Morgunblaðið - 06.04.2018, Qupperneq 38

38 MENNING
MORGUNBLAÐIÐ FÖSTUDAGUR 6. APRÍL 2018
TORMEK Brýnsluvélar
s Tormek T-4
Verð 56.980
Allar stýringar fyrirliggjandiOp
ið v
irka
dag
a frá
9-18
lau
frá 1
0-16
Laugavegi 29 | sími 552 4320 | www.brynja.is | verslun@brynja.is
s Tormek T-8
Verð 98.800
Verslunin Brynja er umboðsaðili
TORMEK á Íslandi
Ný
vefvers
lun
brynja.i
s
Helgi Snær Sigurðsson
helgisnaer@mbl.is
Benji the Dove, bandarísk kvikmynd
byggð á Benjamín dúfu eftir Friðrik
Erlingsson, sem kom út 1995, verður
heimsfrumsýnd á
Alþjóðlegri barna-
kvikmyndahátíð í
Reykjavík í Bíó
Paradís á morgun.
Benjamín dúfa
var gerð eftir
samnefndri
barnabók Friðriks
Erlingssonar á
sínum tíma og
hlaut góðar við-
tökur en banda-
ríska útgáfan er að mörgu leyti ólík
henni enda sögusviðið bandarískt
sem og nær allar persónur.
Frá Texas til New York
Erlingur Jack Guðmundsson er
einn af framleiðendum Benji the
Dove en hann hefur m.a. komið að
framleiðslu kvikmyndanna Grimmd
og Grafir og bein. Hann segist hafa
haft samband við Friðrik Erlingsson
fyrir nokkrum árum til að athuga
hvort kvikmyndarétturinn að enskri
útgáfu Benjamíns dúfu væri enn op-
inn og hvort hann mætti kanna hvort
hægt væri að ráðast í gerð kvik-
myndarinnar erlendis. Ensk útgáfa
bókarinnar var örlítið frábrugðin
þeirri íslensku, að sögn Erlings.
„Hann tók vel í það og þá fór af
stað ferli. Ég fékk voða flotta fram-
leiðendur í Texas til að vera með mér
í þessu og þróaði með þeim handrit
upp úr bókinni, erlendu útgáfunni,
með öðrum leikstjóra. Við gerðum
þetta í eitt, tvö ár, handritið var þá
orðið nokkuð gott og verkefnið kom-
ið á það stig að hægt var að hefja
tökur. Við vorum tilbúnir að hefjast
handa árið 2015 en viku áður en ég
pantaði mér flugmiða út misstum við
helming fjármagnsins og verkefnið
dó í smátíma,“ segir Erlingur. Málin
hafi svo þróast þannig að verkefnið
var fært alfarið til New York, annar
leikstjóri fundinn og kvikmyndin
gerð fyrir mun lægri upphæð en
fyrri áætlanir gerðu ráð fyrir. „Ef ég
nefni eitt dæmi höfðum við ekki efni
á því að kveikja í húsi í Bandaríkj-
unum, það hefði kostað okkur
formúu. Við þurftum því að gera
breytingar á handriti,“ segir Erling-
ur um þá erfiðu stöðu.
Eldskírn framleiðanda
Erlingur segist ekki hafa gert sér
grein fyrir hversu erfitt væri að gera
kvikmynd í Bandaríkjunum. Til að
mynda hafi fulltrúi Samtaka leikara
í kvikmyndum og sjónvarpi í Banda-
ríkjunum, SAG, reynst þeim óþægur
ljár í þúfu. „Hann var andandi ofan í
hálsmálið á okkur alla daga af því að
við vorum með krakka í aðalhlut-
verkum. Við komum stundum á
tökustað og þá sagði fulltrúi SAG að
við hefðum bara sex tíma til að taka
upp en ekki átta,“ segir Erlingur.
– Þetta hefur verið mikil eldskírn
fyrir þig sem framleiðanda?
„Þetta var mikil eldskírn, já. Ég
fór bara út í djúpu laugina og lærði
heilmikið af þessu,“ svarar Erlingur
kíminn.
Sama sagan í grunninn
Erlingur segir að breytingar hafi
verið gerðar á sögunni fyrir banda-
rísku kvikmyndina og því sé réttara
að segja að Benji the Dove sé byggð
á enskri þýðingu á Benjamín dúfu
frekar en að hún sé endurgerð hinn-
ar íslensku kvikmyndar.
