Breiðfirðingur - 01.04.1995, Side 81

VÍSUR ÚR MIÐDÖLUM
79
Sérhver þýður sunnanblær
sólarblíðu njóti
þar sem hlíðin grösug grær
gljúfrum stríðum móti.
Björn þakkaði fyrir sig á þennan veg:
Óli smíðar orkusnar,
Árna prýðis niðji.
Allar tíðir ókomnar
auðnan blíð þig styðji.
Magnús, séra Ólafur og Jón í Hundadal
Ekki var kveðskapur Magnúsar á Þórólfsstöðum hátt metinn
hjá öllum. Eitthvert sinn kom hann að Kvennabrekku og kast-
aði síra Ólafur Ólafsson þá að honum þessum fyrriparti:
Skáldafákinn skerpir hann
skundar jörð og himnarann.
Það stóð í Magnúsi að botna en skömmu síðar heimsótti hann
Jón Jónsson í Hundadal og eftir það kom hann aftur að
Kvennabrekku með þennan botn:
Kom ég víða í kima þann
en hvergi séra Ólaf fann.
Þá æmti klerkur við: Aaa, ekki hefur þú ort þetta, Magnús
minn.
Jón í Hundadal var lipur hagyrðingur. Eftir hann mun vera
Málsprok það sem birtist í Breiðfirðingi 1992, bls. 182 og lagt
í munn Magnúsi bónda í Miðskógi. Á skólaárum sínum gisti
Gunnar Stefánsson frá Ósi á Skógarströnd einhverju sinni hjá
Láru frænku sinni í Hundadal ásamt Ævari Kvaran skólabróð-
ur sínum. í sama skipti gisti þar Magnús Björnsson frá Skógs-