Dagblaðið Vísir - DV - 28.09.2018, Blaðsíða 69

FÓLK 6928. september 2018
S
amkvæmt nýbirtum niður­
stöðum Gallup um lestur
netmiðla hér á landi hafa
aldrei fleiri notendur heim­
sótt dv.is en í síðustu viku. Lestur
dv.is hefur aukist jafnt og þétt síð­
astliðna mánuði og ekki sér fyrir
endann á þeirri siglingu sem
vefurinn er á.
Notendur dv.is hafa aldrei verið
fleiri en í síðustu viku þar sem
355.297 innlendir notendur heim­
sóttu vefinn og yfir 400 þúsund ef
Íslendingar í útlöndum eru teknir
með í reikninginn. Þá voru meðal
flettingar dag hvern alls 656.409.
Hreint magnaðar tölur.
„Við erum kannski ekki eins
mörg og á öðrum ritstjórnum, en
við hlaupum þá bara hraðar. Ég er
afar stoltur af mínu fólki sem legg­
ur allt í sölurnar. Við gleðjumst yfir
hvað DV hefur verið tekið vel af
lesendum og samkvæmt þessum
tölum má segja að hvert manns­
barn komi við á vef DV vikulega.
Vefur DV er nú orðinn þannig að
þar geta allir fundið eitthvað við sitt
hæfi. Á dv.is er hlaðborð af fréttum
og þar geta allir fundið eitthvað við
sitt hæfi. Við munum nota þessa
hvatningu til þess að halda áfram
af krafti og bæta vefinn enn frekar.
Við erum staðráðin í að gera enn
betur. Takk fyrir lesturinn,“ segir
Kristjón Kormákur Guðjónsson,
ritstjóri DV. n
Útlenskt hippetíhopp spillir ungdómnum
S
varthöfði er agndofa yfir
því hvernig ungdómurinn
klæðist þessa dagana. Á leið
númer 4 í Strætisvögnum
Reykjavíkur sá hann bólugrafna og
skrækróma unglinga klædda eins
og kvikmyndastjörnur á rauða
dreglinum
Þau eru klædd í frönsk og ítölsk
merki á borð við Lúí Vítton og
Gútsí, rétt eins og Gréta Garbó og
Audrey Heppbörn. Hvað er eig­
inlega um að vera hér á Íslandi?
Erum við ekki að fara að fagna
tíu ára afmæli bankahrunsins
þegar auðjöfrar slöfruðu í sig
gulli og skelltu reikningum á
íslenska alþýðu?
Svarthöfði gerir sér grein fyrir
að þessir unglingar vita ekki betur.
Þeir voru rétt að læra að lita með
vaxlitum þegar Svarthöfði stóð bí­
sperrtur fyrir utan þinghúsið og
kastaði eggi í dómkirkjuprestinn.
En hvar eru foreldrarnir? HVAR
ERU FORELDRARNIR?
Reiðin kraumaði á Svarthöfða
í strætóferðinni en þegar hann
komst loks heim til sín fór hann
rakleiðis í tölvu til að gúgla hvað
þessi klæðnaður kostaði. Gútsí­
leðurbelti með tígrisdýra­ og
sebra hestasylgju; 371 breskt pund
hjá vefversluninni Neta porter.
Beint inn á síðuna hjá Arion til að
snara þessu yfir á íslenskar krón­
ur – 53 þúsund kall. Hettupeysa
frá Givensí hjá Harrods; 795 evrur,
102 þúsund krónur!!
Svarthöfði getur ekki annað en
gapað yfir þessu. Sjálfur klæðist
hann eingöngu fötum úr Costco,
verslun alþýðunnar. Þar er hægt
að fá naríur, sokka, skó, peysur og
allan pakkann fyrir aðeins brota­
brot af því sem eitt Gútsíbelti
kostar. Í leiðinni er hægt að kaupa
sér dýrindis nautakjötsbjúga í
brauði sem veitir manni fyllingu
fyrir heilan dag.
Þegar Svarthöfði fór að spyrjast
fyrir um hvers vegna börnin
klæddust svo dýrum fötum fékk
hann þau svör að þetta væri allt
saman tónlistinni að kenna. Þessu
hippetíhoppi sem þau hlusta á.
Ljóðin þar áttu víst öll að hampa
efnishyggjunni og hégómanum.
Til að sannreyna það fór
Svarthöfði aftur í tölvuna sína og
inn á Jútúb. Fyrsta sem hann sá var
myndband eftir einhvern Aron og
Bjarna Hnetusmjör. Þeir gátu ekki
verið ábyrgir fyrir þessu því mynd­
bandið var tekið upp í Costco.
Augljóslega vel upp aldir drengir
og hugsandi þó að einn þeirra hafi
verið með skemmdar tennur.
Þá fann Svarthöfði loksins
sökudólgana. Þetta voru bölvaðir
útlendingarnir! Gútsi Gang og
Gútsí Mane. Málhaltir, fávísir, slef­
andi dópistar en vel klæddir og í
öllum fínustu merkjunum.
Þetta er enn ein sönnunin fyrir
því að við eigum ekki að menga
íslenska þjóðmenningu með er­
lendum áhrifum. Og enga mosku
í Reykjavík!
Svarthöfði biðlar til foreldra að
stöðva þetta strax og banna börn­
um sínum að hlusta á erlent hipp­
etíhopp. Snúa þeim frekar að ís­
lenska Costco­rappinu eða þá að
þjóðlegri tónlist eins og til dæmis
lögum Geirmundar Valtýssonar.
Geirmundur kaupir öll sín föt í
Skagfirðingabúð og lítur út eins og
nýsleginn túkall. n
Svarthöfði „Svarthöfði biðlar til for-
eldra að stöðva þetta strax
og banna börnum sínum að hlusta
á erlent hippetíhopp
Lil Pump og
Geirmundur Er-
lend lágmenning og
íslensk hámenning.
Plastlaus september
Prófaðu umhverfisvæna ruslapokann
SEGÐU NEI VIÐ PLASTI
• Brotnar niður á nokkrum vikum
• Umhverfisvænn
• Slitsterkur
Lestur dv.is stóreykst
Kristjón Kormákur Guðjónsson
kristjon@dv.is