Morgunblaðið - 22.06.2018, Page 24

24 MINNINGAR
MORGUNBLAÐIÐ FÖSTUDAGUR 22. JÚNÍ 2018
✝ Unnur Bald-vinsdóttir
meinatæknir fædd-
ist í Reykjavík 2.
janúar 1932. Hún
lést á hjúkrunar-
heimilinu Ási,
Hveragerði, 11.
júní 2018.
Foreldrar henn-
ar voru Baldvin
Jónsson, rafvirki
og uppfinninga-
maður, f. 26. október 1905 á
Húsavík, d. 6. febrúar 1988, og
Guðborg Guðmundsdóttir,
saumakona og húsmóðir, fædd
22. október 1909 á Melum á
Skarðsströnd, d. 13. september
1980. Systkini Unnar eru Jón
Haukur Baldvinsson, f. 25. apr-
íl 1938, d. 16. desember 2017,
og Nína Baldvinsdóttir, f. 1.
desember 1945.
Unnur giftist eiginmanni sín-
um Guðjóni Sigurkarlssyni
lækni, f. 17. október 1931, d.
19. maí 2012, 30. júní 1955.
jánsson, rafmagnsverkfræð-
ingur og forstjóri, f. 25. mars
1962. Dætur þeirra eru: a)
Auður Brá Hermannsdóttir, f.
17. mars 1992, og b) Annalísa
Hermannsdóttir, f. 25. nóvem-
ber 1997.
Unnur ólst upp í Reykjavík
og tók stúdentspróf frá
Menntaskólanum í Reykjavík
1952. Starfaði á rannsókn-
arstofunni á Keldum og hjá
Hjartavernd, en lengst af sem
deildarstjóri rannsóknarstofu
Sjúkrahúss Suðurlands. Sam-
hliða starfi stundaði Unnur
nám í listasögu og siðfræði við
Háskóla Íslands. Hún sinnti
ýmsum trúnaðarstörfum fyrir
Selfossbæ og sat meðal annars
í skólanefndum grunnskóla og
tónlistarskóla. Unnur var einn-
ig virk í félagsstörfum, söng í
samkór Selfoss, var í Kven-
félaginu, Zontaklúbbnum,
Garðyrkjufélaginu og var ötul
starfskona Rauða krossins þar
sem hún var til að mynda
heimsóknarvinur í fjölda ára
auk þess að vinna að söfnunum
fyrir fátæk börn víðsvegar um
heiminn.
Útförin fer fram frá Selfoss-
kirkju í dag, 22. júní 2018,
klukkan 11.30.
Foreldrar hans
voru Sigurkarl
Stefánsson,
menntaskóla-
kennari og stærð-
fræðingur, f. 2.
apríl 1902 á Kleif-
um í Gilsfirði, d.
30. september
1995, og Sigríður
Guðjónsdóttir hús-
móðir, f. 25. nóv-
ember 1903 á
Hrauni í Grindavík, d. 20. októ-
ber 1984. Dætur Unnar og
Guðjóns eru: 1) Sigríður Birna
Guðjónsdóttir framhaldsskóla-
kennari, f. 3. júlí 1958, maki
Björn Þórarinsson tónmennta-
kennari, f. 7. september 1943.
Dætur þeirra eru: a) Unnur
Birna Björnsdóttir, f. 11. jan-
úar 1987 og b) Dagný Halla
Björnsdóttir, fædd 15. júní
1993. 2) Guðborg Auður
Guðjónsdóttir, lyfja- og eitur-
efnafræðingur, f. 30. apríl
1963, maki Hermann Krist-
Við áttum margar góðar
stundir saman, elsku amma
mín.
Mér er efst í huga dvölin hjá
þér og afa í Rauðholtinu sem
var alltaf svo skemmtileg. Þú
kenndir mér svo margt, við
gerðum alltaf eitthvað nýtt. Þú
varst svo fróð um plöntur og
jurtir og vissir alltaf allt um
plöntur sem ég spurði um og
við rákumst á í göngutúrum
okkar eða í fallega garðinum
þínum.
