Morgunblaðið - Sunnudagur - 24.06.2018, Blaðsíða 35

Sólin skein í Grófinni þegarblaðamaður settist í kaffi-bolla með Svikaskáldunum
Melkorku Ólafsdóttur og Sunnu
Dís Másdóttur. Ásamt þeim skipar
hópurinn Fríðu Ísberg, Ragnheiði
Hörpu Leifsdóttur, Þórdísi Helga-
dóttur og Þóru Hjörleifsdóttur. Í
fyrra fór hópurinn í sumarbústað
og afraksturinn var þeirra fyrsta
bók, Ég er ekki að rétta upp hönd.
Nýlega héldu Svikaskáldin til
Frakklands til að skrifa nýútkomna
bók sína, Ég er fagnaðarsöngur.
Svikaraheilkennið
Melkorka segir Svikaskáldin vera
hóp ungra kvenna sem kynntist í
ritlist í Háskólanum. „Við komumst
eftir nokkrum krókaleiðum að því
að við vorum allar með svokallað
svikaraheilkenni – tilfinninguna að
það hljóti að komast upp um þig, að
fólk hljóti fyrr eða síðar að komast
að því að þú vitir ekkert hvað þú
ert að gera,“ segir hún. „Þetta
tengist svolítið þeirri fullkomnunar-
áráttu sem hefur háð okkur öllum.
Þegar við skrifuðum fyrstu bókina
okkar var yfirlýst markmið að ráð-
ast á áráttuna, og þá var gott að
vera í góðum hóp,“ segir Sunna.
„Við tókum allar okkar dýfur í
þeirri ferð, þar sem sjálfsefinn tók
yfir,“ segir Melkorka. „Þá voru hin-
ar stelpurnar duglegar að tosa
konu upp og stappa í hana stálinu.“
Sunna bætir við að þær hafi líka
staðið fast á sínu. „Stundum spurði
kannski einhver hvort við ættum
ekki að hreinsa hlutina aðeins bet-
ur til, en þá var svarið „Hættu
þessu, þetta er pönk. Við ætlum
ekki að sitja á handritinu í hálft ár.
Það er ekki hugmyndin.““
Spáð í tröllskessur
Aðspurðar segja þær stuðning ekki
eina kost þess að skrifa sem hópur.
„Þetta er okkar sameiginlega
verk,“ segir Sunna. „Í fyrra fórum
við í bústað og unnum þar í eina
helgi, og í ár fórum við til Marseille
og sátum þar við skrif. Stór hluti af
þessu er að vera saman og skrifa
saman. Ekki endilega til að setja
einhverja skýra stefnu um hvað við
viljum gera, heldur frekar til að
þræða saman hugmyndir,“ segir
hún. „Maður vaknar kannski einn
morguninn og segir við hinar. „Ég
var rosalega mikið að spá í tröll-
skessum“ eða „Mig dreymdi þetta!“
Þetta er ekki meðvituð ákvörðun
um hvað við ætlum að einbeita okk-
ur að,“ segir Melkorka. „Ég sé
þetta fyrir mér sem eins konar spí-
ral – punkt sem við vinnum í kring-
um og hleður utan á sig í hverri
kaffi- eða vínpásu. Í bókinni koma
stundum hugtök og orð endurtekin
og við erum meðvitað ekki að
hreinsa þau út,“ segir Sunna.
Fjölbreytileiki konunnar
„Í síðastu bók var tónninn sem við
vorum að slá rétturinn til að tjá sig
þótt kona sé ófullkomin og geri
mistök,“ segir Melkorka. „Heiti
bókarinnar vísar til þess. Ég á ekki
að þurfa að rétta upp hönd, ég vil
ekki rétta upp hönd.“ Sunna segir
að heiti nýju bókarinnar sendi önn-
ur skilaboð. „Nú skynjar maður að
konan úr síðustu bók er búin að
þróast og þroskast,“ segir hún.
„Þetta eru ákveðnar pælingar í
kringum það hvað er að vera kona,
en ekki endilega frá sjónarhorni
kvenréttinda. Snýst meira um að
fagna konunni í sinni fjölbreytileg-
ustu mynd,“ segir Melkorka. „Að
vera alls konar. Skessan, huldukon-
an og allt þar á milli,“ segir Sunna.
Í fögnuði!
„Þegar statt og stöðugt er unnið í
hóp þá hefur umhverfið mikil áhrif.
Við skrif þessarar bókar vorum við
Miðjarðarhafið, í kringum yndislegt
fólk, að borða gómsætan mat og í
dásamlegu veðri. Allt varð rosalega
hjartaopnandi,“ segir Melkorka.
„Þegar við skrifuðum síðustu bók
vorum við í allt öðru umhverfi. Ís-
lenskri sveit, með holtum og mó-
um,“ segir hún. „Ég varð samt svo-
lítið hissa hvað var miklu meira
Ísland en ég hélt í nýju bókinni.
Það laumaði sér með,“ segir Sunna.
