Breiðfirðingur - 01.04.1964, Blaðsíða 97

Sr. Lárus Thorarensen skáld
Hann fæddist í Stórholti í Dölum 12 september 1877.
Hann var sonarsonur Bjarna amtmanns.
Foreldrar hans voru séra Jón Thorarensen og kona hans
Jakobína Jónsdóttir. En faðir hennar var prestssonur frá
Stórholti.
Sr. Lárus elzt upp í Stórholti í hópi glaðra og gáfaðra
systkina. Það er stórbýli og höfðingjasetur á þeirra tíma
mælikvarða. Ljóðlist og sönglist sátu þar í öndvegi og voru
þær dísir dýrkaðar daglega af þessari stórmerku fjölskyldu.
Hann lauk prófi úr Prestaskólanum 1925, en stundaði
fyrst kennslustörf á ísafirði.
Hlýddi síðan kalli landa sinna í Norður-Dakota í Banda-
ríkjunum, og vígðist þangað í Dómkirkjunni í Reykjavík
^l. sept. 1910. Heimili hans vestra var að Gardar í Norður-
Dakota.
Sr. Lárus Thorarensen var að allra sögn, sem kynntust
honum ákaflega yndislegur maður. Hann var frábær kenn-
^ri og unni nemendum sínum heilshugar. Hann var mikill
ðarna og dýravinur. Til barnanna náði hann með blíðu,
til dýranna með nærgætni. Hann var næmur og fíngerður,
'viðkvæmur og ástúðlegur umfram flesta aðra. Hlédrægur
var hann og hóglátur, en gat þó orðið kappsfullur, ef
troðið skyldi á rétti smælingja fyrir augum hans eða öðr-
um sýnd kúgun og ranglæti.