Morgunblaðið - 22.06.2018, Blaðsíða 15

FRÉTTIR 15Innlent
MORGUNBLAÐIÐ FÖSTUDAGUR 22. JÚNÍ 2018
Ilmur hinnar
gullnu stundar
Terre de Lumière
L’Eau
Kringlan 4-12 | s. 577-7040
Teitur Gissurarson
teitur@mbl.is
Geðgreiningar sem sjúklingar fá
eru oft óáreiðanlegar og ýmislegt
bendir til þess að margt þyrfti að
lagast í sambandi við greining-
arvinnu. Þá virðast þeir sem þjást
af þunglyndi ekki endilega leita
sér hjálpar vegna væntinga um
bata. Þetta kemur fram í tvískiptu
lokaverkefni Ragnheiðar Helgu
Sæmundsdóttur og Ingu Guð-
laugar Helgadóttur, en þær út-
skrifuðust nýverið úr meistara-
námi í klínískri sálfræði við
Háskólann í Reykjavík.
Almenn umræða
hefur letjandi áhrif
„Minn hluti verkefnisins er
rammaður af við algengasta geð-
ræna vandann; þunglyndi og kvíða,
en ég tók viðtöl við notendur þjón-
ustunnar með það að markmiði að
fá svör við spurningum um upp-
lifun þeirra af þjónustunni og því
að glíma við geðrænan vanda,“
segir Ragnheiður.
Meðal þess sem Ragnheiður
komst að var að fólk frestar því
gjarnan lengi, jafnvel svo árum
skiptir, að sækja sér sérhæfða geð-
heilbrigðisþjónustu. Hún segir
ástæðu þess vera margþætta en
segir þó: „Það vakti sérstaka at-
hygli að fólk virðist ekki endilega
leita sér hjálpar vegna þess að það
geri sér væntingar um að ná bata
heldur vegna þess að það er alveg
komið í þrot og búið á því.“
Einnig bendir hún á að almenn
umræða geti haft letjandi áhrif á
þá sem myndu mögulega annars
sækja sér hjálp.
„Samkvæmt okkar niðurstöðum
upplifir fólk sig brennimerkt af
sjúkdómum sínum. Fólk rekur sig
til dæmis á að geta ekki verið líf-
og sjúkdómatryggt og þróar með
sér neikvætt sjálfsálit, sem undir-
strikar að glíman einskorðast ekki
við einkenni vandans, það er
margt sem íþyngir í ofanálag“ seg-
ir Ragnheiður.
Geðlæknar notuðu
aldrei stöðluð viðtöl
„Í um helmingi tilfella eru með-
ferðir í samræmi við klínískar leið-
beiningar. Stór hluti, eða tæplega
40%, er byggður einungis á lyfja-
gjöf,“ segir Inga Guðlaug en í
rannsókn sinni komst hún að því
að í einungis 22% tilvika styðst
heilbrigðisstarfsfólk við staðlað
greiningarviðtal.
Verkefni Ingu Guðlaugar ber yf-
irskriftina Hvað gerist eftir geð-
greiningu? og einblínir á hvort
verklagsferlar á geðdeild Lands-
spítalans séu eftir klínískum gæða-
vísum. Rannsókn Ingu er afturvirk
og byggist á gögnum frá 2010-
2012.
„Sálfræðingar eru líklegastir til
að nota staðlað greiningarviðtal en
í 0% tilvika höfðu geðlæknar gert
það,“ segir Inga og bætir við
„Stöðluð greiningarviðtöl eru
hönnuð til þess að fá sem besta
greiningu.“
Inga framkvæmdi eigindlega
rannsókn og sá um tölfræðilega
hluta verkefnisins en 191 ein-
staklingur var í úrtaki Ingu. Þar af
voru ellefu sem Ragnheiður Helga
tók viðtal við.
Þær segjast ekki vita til þess að
rannsóknir af þessum toga hafi
verið framkvæmdar annars staðar
og bæta við: „Þetta varpar því
nýju ljósi á þjónustuna á göngu-
deild geðsviðs.“
Morgunblaðið/Árni Sæberg
Sálfræði Ragnheiður Helga Sæmundsdóttir og Inga Guðlaug Helgadóttir.
Annmarkar á
meðferðum við
geðsjúkdómum
 Lokaverkefni í sálfræði við HR
Ný göngubryggja er í byggingu við Hústjörn
Norræna hússins og verður hún vígð síðar í
sumar. „Þarna verður betur hægt að fylgjast
með fuglalífinu og það ætti jafnvel að draga
fólk úr miðbænum hingað til að njóta frið-
landsins,“ segir Kolbrún Kona Kristjánsdóttir,
markaðs- og kynningarstjóri Norræna húss-
ins.
Nýja göngubryggjan mun hafa tengingar
við göngustíga borgarinnar og Norræna húss-
ins ásamt því að undirstrika sérstöðu friðlands
í Vatnsmýrinni. Mannvit sér um framkvæmd-
irnar og munu þær kosta 50 milljónir króna.
Norræna húsið fagnar 50 ára afmæli sínu
25. ágúst og mun borgarstjóri Reykjavíkur,
Dagur B. Eggertsson, vígja bryggjuna á af-
mælisdaginn. „Bryggjan er afmælisgjöf til
Norræna hússins frá borginni,“ segir Kolbrún.
Á afmælisdaginn, 25. ágúst, munu taka við há-
tíðahöld í húsinu. „Þann dag bjóðum við þjóð-
inni í afmælisdagskrá, morgunmat, keppnir,
jóga, útitónleika og fleira,“ segir Kolbrún.
50 milljóna göngubryggja
í tilefni 50 ára afmælis
 Ætlað að undirstrika sérstöðu friðlandsins
Morgunblaðið/Valli
Bryggjan Göngubryggjan skapar tækifæri til að fylgjast betur með villtu fuglalífi og friðlandi.