„Það er betra að orða það þannig
en öll gildin og sagan eru í rauninni
mjög svipuð,“ segir hann. „Þetta er í
raun sama sagan, um nokkra stráka
og yfirgangsseggi sem eru að gera
þeim lífið leitt. Gömul kona bjargar
þeim úr hremmingunum og svo
stofna þeir þessa riddarareglu þegar
skoskur strákur flytur í litla bæinn
þeirra. Þá fara þeir að gera uppreisn
gegn yfirgangsseggjunum,“ segir
hann um söguþráðinn.
Lítt þekktur leikstjóri á uppleið
– Leikstjóri myndarinnar og ann-
ar handritshöfunda, Kevin Arbouet,
er svo til óþekktur, er það ekki?
„Jú, hann hefur gert nokkrar
myndir en engar þekktar. Hann er á
uppleið í Bandaríkjunum og hefur
komist á stuttlista yfir handritshöf-
unda sem vert þykir að fylgjast
með,“ segir Erlingur. Arbouet hafi
reynst afar gagnlegur þegar kom að
því að finna réttu tökustaðina enda
New York-búi í húð og hár.
Leikarar myndarinnar eru að
sama skapi óþekktir enda flestir
börn að aldri en leikkonan Lynn Co-
hen, sem leikur gömlu konuna og
bjargvætt drengjanna, er hins vegar
nokkuð þekkt og hefur m.a. leikið í
kvikmyndunum Munich og The
Hunger Games: Catching Fire.
Erlingur segir langar leikprufur
hafa verið haldnar fyrir hlutverk
barnanna í myndinni og að þau sem
urðu fyrir valinu hafi staðið sig mjög
vel. Strákarnir sem leika vinina
höfðu hist nokkrum sinnum áður en
að tökum kom og var því þegar vel
til vina þegar þær hófust. „Þeir voru
alveg frábærir,“ segir Erlingur um
frammistöðu drengjanna.
Benji the Dove verður sýnd tvisv-
ar á Alþjóðlegri barnakvikmynda-
hátíð í Reykjavík, frumsýningin er á
morgun, laugardag, kl. 18 og næsta
sýning fimmtudaginn 12. apríl kl. 18.
Bandarísk Benjamín dúfa
 Benji the Dove heimsfrumsýnd á Alþjóðlegri barnakvikmyndahátíð í Reykjavík  „Ég fór bara
út í djúpu laugina og lærði heilmikið af þessu,“ segir framleiðandinn Erlingur Jack Guðmundsson
Riddarar Úr Benji the Dove, riddararegla hinna ungu drengja saman komin, grá fyrir járnum.
Verndarengill Lynn Cohen á tali við Gerald Jones III. sem leikur Benji.
Erlingur Jack
Guðmundsson
Tónlistarmennirnir Pétur Ben.,
Guðmundur Pétursson og Daníel
Friðrik Böðvarsson koma fram í
Mengi í kvöld kl. 21. Í tilkynningu
frá Mengi kemur fram að Daníel,
Guðmundur og Pétur séu „plánetur
á reiki um sólkerfi Reykjavíkur“ og
að „sporbaugar þeirra“ muni „mæt-
ast í fyrsta sinn“ í Mengi í kvöld.
„Samskipti þeirra fara fram í ljóði á
klassíska gítara og lífrænn spuninn
leitast við að særa órafmagnaða
hljóðláta söngva úr gíturum hver
annars.“ Húsið verður opnað kl.
20.30 og miðar eru seldir við inn-
ganginn.
Ljóð á klassíska gítara í Mengi í kvöld
Morgunblaðið/Golli
Gítarleikari Guðmundur Pétursson
Boðið verður upp á síðdegisstund
með Hafliða Hallgrímssyni, Nicola
Lolli og Andra Hafliðasyni í Hann-
esarholti í dag kl. 17.
Sýnd verða sérvalin myndbönd
með skýringum á tónlist Hafliða og
myndlist. Meðal annars verður
sýndur hluti úr óperu hans Die
Walt der Zwischenfalle frá flutn-
ingi í Vínarborg og hluti af Mini-
Stories sem flutt var í Dresden
Opera ekki alls fyrir löngu.
Nicola Lolli frumflytur Klee
Sketches fyrir einleiksfiðlu. Miðar
eru seldir á tix.is og við inngang-
inn. Veitingahúsið í Hannesarholti
er opið fram að viðburði.
Síðdegisstund með Hafliða, Lolli og
Andra í Hannesarholti í dag
Morgunblaðið/Golli
Tónskáld Hafliði Hallgrímsson