Breiðfirðingur - 01.04.2016, Qupperneq 60

BREIÐFIRÐINGUR60
jöfn unargjald til þeirra sem þyrftu að selja kjöt á erlenda markaði. Hvort
einhverjum hefur þetta þótt hart aðgöngu skal ósagt látið, en þetta var
þó samþykkt í í einu hljóði á fundinum.
Enn er framtíð félagsins á dagskrá á aðalfundi 1935, ekki sjálfgefið
að það haldi áfram rekstri sínum en í lok fundarboðs brýnir stjórnin
félagsmenn og segir: „Þess er vænst að allir geri sér grein fyrir því
hvers u áríðandi er að fundurinn verði vel sóttur, þegar um framtíð
nauðsynjamáls er að ræða samkvæmt nútíma menningu og hugsun­
arhætti“. Líklega hafa þessi hvatningarorð virkað því að í aðalfundar­
gerð segir: „Var að umræðum loknum samþykkt í einu hljóði að félagið
starfaði áfram og unnið af alúð að eflingu þess bæði útávið og innávið.“
Þessu áliti var fylgt eftir með því að leggja slátrunargjald á alla félags­
menn, jafnvel þó þeir nýttu ekki sláturhús þess.
Á þessum sama fundi var stjórn falið að endurskoða lög félagsins og
fá það lögskráð í anda gildandi samvinnulaga.
Fastara form og bjartari tímar
Fyrstu árin virðist hlutverk Sláturfélagsins Örlygs ekki hafa verið ann­
að en að eiga sláturhús á Gjögrum, taka leigu fyrir það og aðstoða ein­
staka bændur við markaðssetningu. Kaupfélag Rauðsendinga virðist
líka hafa nýtt sláturhúsið eitthvað og greitt af því leigu auk þess sem
það veitti styrk til byggingarinnar.
Í fyrrnefndri grein Ívars segir að Sláturfélagið Örlygur hafi breytt
starf semi sinni árið 1936 og gerðist það þá neytendafélag með kaup­
félagsfyrirkomulagi. Kemur það heim við fundargerðir félagsins, á
þess u ári er teningunum kastað. Félagið sjálft býður bændum upp á að
taka við afurðum þeirra og tekur í staðinn við pöntunum í nauðsynja­
vörur. Haustpöntunin 1936 er send Sambandi íslenskra samvinnufé laga,
svo að greinilega hefur verið horft þangað eftir markaði fyrir afurðir.
Fram kemur að kauptaxti við slátrun er 0,50 kr. (fimmtíu aurar) á
klukkustund. Til samanburðar skal þess getið að í sögu Verkalýðsfélags
Patreksfjarðar kemur fram að fyrsti kauptaxti félagsins á árinu 1931
hafi verið 80 aurar á klukkustund, sem eftir nokkra baráttu var hækkað
upp í 90 aura.