Breiðfirðingur - 01.04.2016, Qupperneq 72

BREIÐFIRÐINGUR72
Árið 2007 var gerður samningur milli Vesturbyggðar og Tálkna fjarðarhrepps annars vegar og Fjölbrautaskóla Snæfellinga – FSN hins vegar um rekstur
framhaldsdeildar á Patreksfirði. Síðar í ritinu er sagt frá skólanum og að stöðu
hans í Grundarfirði. Rekstur deildarinnar á Patreksfirði var upphaflega þró ­
unarverkefni til fjögurra ára en þar sem reynslan var góð af rekstri deild arinnar
er hún nú orðinn hluti af Fjöl brautaskóla Snæ f ellinga og það an hafa margir nem ­
endur lokið stúd ­
ents prófi. Nem enda­
fjöldi deildarinnar
hefur aukist jafnt og
þétt frá upphafi, eða
frá því að vera 12
nemendur haustið
2007 í að vera ríf­
lega 30 nemendur. Í
framhaldsdeildinni
geta nemendur af
suðursvæði Vestfjarða stundað nám á framhaldsskólastigi undir stjórn kennara í
Grundarfirði með aðstoð nútíma upplýsingatækni. Starfsmenn framhaldsdeildar
á Patreksfirði veita nemendum leiðsögn á staðnum og halda utan um
starfsemina. Allt frá stofnun FSN hefur skólinn unnið allar kennsluáætlanir með
það fyrir augum að þær henti hvort sem er dagskóla­ eða dreifnemendum. Þessi
skipan hefur gert það að verkum að nemendur í dagskóla, framhaldsdeildinni
á Patreksfirði og dreifnemendur sem eru í sama áfanga eru öll í sama hópnum.
Dreifmennt er góður kostur til að brúa bil milli landshluta og gera einstaklingum
kleift að stunda það nám sem þeir kjósa sér hvar sem þeir eru staddir.
Reglulegar námsferðir eru farnar til Grundarfjarðar, a.m.k. ein námsferð er
farin í hverjum mánuði. Ferðirnar eru mikilvægur hluti af starfi deildarinnar,
en markmiðið með þeim er að tengja saman nemendur og kennara og gefa
nemendum tækifæri til að sækja sér viðbótarþjónustu hjá kennurum sínum. Auk
þess hafa nemendur þá tækifæri til að taka þátt í félagslífi í stærra skólaumhverfi.
Ferðatilhögun hefur verið á þann veg að einu sinni í mánuði að loknum
hefðbundnum skóladegi er farið með rútu á Brjánslæk og þaðan með ferjunni
Baldri yfir Breiðafjörð til Stykkishólms. Í þrjá til fjóra daga taka nemendur þátt
í hefðbundnum kennslustundum, en geta auk þess nýtt sér þjónustu kennara í
verkefnatímum/vinnustofum.
Mikilvægt skólastarf