Breiðfirðingur - 01.04.2016, Qupperneq 88

BREIÐFIRÐINGUR88
Sandsheiði hafi einnig heitið Strandarheiði og að það hafi verið á þeim
tíma er fólk sótti meira inn á Barðaströnd en á Rauðasand og leiðin því
kennd við áfangastaðinn eins og gjarnan er gert. Þetta kann að hafa
verið á þeim tíma sem skip fóru utan úr Vaðli.
Við krossgötur og alfaraleiðir myndast umferðarmiðstöðvar og
gjarn an er þar áningarstaður. Þannig var um þá bæi sem næst lágu al­
faraleiðum og þótti gestagangurinn til að mynda löngum há búskap á
Hellu í Vatnsfirði því að býlið lá á krossgötum. Átti þetta jafnvel við
um fleiri bæi í alfaraleið á Barðaströnd og lítil gleði gesta við tilburði
heima manna við greiðasölu. Breiðfirðingafélagið sá nauðsyn þess að
koma upp áningarstað á leiðinni vestur um Barðastrandarhrepp þegar
bílvegurinn að vestan var tengdur við hringveginn árið 1953, hafði
enda áður komið Hótel Bjarkalundi á fót. Í fyrstu var áformað að reisa
hótel skammt frá tóftum Hrafna­Flóka Vilgerðarsonar sem fyrstur átti
vetursetu á Íslandi og gaf landinu nafn af nærliggjandi hálendi. Grunn­
urinn var steyptur en fékk að bíða enn um stund og þegar opnaðist
vegurinn norður á firði um Dynjandisheiði var ákveðið að stofnsetja
hótel á Hell u, á krossgötum. Nafnið fékk Flóki þó að taka með sér af
grundinni og heitir Flókalundur. Í fyrstu var frumbýlingsbragur á hótel­
inu, en grunnurinn var kominn og með norsku tréhúsi var takmarkinu
náð og fullkomnað með gistiálmu nokkrum árum síðar. Í byrjun áttunda
áratugsins var Flókalundi breytt í hlutafélag en hefur nú verið í einka­
eigu í tæpa þrjá áratugi.
Breiðafjarðarsigling 2. mars 2014
Enn liggur alfaraleið um Barðaströnd þó svo að leiðirnar séu nú færri
en var áður fyrr, en það er þróun sem á sér langa sögu. Mín leið liggur
aftur á móti til baka með Breiðafjarðarferjunni Baldri eftir vikudvöl hjá
móður minni í breyttu landslagi ef svo má að orði komast. Hér hefur
fækkað og stórt skarð er höggvið en náttúran heldur áfram og geymir
alla þá sem eitt sinn voru, eru og verða í eilífri hringrás.
Hann er enn grængolandi, hefur verið það alla vikuna – við vorum
fegnar ef hann fór niður í 20 m/sek og sérlega hrifnar þegar hann sneri
sér í norðvestan í klukkustund og við komumst út með moðið. Ég