Litli Bergþór - 01.07.2014, Blaðsíða 15
Litli-Bergþór 15
réðist þarna til starfa við heilsugæsluna, en Jens er
rafvirkjameistari og hefur starfað sem slíkur á svæðinu
síðan. Stærstan hluta þess tíma sem þau bjuggu í
húsinu höfðu þau það allt til umráða, en þegar á leið
var útbúin íbúð á neðri hæðinni fyrir afleysingalækna
og aðra sem störfuðu við heilsugæsluna.
Þau fluttu síðan í nýbyggt hús sitt, sem nú kallast
Laugarás 1 og stendur við hlið Gamla læknishússins.
2004 - Jóhann Þór Sigurðsson (f. 16.02. 1958) og
Júlíana Gunnarsdóttir (f. 22.03. 1956). Frá því
Matthildur og Jens fluttu úr húsinu hefur það gegnt
hlutverki frístundahúss en annar núverandi eigenda
hefur lögheimili þar.
HVERATÚN 1941
Stofnað 1941, en kallaðist þá Lemmingsland.
Stofnandinn var danskur maður Börge Johannes
Magnus Lemming (f. 1913) sem einhverjir telja að
hafi komið frá Skálholti. Kona hans var Kitta Hilma
Lemming (f. 1920) . Þau komu frá Árósum. Líkur
benda til að hann hafi komið til landsins 1938 með
Gullfossi.
Í febrúar 1941 birtist auglýsing frá honum í
Morgunblaðinu sem hljóðar svo:
Jeg hefi heita hveri og 12 ára reynslu sem garð-
yrkjumaður, en vanta kr 5000 til byggingar á gróð-
urhúsi. Býð háa vexti og tryggingu í gróðurhúsinu.
– Nánari upplýsingar: Börge Lemming, p.t. Hótel
Hekla, nr. 15, sími 1520 eða 5151.
Á hans tíma kallaðist býlið Lemmingsland. Þau hjón
byggðu fyrst gróðurhús og bjuggu í því til að byrja með
en byggðu síðan steinhús, um það bil 60 m². Húsið
var sambyggt gróðurhúsi og í því var ekki gert ráð
fyrir eldhúsi, enda hverir í næsta nágrenni. Lemming
hvarf á braut haustið 1945 og mun hafa flutt aftur til
Danmerkur.
Þau Skúli Magnússon (f. 29.09. 1918) og Guðný
Pálsdóttir (f. 07.10. 1920, d. 19.12. 1992) keyptu
Lemmingsland og fluttu á staðinn sumarið 1946.
Skúli hafði þá starfað á S.-Reykjum hjá Stefáni og
Áslaugu um fimm ára skeið.
Guðnýju mun ekki hafa hugnast að búa á stað með þessu
nafni og því sóttu þau um nafnbreytingu til örnefna-
nefndar. Þau sendu inn þrjár tillögur og eina þeirra átti
sr. Eiríkur á Torfastöðum, og hana samþykkti nefndin.
Þegar Skúli og Guðný tóku við býlinu voru þar fyrir
þrjú lítil gróðurhús. Þau fengu einnig að nýta gróðurhús
Grósku (síðar Sólveigarstaðir) í einhvern tíma auk
þess sem þau buggu í íbúðarhúsinu þar, væntanlega
frá því þau komu á staðinn 1946 og að minnsta kosti til
1947, því það ár fæddist þar frumburður þeirra.
Þó svo íbúðarhúsið í Hveratúni hafi þegar verið byggt
þegar Guðný og Skúli tóku við, var þar ekkert eldhús
og það er ekki ólíkleg ástæða fyrir því að þau hófu
búskap sinn í Grósku. Skúli útbjó eldhús í húsinu og
lokaði þar með fyrir beint aðgengi að gróðurhúsinu
sem því tengdist.
Skúli stofnaði lögbýlið Hveratún, en til þess að það
gengi þurfti býlið að vera að lágmarki þrír ha. Landið
sem Hveratún hafði til umráða var
aðeins einn ha (sem í sjálfu sér var
alveg nóg). Því var ekki um annað að
ræða en taka tvo ha í viðbót, á leigu.
Það land er austan í Kirkjuholti, vestan
Skálholtsvegar og þar eru nú Kvistholt,
Kirkjuholt og íbúðarhúsið í Asparlundi.
Það land sem þarna var um að ræða, var
að stórum hluta í halla, en um það bil
einn ha var sléttlendi og þar stunduðu
þau Skúli og Guðný útirækt. Það var
útbúin grænmetisgeymsla rétt fyrir
ofan ræktarlandið, grafin í brekkuna
og tyrft yfir. Þá byggðu þau fjárhús í
brekkurót rétt við lóðarmörk þar sem
Lyngás kom síðar. Ætli fjárhúsið hafi
ekki verið um 15 m², en það mótar enn
fyrir rústum þess. Loks má nefna að í
brekkunni upp Kirkjuholtið mótar enn
fyrir rás sem grafin var einhverntíma
þegar reykkofa var komið fyrir í
brekkubrúninni. Reykur var síðan
Guðný og Skúli.