Jökull - 01.01.2009, Blaðsíða 135

Vorferð Jöklarannsóknafélags Íslands 2008
Hannes Haraldsson vatnamælinga-
maður við bíl sinn. Hann hefur tekið
þátt í langflestum vorferðum frá 1976.
– Hydrologist Hannes Haraldsson has
participated in most spring expediti-
ons since 1976. Ljósm./Photo. Sjöfn
Sigsteinsdóttir.
9. Hópurinn sem fór austur á Goðahnjúka ætlaði að
mæla hæð jaðarurða en með þeim mælingum fæst
mynd af þykkt og stærð jökulsins á litlu ísöldinni. Að-
eins tókst að mæla á Lambatungnajökli en ekki gaf á
Fláajökul í þetta sinn. Seinna um sumarið var farin
önnur ferð og náðust þá hæðir við Fláajökul. Þess-
ar mælingar eru hluti af doktorsverkefni Hrafnhildar
Hannesdóttur við HÍ.
10. Unnið var að ýmsum frágangi og mælingum í
tengslum við hið viðamikla borverkefni í Skaftárkötl-
um sem unnið hefur verið að undanfarin ár. Ekki var
þó borað nú enda búið að ná mælingum og sýnum
af ýmsu tagi úr báðum kötlum, þeim vestari 2006 og
þeim eystri 2007. Bergur Einarsson, meistaranemi við
HÍ tók þátt í mælingunum en verkefni hans snýst um
eðli Skaftárhlaupa.
Vegna veðráttunnar tókst ekki að viðarverja hús-
in, hvorki á Grímsfjalli né annars staðar. Skálarnir á
Grímsfjalli voru reyndar í góðu standi en borið var á
þau í sérstakri ferð í júlí árið áður. Í ferðinni voru flutt-
ar birgðir af olíu fyrir rafstöðina og eiga þær að endast
vel árið.
Auk sjálfboðaliða JÖRFÍ taka þátt í ferðinni vís-
indamenn frá Jarðvísindastofnun Háskólans, Veður-
stofunni, VatnamælingumOrkustofnunar, Landsvirkj-
un og háskólanum í Edinborg. Ánægjulegt er hve
margir framhaldsnemar vinna nú að verkefnum sín-
um í vorferðum en það sýnir að ferðirnar eru mikill
hvati fjölbreytilegra rannsókna á Vatnajökli.
Landsvirkjun hefur um áratugi verið mikilvægur
bakhjarl jöklarannsókna. Með í för var nýtt og glæsi-
legt sleðahýsi Landsvirkjunar, en það er arftaki Svít-
unnar sem margir jöklafarar þekkja úr fyrri leiðöngr-
um. Nýja sleðahýsið er stærra og ennþá betur búið
en það gamla. Mun nýja svítan án efa koma sér vel í
margvíslegum rannsóknum á jöklum uppi á komandi
árum. Annar mikilvægur bakhjarl er Vegagerðin, sem
eins og mörg undanfarin ár styrkti ferðina með fram-
lagi til eldneytiskaupa.
Þátttakendur: Aðalsteinn Svavarsson, Anna Lín-
dal, Ágúst Hálfdánsson, Brynjar Gunnarsson, Björn
Oddsson, Einar Ragnar Sigurðsson, Eiríkur Lárus-
son, Erik Sturkell, Finnur Pálsson, Guðmunda María
Sigurðardóttir, Hannes Haraldsson, Hlín Finnsdóttir,
Hlynur Skagfjörð Pálsson, Hrafnhildur Hannesdótt-
ir, Jóhanna Katrín Þórhallsdóttir, Magnús Hallgríms-
son, Magnús Tumi Guðmundsson, Sandra Ósk Snæ-
björnsdóttir, Sjöfn Sigsteinsdóttir, Sólveig Kristjáns-
dóttir, Steinþór Níelsson, Tanya Jude-Eton, Vilhjálm-
ur Kjartansson, Þóra Karlsdóttir.
Komu mánudag 2. júní: Bergur Einarsson, Magnús
Þór Karlsson, Matthew Roberts, Tómas Jóhannesson,
Þorsteinn Þorsteinsson.
JÖKULL No. 59, 2009 135