Litli Bergþór - 01.07.2014, Blaðsíða 39
Litli-Bergþór 39
Starf hestamannafélagsins Loga var með hefð-
bundnum hætti á liðnum vetri. Vetrarmót
í samstarfi við hestamannafélagið Trausta
voru þrjú að venju. Fyrsta mótið var haldið í
Hrísholti í febrúar í blíðskaparveðri við góðar
vallaraðstæður. Eins og oft áður var veðurfar
risjótt og völlurinn blautur þegar kom að því að
halda mót númer tvö. Það hafðist þó að lokum,
þó halda yrði mótið seinna en áætlað var. Af
svipuðum ástæðum var svo síðasta mótið haldið
í Flúðahöllinni og þótti það takast vel til.
Uppsveitadeild fullorðinna hófst svo í febrúar
og lauk í apríl og tókst prýðilega eins og fyrri ár.
Að þessu sinni var aðal styrktaraðili deildarinnar
Hótel Geysir.
Af ofangreindu má sjá að samstarf hestamanna-
félaganna þriggja, Loga, Trausta og Smára er mikið
og öflugt. Ekki síst er það Flúðahöllinni góðu að
þakka og var það mikið gæfuspor á sínum tíma að
Logi skyldi leggja fjármuni í húsið og eignast þannig
hlut í því. Við sem húsið eigum og notum verðum að
hjálpast að við að reka það og halda í góðu horfi, því
það er fljótt að láta á sjá ef illa er um það gengið. Nú
í vetur var stofnaður hópur Hollvina reiðhallarinnar
sem vilja halda utan um sjálfboðaliðastarf og verkefni
í reiðhöllinni. Til að slíkur hópur gangi verða allir sem
að telja húsið sjálfsagðan hlut og vilja nota það, að
leggjast á eitt og vera tilbúnir að leggja á sig einhverja
sjálfboðavinnu við húsið.
Starf Loga heldur svo áfram inn í sumarið með sínum
hefðbundnu viðburðum. Reiðnámskeið, firmakeppni,
reiðtúrar um alla sveit, Hestaþing Loga og svo mætti
lengi telja. Nú er líka stórt ár í hestamennskunni,
en Landsmót verður haldið á Hellu í sumar og eru
Logafélagar í óða önn að undirbúa sig
fyrir úrtöku inn á mótið.
Á aðalfundi Loga, sem haldinn var
í apríl, urðu miklar mannabreytingar í
stjórn félagsins. M.a. urðu formannaskipti
og tók Einar Á. Sæmundsen við því
starfi af mér. Að endingu vil ég þakka
fráfarandi stjórn fyrir gott og öflugt
starf um leið og ég óska þeirri nýju
gæfu og velfarnaðar. Tungnamönnum
öllum þakka ég gott samstarf og velvild
í garð félagsins, en það er lítið mál að
vera formaður í félagi þegar samfélagið
styður vel við félagsstarfið.
Gleðilegt sumar,
Guðrún S. Magnúsdóttir.
Logafréttir
Uppsveitadeild Æskunnar fór einnig fram, nú
fjórða árið í röð. Að venju stóð unga fólkið í Loga
sig með stakri prýði og sópaði til sín öllum helstu
verðlaunum. Líkt og sl. vetur var hópur barna og
unglinga á kúrekanámskeiði í Flúðahöllinni. Þar
nálguðust krakkarnir hestinn í gegnum glens og leik,
þar sem mikil áhersla var lögð á jafnvægi og snerpu.
Mikil ánægja var með námskeiðið enda breiður hópur
barna og unglinga sem skemmti sér saman á hestbaki.
Einnig var hópur barna og unglinga á námskeiði
hjá Sóloni í Hrosshaga í vetur, þar sem farið var í
uppbyggingu keppnishests. Námskeiðið fór að hluta
fram í reiðhöllinni á Kjóastöðum og fengum við þar
inni endurgjaldslaust. En þau hjón Gunnar og Þóra á
Kjóastöðum hafa sýnt æskulýðsstarfi félagsins mikinn
áhuga og stutt það dyggilega undanfarin ár.
Töltmót var svo haldið í apríl í samstarfi við
hestamannafélögin Trausta og Smára og fór það fram
í Flúðahöllinni.
Sigríður Mjöll Austurhlíð, Matthías Jens Friðheimum og Magnús
Skúli Bræðratungu að munda snörurnar á kúrekanámskeiði.
Sigurlið Uppsveitadeildar Æskunnar.
Frá vinstri: Sóley Erna, Sigríður Magnea, Karitas Ármann, Eva María,
Emil Þorvaldur og Rósa Kristín. Fyrir framan eru Sölvi Freyr og Unnur.
Á myndina vantar Elínu Helgu, Guðnýju Helgu og Þórhildi Júlíu, sem
lögðu sitt af mörkum fyrir liðið.