Þolinmæði þín var óendan-
leg, stundum var erfitt að
ganga með mér út að andapoll-
inum því ég vildi bjarga öllum
ánamöðkum af gangstéttinni
sem ég sá eða tína upp rusl sem
varð á vegi okkar. Þú sagðir
mér seinna að þér hefði alls
ekki fundist það pirrandi, bara
ótrúlega fallegt. Ég vona að ég
verði svona yndislega þolinmóð
og góð amma líka. Svo má segja
að þú hafir kveikt áhuga minn á
hönnun þegar við saumuðum
saman glæsilega kjóla á Barbie-
dúkkurnar mínar úr gömlum
gardínum og fötum.
Einnig kenndir þú mér að
prjóna og hekla og hvattir mig
áfram í allri listsköpun. Takk
fyrir það. Takk fyrir að fara
með mig á listasöfn, gefa mér
fínu listasögubækurnar þínar
og fræða mig um menningu og
listir. Þér verð ég ævinlega
þakklát fyrir allar góðu sam-
verustundirnar okkar.
Auður Brá.
Þegar ég fæddist átti ég
fjóra afa og eina ömmu. Amma
var síðust af þeim í mark í
þessu langhlaupi sem lífið er.
Elsku amma. Það er engin
leið að koma öllu því sem við
höfum brallað saman í eina
grein.
Þú tókst á móti mér þegar ég
kom í þennan heim og ég hélt í
höndina þína er þú kvaddir
þennan heim. 31 ár, og jú, þú
hefur alltaf verið hin mamman
mín og besta vinkona. Það var
algjör paradís að koma með þér
í vinnuna upp á sjúkrahús og
þú gafst mér tilraunaglös og
leyfðir mér að skrifa kvittanir
og „lyfseðla“ og þú fórst með
mig á allar helstu fjölskyldu-
sýningarnar í Þjóðleikhúsinu.
Við höfum gefið öndunum
brauð í kílóavís, spilað þúsund
kasínur og rússa, ég hef vafið
hverri einustu slæðu þinni um
mig, við höfum drukkið marga
lítra af cappuccino, borðað ófá-
ar pítsur og bakað milljón smá-
kökur.
Hversu oft ætlir þú hafir
gripið mig þegar þú leyfðir mér
að hoppa af olíuinntakskössun-
um hjá Fossnesti og hversu oft
greipstu mig þegar ég kom til
ykkar í Rauðholtið yfirkeyrð af
vinnu og skóla? „Gott að þú
gast borðað“ og „gott að þú
gast hvílt þig“ sagðirðu þegar
mér fannst ég éta eins og svín
og þegar ég svaf hrikalega
lengi frameftir.
Búdapestferðin, allir leikirnir
þegar ég var Ameríkukonan
með mörgu börnin í gróðurhús-
inu, rósirnar, rólóinn,
hjólastólarallýið um Hvera-
gerði, sumarbíltúrarnir og „afi
minn var langapi“. Þessu mun
ég aldrei aldrei gleyma. Þú ert
líka mesti töffari í heiminum;
sagðir mér bara um daginn frá
því þegar þú ákvaðst að læra að
skipta um dekk, reifst öll dekk-
in undan Citroëninum í inn-
keyrslunni og settir þau á aft-
ur, jú og brettið líka. Þú vildir
nefnilega ekki standa eins og
álfur uppi á miðri Hellisheiði ef
það myndi springa og þurfa
hjálp frá einhverjum karli.
Þú sýndir líka svo mikinn
stuðning, mættir á alla tónleika
og allar leiksýningar hjá mér,
sama hvort þær voru í Mennta-
skólanum eða í atvinnuleikhús-
unum. Flottasta amman var
meira að segja með í frumsýn-
ingarpartíunum!
Elsku besta amma mín. Hvað
mér leið alltaf vel nálægt þér.
Ég meira að segja klifraði upp í
tré og var þar í þrjá klukku-
tíma svo ég þyrfti ekki að fara
burtu frá þér þegar við vorum
að fara heim til Akureyrar.
Ef ég hefði getað klifrað upp
í tré til að hafa þig aðeins leng-
ur hjá mér, þá væri ég líklega
ennþá þar. Þú ert hetjan mín
og með sterkasta hjarta ver-
aldar.
Nonni Boggi, uppáhaldskis-
inn þinn og besti vinur þegar
þú bjóst hjá mömmu og pabba,
hefur eflaust orðið kátur að sjá
þig og Balli afi og amma Bogga.
