Breiðfirðingur - 01.04.2016, Side 10

BREIÐFIRÐINGUR10
um 1000. Þá voru íbúar á Patreksfirði 1000 en eru 700. Þetta er svakaleg
breyting; byggðin er á undanhaldi. Fækkunin er mest í sveitahreppunum.
Það er til dæmis ekkert barn lengur grunnskólaskylt í Rauðasandshreppi
og ekki heldur í Suðurfjarðahreppi. Á Barðaströnd þar sem var stór
skóli á Birkimel með tugum nemenda eru nú fimm nemendur í skóla.
Fækkunin í landbúnaði á sér margar orsakir, ein er sú hvað ættliðaskipti
eru erfið. Ungt fólk getur ekki byrjað búskap lengur með tvær hendur
tómar. Það þarf fjármuni til og það er stundum erfitt að skipa málum svo
að öll börn bændanna sem eru að hætta séu ánægð með skiptin. Nú er
Byggðastofnun farin að lána til kynslóðaskipta á bújörðum. Það hjálpar
en dugir ekki. Jarðirnar fara í eyði. Sumarbúskapur þéttbýlisfólks tekur
við. Það er gott að hafa það fólk á svæðunum en væri ennþá betra að
hafa atvinnurekstur, búskapinn, áfram. En það er ekki bara fækkun
í landbúnaði; það er líka fækkun fólks í sjávarútvegi. Það eru miklar
breytingar í dreifbýlinu, reyndar ekki bara hjá okkur heldur alls staðar.“
– En það er líka ýmislegt jákvætt að gerast?
„Já aldeilis. Þar skiptir ferðaþjónustan mjög miklu máli, þar er mikil
aukning og þar þarf enn meiri viðbót. Svæðið gæti tekið við enn fleira
fólki. Ég er hins vegar á því að á Vestfjörðum eigi ekki að bjóða upp á
fjöldatúrisma. Það má vera dýrt að koma hingað, við eigum að bjóða
upp á hágæðaþjónustu og umhverfisvæna ferðaþjónustu. Við getum
til dæmis litið til Patagoniu í Chile þar sem er mjög dýrt að vera en
mjög eftirsóknarvert. Það eru margskonar ný verkefni sem fylgja
ferðamennskunni sem við þurfum að takast á við. Reyndar er mikill
hluti atvinnutækifæra í ferðamennskunni ennþá í höndum aðkomufólks
sem stoppar stutt og fáir greiða útsvar til sveitarfélaganna. Þá eru þar að
störfum ótrúlega margir sjálfboðaliðar almenni í íslenskri ferðaþjónustu
sem vinna fyrir fæði og húsnæði en njóta þess að öðru leyti að fá
að vinna og þar fyrir utan að leika sér í íslenskri náttúru. Finnbogi
Sveinbjörnsson, formaður Verkalýðsfélags Vestfjarða, hefur nýlega
gagnrýnt þetta fyrirkomulag.
– Vinnur fólkið kauplaust?
„Já, það fær mat og húsnæði.“
– Hvað segja stéttarfélögin?
„Ég held að þau hafi ekki skipt sér mikið af þessu fyrr en Finnbogi vakti