Morgunblaðið - Sunnudagur - 24.06.2018, Blaðsíða 2

Hvar og hvenær verður
Landsmót hestamanna í
ár?
Landsmót hestamanna 2018 er í
Víðidal í Reykjavík á félagssvæði
Fáks. Mótið hefst á sunnudeginum 1.
júlí þar sem verður byrjað með látum.
Á fyrsta degi verður frítt inn á svæðið
þar sem við verðum með fjölskyldudag
íslenska hestsins. Þar verður keppni í
barna- og unglingaflokkum og ýmis önnur
dagskrá. Jói Pé og Króli munu stíga á svið, leik-
hópurinn Lotta og fleiri og fleiri. Mótinu lýkur svo
8. júlí.
Hvað eigið þið von á mörgum hestum
í ár?
Hestarnir verða á bilinu þúsund til tólf hundruð, svo
við erum að tala um á annað þúsund hross, þau allra
bestu. Þetta verður mjög fjölbreytt, það er verið að
spá í kynbótadóma, ræktunina og svo verða auðvitað
gæðingakeppin og kappreiðarnar.
Er einhver dagskrárliður í uppáhaldi?
Stemningin í kringum hápunktana eins og úrslitin og
töltið er engu lík.
Verða einhverjar nýjungar í ár?
Áðurnefndur fjölskyldudagur er nýjung í ár, svo verður
hliðardagskráin fyrir utan keppnina eins og tónlistar-
dagskráin. Svo setur HM náttúrlega smá svip á þetta og
við verðum með risastórt tjald til að horfa á leikina. Þá
verður stór innkoma frá verkefninu Horses of Iceland,
sem er kynning á íslenska hestinum sem Íslandsstofa
leiðir.
Hver er svo helsti munurinn á LM 2018 og
HM 2018?
Leikmennirnir hjá okkur eru ferfættir!
Morgunblaðið/Valli
ÁSKELL HEIÐAR
ÁSGEIRSSON
SITUR FYRIR SVÖRUM
Í FÓKUS
2 MORGUNBLAÐIÐ SUNNUDAGUR 24.6. 2018
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Inga Rún Sigurðardóttir ingarun@mbl.is Júlía Margrét Alexandersdóttir julia@mbl.is Orri Páll Ormarsson
orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Slayer? Hef aldrei heyrt þá nefnda,“ fullyrti fréttastjóri á vakt hér í Mó-unum í vikunni, svellkaldur þegar ég spurði hvort ekki yrði örugglegaljósmynd í blaðinu á mánudaginn frá tónleikum málmgoðanna á
Secret Solstice sem fram fara í kvöld, laugardagskvöld. Fréttastjórinn var
ekki bjartsýnn á það. „En kæmirðu með Supertramp til landsins þá myndi ég
rjúka upp til handa og fóta.“
Svo skellti hann upp úr. Lét tilfinningar mínar lönd og leið.
Aumingja maðurinn, hugsaði ég með mér; þvílík skerðing á lífsgæðum
hans að þekkja ekki Slayer. Það er eins og að fara í gegnum lífið án blóðugrar
nautalundar með bernaise og argentínsku eðalrauðvíni. Hér er freistandi að
nafngreina tiltekna þrúgu en ég ætla ekki að þykjast hafa meira vit en mér
var gefið.
En sínum augum lítur hver á silfrið. Það er gömul saga og ný. Engin
hljómsveit, hvorki lifandi né dauð,
hefur gert meira fyrir mig gegnum
tíðina en Slayer. Hún og Metallica.
Og svo kannski Sepultura, meðan
Max Cavalera naut ennþá við. Af
augljósum ástæðum er því stór dag-
ur framundan í mínu lífi. Rykið verð-
ur dustað af leðrinu enda þótt skyn-
samlegra yrði ugglaust að mæta í
sjóstakk á svæðið ef marka má
spána.
Haldir þú að fjölskyldan fylgi fast
á hæla mér í kvöld, lesandi góður, er
það misskilningur. Ég hef alið upp
fimm börn og af einhverjum óskilj-
anlegum ástæðum eru fjögur þeirra
á sama báti og fréttastjórinn í Móun-
um; gætu ekki nafngreint einn ein-
asta bandingja í Slayer enda þótt líf-
ið sjálft lægi við. Ég fer ekki nánar út í tónlistarsmekk þeirra hér; sú frásögn
yrði einfaldlega of hryggileg. Einn sonur mun þó standa mér þétt við hlið.
Undantekningin sem sannar regluna. Almættinu til vorkunnar ber að halda
því til haga að það fékk móral fyrir nokkrum árum og úthlutaði mér tengda-
syni sem er grjótharður málmhaus. Sá mun að sjálfsögðu ekki láta sig vanta í
Dalinn. Hann spilar handbolta og gerði áhugaverða samfélagstilraun fyrir
skemmstu; spilaði Slayer fyrir liðsfélagana í klefanum fyrir leik. Tengdasyn-
inum til ómældrar undrunar fylltust þeir mikilli skelfingu og harpixið slettist
upp um alla veggi áður en hlaðið var aftur í gamla lagalistann. Ekki fylgir
sögunni hvernig leikurinn fór.
Já, börnin góð. Slayer er ekki fyrir viðkvæmar sálir!
Ljósmynd/Bad Feeling Magazine
Slayinn kaldur og
Supertrampað á
tilfinningunum
Pistill
Orri Páll
Ormarsson
orri@mbl.is
’ Aumingja maðurinn,hugsaði ég með mér;þvílík skerðing á lífs-gæðum hans að þekkja
ekki Slayer. Það er eins og
að fara í gegnum lífið án
blóðugrar nautalundar
með bernaise og argent-
ínsku eðalrauðvíni.
Heimir Bjarnason
Ekki persónulega, en ég fer til
ömmu sem er með allt skreytt.
SPURNING
DAGSINS
Átt þú ein-
hvern
stuðnings-
búnað fyrir
íslenska
liðið?
Valur Tómasson
Já, nóg af honum. Þrjár treyjur,
húfur, fána og fleira.
Halldóra Ólafsdóttir
Já, treyju!
Sturla Sær Erlendsson.
Já, treyjuna sem ég er í.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Áskell Heiðar Ásgeirsson er framkvæmdastjóri Landsmóts
hestamanna 2018 sem verður hið 23. í röðinni. Mótið
stendur yfir frá 1. til 8. júlí þar sem fyrsti dagurinn er í op-
inni fjölskyldudagskrá. Hægt er að nálgast miða á tix.is
Á annað
þúsund
hross