Ég skil afa Guðjón mjög vel,
hann gat ekki beðið lengur eftir
þér. Þegar þú sagðir um daginn
„ég vil hafa manninn minn
hérna hjá mér“ þá vissi ég að
þú værir búin að hitta hann og
ég ákvað að sleppa af þér tak-
inu.
Móttökunefndin er orðin ansi
væn þarna; allir afarnir, Anna
og Maggi, Brói, Kiddi, Svala,
Nonni bróðir þinn og allir kett-
irnir. Ég er næstum farin að
hlakka til að koma yfir til að
hitta ykkur öll, en ég vona að
ég eigi eftir að gera eitthvað
aðeins meira hérna megin. Guð
blessi þig, elsku amma mín, og
ég lofa, ég skal sjá um restina.
Unnur Birna Björnsdóttir.
Elsku amma, ég samdi til þín
lag.
Er svefninn svífur á brá
ég sé þig, þú ert mér hjá
í draumi, í huga, í hjarta.
Þú lifir í mínu hjarta.
Minningar um þig geymi.
Ég geymi,
aldrei gleymi
þínum höndum strjúka mér um
vanga,
hlýjunni sem umvafði mig alla.
Til þín ég svíf í draumi
og kveð þig í hinsta sinn.
Hvíl í friði og ró,
þú hefur gert meira en nóg,
verndarengill minn.
Nú tölum við bara saman í draumi.
Það er mér nóg,
ef það veitir þér ró.
Takk fyrir ástina, umhyggjuna,
tímana tvenna,
huggunina.
Til þín ég svíf í draumi
og kveð þig í hinsta sinn.
Hvíl í friði og ró,
þú hefur gert meira en nóg,
verndarengill minn.
Annalísa Hermannsdóttir.
Kynni mín af Unni Baldvins-
dóttur, tengdamóður minni, hóf-
ust fyrir um það bil 35 árum er
ég kom á heimili hennar og
Guðjóns Sigurkarlssonar heit-
ins, tengdaföður míns, í Rauð-
holti á Selfossi.
Það má með sanni segja að
hún hafi tekið mér vel, eins og
reyndar hún tók öllum gestum,
með kostum og kynjum.
Í þau fjöldamörgu skipti sem
við Guðborg dvöldum þar um
helgar eða kíktum inn til þeirra
á ferð okkar um Suðurland var
alltaf tekið á móti okkur eins og
við værum að koma langt að og
hefðum hvorki fengið vott né
þurrt í marga daga. Unnur hafði
sérstakt dálæti á að gefa svöng-
um að borða og dró fram kræs-
ingar meðan hún spurði fregna
af okkur.
Síðar fengu dætur okkar líka
að njóta gestrisni hennar og ein-
staklega hlýlegrar umhyggju.
Fyrir það er ég ævinlega
þakklátur henni.
Unnur
Baldvinsdóttir
✝ Árni Jónssonfæddist í
Reykjavík 9. júní
1950 og ólst upp á
Bala í Þykkvabæ.
Hann lést á Land-
spítalanum í Foss-
vogi 5. júní 2018.
Foreldrar hans:
Jón Árnason, f.
12.8. 1926 í Bjarna-
reyjum, d. 10.4.
1998, og Svava
Þuríður Árnadóttir, f. 9.6. 1927 í
Snjallsteinshöfða.
Jón og Svava hófu búskap á
Bala í Þykkvabæ. Áttu þau sjö
börn.
Barn Jóns: Guðrún Lára, f.
12.4. 1944, d. 28.11. 1997. Maður
hennar Björn Pálmi Hermanns-
son, f. 16.7. 1938. Þau eignuðust
tvö börn.
Börn þeirra eru Sæmundur, f.
25.10. 1948. Kona hans er Þór-
unn Ragnarsdóttir, f. 17.7. 1945.
Þau eiga tvö börn. Margrét, f.
16.2. 1952. Maður hennar er Jón
Hinrik Gíslason, f. 2.4. 1953.
Þau eiga fjögur börn. Ragnheið-
ur, f. 26.4. 1954. Hún á fimm
börn. Elín, f. 4.6. 1956. Maður
hennar er Júlíus Sigurðsson, f.
20.11. 1955. Þau eiga tvö börn.
