Breiðfirðingur - 01.04.2016, Qupperneq 201

BREIÐFIRÐINGUR 201
bakk ar og Andakíll. Í samningnum er votlendissvæði skilgreint mjög
víðtækt og nær m.a. yfir mýrar, flóa, fen og vötn með fersku, ísöltu
eða söltu vatni, þar á meðal sjó þar sem dýpi er innan við sex metra.
Í samræmi við markmið samningsins ber samningsaðilum m.a. að
undirbúa og framkvæma skipulag þannig að stuðlað sé að vernd votlenda
almennt. Tilkynna skal ef líklegt er að votlendi sem hafa verið tilnefnd
muni verða raskað s.s. vegna verklegra framkvæmda, mengunar eða
annarrar röskunar af mannavöldum. Einnig skal stuðla að rannsóknum
og miðlun upplýsinga um votlendi s.s. gróðurfar og dýralíf.
Í verndaráætlun fyrir Breiðafjörð er lagt til að skoðað verði að
verndarsvæðið verði skráð á Ramsarlista en til að svo megi verða þarf
svæðið að uppfylla ákveðin skilyrði þar sem nokkur viðmið um lífríki
svæðanna eru lögð til grundvallar. Gerð er sérstök úttekt á svæðunum
með eftirfarandi flokka og viðmið að leiðarljósi:
Flokkur A: Svæði þar sem votlendisgerðin er dæmigerð,
sjaldgæf eða einstök
Viðmið 1: Votlendi skal meta sem alþjóðlega mikilvægt ef það
er dæmigert, sjaldgæft, eða einstakt dæmi um votlendi sem er
náttúrulegt eða hefur að geyma lítt raskaða votlendisgerð sem
finnst innan tiltekins landsvæðis sem einkennist af ákveðnum líf­
landfræðilegum þáttum.
Flokkur B: Viðmið byggð á tegundum og vistfræði samfélag.
Viðmið 2: Votlendi skal meta sem alþjóðlega mikilvægt ef það
viðheldur tegundum sem eru í yfirvofandi hættu, í hættu eða í
bráðrí hættu eða viðheldur vistfræðilegum samfélögum sem
er ógnað.
Viðmið 3. Votlendi skal meta sem alþjóðlega mikilvægt ef þar
eru (er búsvæði fyrir) plöntu­ og/eða dýrastofnar tegunda sem eru
mikilvægar til að viðhalda líffræðilegri fjölbreytni á ákveðnum líf­
landfræðilegum svæðum.
Viðmið 4: Votlendi skal meta sem alþjóðlega mikilvægt ef þar
eru (er búsvæði fyrir) plöntu­ og/eða dýrategundir á viðkvæmu
stigi á lífsferli þeirra eða svæðið er athvarf þeirra við óhagstæðar
aðstæður.
NÁTTÚRA BREIÐAFJA ÐAR