Breiðfirðingur - 01.04.2016, Blaðsíða 158

BREIÐFIRÐINGUR158
Skúli Alexandersson var bundinn sjónum alla ævi; hann fæddist 9. september 1926, Strandamaður að uppruna, frá Kjós í Reykjarfirði
og ólst upp við síldarþorpið í Djúpuvík. Þar hlaut hann líka mann­
dómsvígslu sína í stéttaátökum og margvíslegri félagsstarfsemi. Hann
var snemma valinn til forystu í ýmsum félögum og um ævina var þátttaka
í allskonar félagsskap og samtökum grunnstefið í hans lífssimfóní.
Skúli hlaut menntun í Samvinnuskóla Jónasar frá Hriflu og starfaði
víða til sjós og lands uns hann flutti til Hellissands árið 1952. Þar átti
hann eftir að gera garðinn frægan sem sveitarstjórnarmaður, þingmaður
og athafnamaður um margra áratuga skeið. Og þar festi hann rætur til
frambúðar – þar sem jökulinn ber við loft og náttúran og ævintýrin gista
eina sæng undir tjaldhimni Bárðar Snæfellsáss. Þarna fann Skúli sjálfan
sig.
Skömmu eftir að Skúli kom til Hellissands kynntist hann ástinni
í Hrefnu Magnúsdóttur og saman háðu þau lífsbaráttuna frá 1952 til
hinsta dags. Þau eignuðust þrjú börn: Ara hagfræðing, Huldu skólastjóra
og Drífu kaupmann – og eiga þau öll afkomendur.
Segja má að menningarsókn Skúla til Breiðafjarðar hafi verið úr
tveim áttum; annars vegar byggði hún á hefðbundum samskiptum
Stranda manna við Breiðafjörð og hins vegar á aldagömlum tengslum
byggð anna undir Jökli við fjörð og fólk. Skúli skynjaði frjómagn
póli tískrar og menningarlegrar byltingar við Breiðafjörð á nítjándu
Skúli Alexandersson
– minning
Óskar Guðmundsson í Véum