Andri, f. 18.9. 1957. Hann á eitt
barn. Pálmi, f. 11.11. 1958. Kona
hans er Sjöfn Hálfdánardóttir, f.
14.9. 1961. Þau
eiga tvö börn og
hún einn son.
Í desember
23.12. 1970 kvænt-
ist Árni Esther
Markúsdóttur, f.
23.12. 1950. Börn
þeirra: Svava Þur-
íður, f. 5.8. 1971.
Börn hennar Dag-
mar Rós, Esther
Rós, Sylvía Rós og
Arnar Smári. Jón, f. 30.10. 1976,
kvæntur Ingrid Kleppe. Börn
þeirra eru Sebastian Árni og
Freyja. Sigurður Grétar, f. 27.4.
1979. Börn hans Aníta Dögg,
Mikael Carlo og Rafael Snær.
Sandra, f. 2.12. 1985. Unnusti
hennar er Jónas Örlygsson.
Börn þeirra eru Örlygur Logi
og Árni Fannar.
Árni ólst upp á Bala í Þykkva-
bæ til 18 ára aldurs en þá hóf
hann búskap með Esther. Árni
vann ýmis störf, þar á meðal
sem bóndi, sjómaður, við
kennslu og fleira. Hann lærði
rafvirkjun og tók síðar meist-
aranám í rafvirkjun. Hann starf-
aði hjá Rarik á Hvolsvelli til
dánardags.
Útför Árna fer fram frá
Oddakirkju í Rangárvallasýslu í
dag, 22. júní 2018, og hefst at-
höfnin klukkan 14.
Elsku pabbi minn. Sunnu-
daginn 3. júní þegar ég kvaddi
þig á sjúkrahúsinu fór ég heim í
góðri trú um að þú værir að
fara að ná þér eftir þessi erfiðu
veikindi.
Frá því að þú veiktist
skyndilega í lok febrúar varstu
búinn að berjast eins og hetja
við þinn sjúkdóm, allt var á
réttri leið og voru batamerki á
hverjum degi.
Ég verð alltaf þakklátur fyrir
dagana sem ég átti með þér áð-
ur en þú kvaddir. Þessa helgi
töluðum við um hvað væri fram-
undan og að þú kæmist aftur
heim á Hellu til mömmu.
Þriðjudagskvöldið 5.6. stopp-
aði tíminn, ég hringdi strax upp
á spítala þegar ég heyrði að þú
hefðir snögglega veikst en var
tilkynnt að þú værir látinn.
Hugsunin að geta ekki hringt
í þig og heyrt í þér og fengið
ráð frá þér er erfið.
Þú varst alltaf til staðar og
alltaf tilbúinn að hjálpa ef þú
mögulega gast.
Þannig mun ég minnast þín,
hjálplegur og alltaf til staðar
fyrir alla.
Eitt þitt aðaláhugamál voru
veiðar, lax og silungur. Þær
voru ófáar veiðiferðirnar sem
við fjölskyldan fórum í. Eins og
hvert ár var stefnan í sumar að
fara í veiðiferð í Ytri-Rangá
sem var áin þín. Það verða
þung skref að mæta í ána 29.6.
án þín. Ég veit að þú, elsku
pabbi minn, verður með okkur í
anda við ána þína.
Minning þín lifir, elsku pabbi
minn.
Þinn sonur,
Jón.
Við starfsmenn RARIK
kveðjum í dag samstarfsmann
og vin til margra ára. Árni
Jónsson starfaði fyrst sem raf-
virki í vinnuflokki RARIK á
Hvolsvelli á árunum 1980-84 og
vann þá við ýmis störf í dreifi-
kerfinu á Suðurlandi. Hann fór
síðan til annarra starfa, var
m.a. bóndi á Króki í Ásahreppi
um tíma, fór síðan til Noregs,
vann sem rafvirki hjá Rækj-
unesi í Stykkishólmi, en lauk
síðan meistaranámi í rafvirkjun
og varð rafvirkjameistari hjá
SS á Hvolsvelli. Hann hóf störf
að nýju í vinnuflokki RARIK á
Hvolsvelli 2007 og starfaði
næstu árin við hin ýmsu raf-
virkjastörf í Rangárvalla- og
Skaftafellssýslu tengd dreifi-
kerfi RARIK, hvort sem um
var að ræða línuvinnu, tengi-
vinnu í aðveitu- og spennistöðv-
um eða tengingu háspennu-
strengslagna. Árni varð
starfsmaður rekstrarsviðs 2015
og starfaði eftir það m.a. við
eftirlit í aðveitu- og spenni-
stöðvum og við skráningar-
vinnu.
