Breiðfirðingur - 01.04.1995, Side 161

UPPHAF SKÓLAHALDS Á HELLISSANDl
159
í hreppsnefnd, en þá segir svo í Gjörða- og bréfabók Nes-
hrepps:
Arið 1890 þann 2. mars var fundur haldinn í hreppsnefnd-
inni í Neshreppi ytri og var þá fyrir tekið, að ræða um kaup
á nýju skólahúsi. Og kom þá til eftir nokkrar umræður að
nefndin komst að þeirri niðurstöðu að óumflýjanlegt væri
að reyna að komast að húsakaupum, ef fengist. Og bauð þá
Lárus Skúlason í Salabúð til að selja hreppnum svokallað
Vertshús í Stykkishólmi fyrir 1100 krónur, með öllu því
sem því fylgdi þegar hann keypti það. En skyldi hrepps-
nefndin komast að þeirri niðurstöðu að aflokinni skoðunar-
gjörð á húsinu að það reyndist svo brost-feldugt að fyrir-
sjáanlegur skaði væri að rífa það, þá undirgengist Lárus
Skúlason að veita húsi þessu móttöku 14. maí 1891. En við
nefndin uppátökum okkur að taka ofannefnt hús til leigu frá
1. maí 1890 til sama tíma 1891, með þeim skilmálum að
borga eftir það í leigu í reikning eða peningum 80 krónur
þegar leigutími er liðinn og lofar Lárus að ábyrgjast húsið
leigufært þegar það er afhent.