnislega fjær í tíma. Fyrri bókin fjallar
um fíknina en í Hreistri er ljóðmælandinn verkamað-
ur í verbúð í litlu þorpi sem sukkar milli þess sem
hann vinnur í frystihúsinu og skýst á sjó. Kröftug,
myndrík og grípandi ljóðabók að margra mati, sem
málar veröld þorpsins býsna gráa.
Yfirskrift erindisins er Þorpsskáld nýrrar aldar og
er liður í dagskránni Menning á miðvikudögum á
vegum Menningarhúsanna í Kópavogi.
Aðgangur er ókeypis og allir velkomnir.
Bubbi á mjúku nótunum - Menning á miðvikudögum í Kópavogi
Þorpsskáld
nýrrar aldar
Ljósmynd/Rune Koldborg Jensen
Ljóðskáld stígur fram Bubbi Morthens þegar hann kynnti fyrstu
ljóðabók sína, Öskraðu gat á myrkrið, árið 2015 í Hagkaupum.