Dagblaðið Vísir - DV - 06.07.2018, Side 57

6. júlí 2018 FRÉTTIR 55
A
ð sumri til á tólftu öld átti-
undarlegur atburður sér
stað í þorpinu Woolpit í
Suffolk á Englandi. Á með-
an á uppskerutímanum stóð birt-
ust tvö börn skyndilega upp úr
djúpum skurðum sem voru not-
aðir sem úlfagildrur. Húð barn-
anna, stráks og stelpu, var græn-
leit. Þau voru í undarlega litum
fatnaði sem var búinn til úr
óþekktum efnum. Þau ráfuðu um
í nokkrar mínútur og virtust ráð-
villt áður en þorpsbúar gáfu sig
að þeim og tóku þau með heim í
þorpið.
Enginn skildi tungumálið sem
börnin töluðu og því var erfitt að
eiga samskipti við þau. Þau voru
flutt heim til landeigandans. Þau
neituðu að borða brauð og ann-
að sem var borið á borð fyrir þau
og grétu. Svona gekk þetta dögum
saman þar til þorpsbúar færðu þeim
nýjar baunir sem voru enn á stilk-
unum. Sagan segir að börnin hafi
lifað á baunum og stilkum þeirra
mánuðum saman eða þar til þau
höfðu sætt sig við að borða brauð.
Eftir því sem tíminn leið varð
strákurinn, sem var yngri, þung-
lyndur, veiktist og dó á endan-
um. Stúlkan aðlagaðist hins vegar
og var skírð. Húð hennar missti
græna litinn með tímanum og hún
varð heilbrigð ung kona sem lærði
ensku og giftist manni í næstu
sýslu.
Saga stúlkunnar
Þegar stúlkan var síðar spurð um
fortíð sína hafði hún aðeins óljós-
ar minningar um hvaðan þau
hefðu komið og hvernig þau komu
til Woolpit. Hún sagði þau hafa
verið systkin sem hafi komið frá
„landi Saint Martin“ þar sem var
alltaf rökkur og allir væru græn-
ir á litinn eins og þau höfðu verið.
Hún var ekki viss um hvar landið
var en sagði að annað „skínandi“
land sæist hinum megin við „tölu-
verða á“ sem aðskildi löndin. Hún
sagði að þau systkinin hefðu verið
að gæta hjarðar föðursins á ökrun-
um og hafi elt dýrin inn í helli. Þar
inni heyrðu þau bjölluhljóm sem
þau heilluðust af og eltu lengi vel í
myrkrinu þar til þau komu í hellis-
munna þar sem þau blinduðust af
sól. Þau lögðust ringluð niður fyrir
utan hellinn en hljóðin frá þorps-
búum hræddu þau og þau stóðu
upp og reyndu að flýja en tókst
ekki að finna hellismunnann áður
en þorpsbúar náðu þeim.
Hvaðan komu þau?
Flestir telja að hér sé um þjóðsögu
að ræða en málsins er getið í forn-
um heimildum. En tvær skýringar
hafa verið nefndar til sögunnar
sem þær líklegustu. Önnur gengur
út á að þetta sé þjóðsaga þar sem
fundum venjulegs fólks við „fólk
frá ævintýraheimi“ er lýst. Ævin-
týraheimurinn er þá ójarðneskur
og börnin eru geimverur. Hin skýr-
ingin er að þetta hafi gerst í raun
og veru en ómögulegt sé að vita
hvort hér sé um sögu að ræða sem
er byggð á frásögn barna eða full-
orðna.
Í grein í tímaritinu Analog 1996
setti stjörnufræðingurinn Duncan
Lunan fram þá kenningu að börn-
in hafi fyrir mistök verið send til
Woolpit frá heimaplánetu sinni
þegar „efnissendir“ bilaði. Hann
sagði að heimapláneta barnanna
gæti verið á læstri braut um sól
sína sem skýri þá frásögn stúl-
kunnar um eilíft rökkur á milli
mjög heits yfirborðs og frosinnar
dökkrar hliðar. Græna húðlit barn-
anna skýrir hann sem hliðarverk-
un af neyslu þeirra á erfðabreytt-
um plöntum.
Þá hafa einnig verið settar fram
kenningar um að börnin hafi kom-
ið frá hliðstæðum heimi en sum-
ar kenningar ganga út á að til sé
fjöldi hliðstæðra alheima, hugsan-
lega óendanlega margir, þar sem
er jafnvel að finna plánetur sem
svipar til jarðarinnar okkar.
Einnig hafa verið settar fram
sögulegar skýringar á borð við
þá að börnin hafi verið af ætt-
um flæmskra innflytjenda í aust-
anverðu Englandi en þeir komu
þangað á tólftu öld og voru ofsótt-
ir eftir að Henry II varð konungur
1154. Því hefur verið varpað fram
að börnin hafi hugsanlega kom-
ið frá Fornham St Martin en þar
bjuggu flæmskir innflytjendur
og að þau hafi flúið þaðan þegar
til átaka kom. Þau hafi verið í
flæmskum fatnaði, talað flæmsku
og hafi því verið mjög undarleg í
augum þorpsbúa. Þau eru einnig
sögð geta hafa verið með grænu
veikina sem var afleiðing nær-
ingarskorts. Græna veikin hefði
síðan horfið um leið og börnin
fengu betri næringu.
Kenningarnar eru margar og
skemmtilegar en líklega má slá því
föstu að við munum aldrei komast
til botns í uppruna grænu barn-
anna frá Woolpit.n
Leyndardómurinn um
grænu börnin frá Woolpit
n Hvaðan komu þau? n Hver voru þau?
„Þá hafa einnig
verið settar fram
hugmyndir um að börnin
hafi komið frá hliðstæð-
um heimi en sumar kenn-
ingar ganga út á að til sé
fjöldi hliðstæðra alheima,
hugsanlega óendanlega
margir, þar sem er jafn-
vel að finna plánetur sem
svipar til jarðarinnar okkar.
Kristján Kristjánsson
ritstjorn@dv.is
Skilti sem vísar í goðsögnina af
grænu börnunum frá Woolpit.
GIMLI
FASTEIGNASALA
Grensásvegi 13 / 108 Reykjavík
s. 570 4800 / gimli@gimli.is
Næsti kafli
hefst

HJÁ OKKUR
hafðu samband