Litli Bergþór - 01.07.2014, Blaðsíða 6
6 Litli-Bergþór
Undanfarin ár hefur vakið athygli mikil uppbygging
og góð þjónusta í gistiskálum á Biskupstungnaafrétti
og víðar. Hjónin Vilborg Guðmundsdóttir og Loftur
Jónasson í Myrkholti í Biskupstungum og fyrirtæki
þeirra Gljásteinn hafa komið mikið við þá sögu og
langaði okkur að kynnast starfi þeirra nánar.
Loftur og Vilborg búa í Myrkholti, jörð úr landi
Kjóastaða, efst í Biskupstungum. Loftur er fæddur
1953 og uppalinn á Kjóastöðum, einn 16 barna
Jónasar Ólafssonar og Sigríðar Gústafsdóttur á
Kjóastöðum og því innfæddur Tungnamaður.
Vilborg kom ung í Tungurnar en hún er fædd
1957 í Hafnarfirði og flutti fimm ára í Garðabæinn
ásamt foreldrum sínum þeim Guðmundi Kristjáni
Guðmundssyni sjómanni, sem nú er látinn, og
Jóhönnu Sigríði Þorbjörnsdóttur, sem enn býr í
Hafnarfirði. Vilborg kom í Gýgjarhólskot til Rönku
og Jóns, öskuvorið 1970, þá á þrettánda ári og líkaði
svo vel, að hún neitaði að fara heim, og hér er hún
enn! Að vísu þurfti hún að fara suður í skóla fyrsta
veturinn, en eftir það bjó hún í Gýgjarhólskoti og gekk
í Reykholtsskóla. Það var einstaklega gott að vera í
Kotinu segir hún, Jón þakkaði henni oft á kvöldin
fyrir vel unnin verk og fátt er meira uppörvandi fyrir
unglinga. Þá var Kalli gamli, faðir Jóns, líka lifandi
og hann var alltaf léttur og stríðinn. Á þessum árum
kynntust þau Loftur og byrjuðu sambúð fljótlega.
En gefum Vilborgu og Lofti orðið:
Við stofnuðum fyrirtækið Gljástein ehf. árið 2006
þegar við tókum að okkur hreingerningaþjónustu fyrir
hreppinn, og vorið eftir tókum við einnig við þjónustu
og rekstri sæluhúsanna á Biskupstungnaafrétti
af hreppnum. Húsin sem við þjónustum eru:
Árbúðir nálægt Hvítárvatni (með gistirými fyrir 32
manns), Gíslaskáli í
Svartárbotnum á Kili
(gistirými fyrir um 55
manns) og Fremstaver
undir Bláfelli (gistirými
fyrir 25 manns).
Árbúðir voru byggðar upp
af Biskupstungnahreppi
árið 1992. Smíðin var
boðin út og voru það Einar
Páll Sigurðsson og Einar
Tryggvason sem byggðu
húsið. Gíslaskáli var
byggður í sjálfboðavinnu
af áhugafólki um
skálann og vígður árið
2004. Upphaflega stóð
skálinn nokkru sunnar
við Kjalveg, en þar sem
þar var ekkert vatn, var
hann fluttur á núverandi
stað og síðan byggt
við hann. Árbúðir og
Gíslaskáli eru nú í eigu
Biskupstungnahrepps.
Fremstaversskálinn var
hins vegar byggður upp af
Gistiskálaþjónusta
á hálendinu
Rætt við hjónin Vilborgu Guðmundsdóttur
og Loft Jónasson í Myrkholti
Vilborg og Loftur á leið heim úr réttum.