Hann starfaði hjá fyrirtæk-
inu þar til hann varð að hætta
vegna veikinda sinna í byrjun
þessa árs. Árni var virkur þátt-
takandi í félagsstarfi starfs-
manna, var áhugasamur golfari
og mikill veiðimaður.
Nú þegar við kveðjum Árna
Jónsson hinstu kveðju vil ég
fyrir hönd RARIK og sam-
starfsmanna hans þakka fyrir
það traust og trúnað sem hann
sýndi starfi sínu og samstarfs-
mönnum. Einnig vil ég þakka
fyrir vináttu hans og samstarf.
Fjölskyldu Árna sendi ég
okkar innilegustu samúðar-
kveðjur. Blessuð sé minning
Árna Jónssonar.
Fyrir hönd samstarfsmanna
hjá RARIK,
Tryggvi Þór Haraldsson.
Elsku pabbi minn.
Tárin renna í hvert skipti
sem ég hugsa um að þú sért
farinn frá okkur. Frá því að
veikindin byrjuðu sá ég þig allt-
af fyrir mér standandi við Æg-
issíðufoss brosandi. Ég hélt að
það þýddi að þú myndir jafna
þig og koma með okkur aftur í
veiði, en núna veit ég að þetta
þýddi að þú fengir hinstu hvíld-
ina og yrðir loksins laus við
sársauka. Söknuðurinn er samt
svo mikill.
Veiðin var okkar fjölskyldu-
sport og verður hún ekki eins
án þín. Það var svo gaman að
koma til ykkar í heimsókn, þá
biðuð þið alltaf brosandi í dyr-
unum þegar við komum í hlaðið.
Ég vildi að þú hefðir getað
fengið að sjá afastrákana þína
Örlyg Loga og Árna Fannar,
nafna þinn, vaxa úr grasi. Þeir
vildu alltaf sitja í fanginu á þér
og horfa með þér á fótboltann
eða syngja með þér.
Þú elskaðir að syngja og
hlusta á söng. Það var svo gam-
an að hlusta á þig segja sögur,
þú varst svo orðheppinn og
fyndinn og hafðir einstakt lag á
að halda athyglinni allan tím-
ann.
Þú varst líka svo hjálpsamur
og umhyggjusamur, það sást
Árni Jónsson
Innilegar þakkir vegna andláts og útfarar
ástkærs föður okkar, tengdaföður, afa og
langafa,
HILMARS ANDRÉSSONAR
frá Smiðshúsum.
Sérstakar þakkir til starfsfólks
dvalarheimilisins Sólvalla fyrir góða
umönnun.
Björn Hilmarsson R. Brynja Sverrisdóttir
Úlfhildur Hilmarsdóttir Ásgeir V. Ásgeirsson
Kolbrún Hilmarsdóttir
Gísli Stefánsson
barnabörn og barnabarnabörn
Innilegar þakkir fyrir auðsýnda samúð og
vinarhug vegna andláts og útfarar elskulegs
eiginmanns, föður, stjúpföður, tengdaföður,
afa og langafa,
VÍGLUNDAR PÁLSSONAR,
Hamrahlíð 18.
Elín Friðbjörnsdóttir
og aðstandendur
Ástkær eiginmaður minn, faðir, stjúpfaðir,
tengdafaðir, afi og bróðir,
RÚNAR SVANHOLT GÍSLASON,
lögmaður,
lést á líknardeild LSH laugardaginn 16. júní.
Útför fer fram frá Hafnarfjarðarkirkju
fimmtudaginn 28. júní klukkan 13.
Halla Sigurgeirsdóttir
Hólmfríður Rós Rúnarsdóttir Davíð Kristjánsson
Rúnar Steinn Rúnarsson Katrín Björk Gunnarsdóttir
Hrólfur Sturla Rúnarsson Guðný Margrét Jónsdóttir
Emil Örn Sigurðarson Þóra Árnadóttir
barnabörn og systkini