„Svo áttum við einn dag í París
sem var allur undir merkjum kenn-
arans okkar, Sigurðar Pálssonar,“
segir Melkorka og Sunna skýtur
inn að Sigurður sé eiginlega guð-
faðir hópsins. „Tónn bókarinnar var
óneitanlega litaður af honum og
nálgun hans á tilveruna. Hann átti
einmitt til að nota óvenju gleðiríkar
kveðjur eins og t.d „Í fögnuði!““
Aðspurðar um hvað taki við
segja þær hópinn styðja við bakið
hver á annarri í fjölbreyttum verk-
efnum sínum. „Ég hef hitt eldri
skáld sem segjast gjarnan vilja
hafa átt svona stuðningsfélag þegar
þau voru að byrja, það er óneit-
anlega mjög dýrmætt,“ segir Mel-
korka.
„Það er alltaf þessi lífsseiga hug-
mynd um skáldið á hanabjálk-
anum,“ segir Sunna. „Einn og þjáð-
ur og guðlega innblásinn. Það eru
líka til aðrar leiðir!“
Ekki skáldið á
hanabjálkanum
Ég er fagnaðarsöngur er ljóðabók fimm kvenna sem tilheyra hópnum Svika-
skáld. Þær skrifa hver sín ljóð, en þræða saman hugmyndir sínar og stef.
Arnar Tómas Valgeirsson arnart@mbl.is
Svikaskáldin sem
standa að bókinni
samankomin eftir
útgáfuboð í Mengi.
Morgunblaðið/Árni Sæberg
24.6. 2018 MORGUNBLAÐIÐ SUNNUDAGUR 35
BÓKSALA 13.-19. JÚNÍ
Listinn er tekinn saman af Eymundsson
1 UppgjörLee Child
2 Sumar í litla bakaríinuJenny Colgan
3 OfurhetjuvíddinÆvar Þór Benediktsson
4 GlerstofanAnn Cleeves
5 Þriðji engillinnAlice Hoffman
6 StormfuglarEinar Kárason
7 KapítólaEmma D.E.N. Southworth
8 Vegahandbókin 2018Ýmsir höfundar
9 BlóðengillÓskar Guðmundsson
10 Marrið í stiganumEva Björg Ægisdóttir
1 OfurhetjuvíddinÆvar Þór Benediktsson
2 Ísland á HMGunnar Helgason
3
Handbók fyrir ofurhetjur
annar hluti – Rauða gríman
Elias/Agnes Vahlund
4
Risasyrpa – Sniðugar
uppfinningar
Walt Disney
5 Einar Áskell leikur sérGunilla Bergström
6 Vinir Einars ÁskelsGunilla Bergström
7
Þegar ég verð stór ætla
ég að spila með íslenska
landsliðinu
Gemma Cary
8 Stóra bókin um HvolpasveitinaMary Tillworth
9
Bangsímon – Margur er
knár þótt hann sé smár
Walt Disney
10 Risasyrpa – Sögufrægar endurWalt Disney
Allar bækur
Barnabækur
Nú er það bókin Mið-Austurlönd –
fortíð, nútíð og framtíð eftir Magn-
ús Þorkel Bernharðsson. Þar er um
að ræða áhuga-
verða, nokkuð sein-
lega, en afar fróðlega
lesningu, ólíka þeirri
sem ég skautaði
léttilega yfir um dag-
inn, hina mjög svo
ungæðislegu bók
Priscillu Presley, Elsku Elvis. Þeirri
bók gaukaði Pálmi í Úðafossi að
mér, vitandi að ég
hafði kynnst höfund-
inum lauslega í LA á
sínum tíma. Fyrir
Mið-Austurlönd var
ég reyndar byrjaður
á bókinni Stoned eft-
ir Andrew Loog Old-
ham sem Valgeir Guðjónsson lán-
aði mér. Þar segir frá ævintýralegu
lífi þessa stórmerka
samverkamanns
Rolling Stones og
hlakka ég satt að
segja mjög til að
ljúka við harmsögu
Mið-Austurlanda og
henda mér að nýju á
flennireiðarvagn gleðimennanna
Oldhams, Jaggers & co! Að því
loknu verður það svo væntanlega
bara sjálf Biflían!
ÉG ER AÐ LESA
Jakob
Frímann
Magnússon
Jakob Frímann Magnússon er tón-
listarmaður og miðborgarstjóri.
FÆREYJAR
2 fullorðnir með fólksbíl.
verð á mann frá
ISK14.700
DANMÖRK
2 fullorðnir með fólksbíl.
verð á mann frá
ISK27.400
Vikulegar siglingar allt árið til Færeyja og Danmerkur.
Stangarhyl 1 | 110 Reykjavík | Sími: 570-8600
Smyril Line Seyðisfjörður 4702808 |
info@smyril-line.is | www.smyrilline.is
Taktu bílinn með
til Færeyja eða
Danmerkur
Bæklingurinn
okkar fyrir 2018 er
kominn út. Í honum
finnur þú fullt af
tilboðum og
verðdæmum. Hægt
er að nálgast hann á
www.smyrilline.is
Bókaðu
núna og
tryggðu
þér pláss