Litli Bergþór - 01.07.2014, Blaðsíða 36
36 Litli-Bergþór
Einnig er áformað að nota hluta af viðhaldsfé
Vegagerðarinnar til uppbyggingar Kjalvegar frá
Hvítá að Árbúðum í sumar og hefur sveitarstjórn
gefið Vegagerðinni leyfi til að taka möl úr 10 námum
á svæðinu. Lagt verður bundið slitlag á þann kafla.
Reykjavegur mun vera kominn á samgönguáætlun
2015-2016, en það er í þriðja sinn sem sá vegur kemst
á áætlun!
Elínborg Sigurðardótt-ir á Iðu var kjörin nýr
formaður SSK á aðalfundi þeirra í Austur-Landeyjum
26. apríl.
Heitt vatn fannst á Bergsstöðum í apríl. Voru það
bormenn Ræktunarsambands Flóa og Skeiða, sem
fundu 20-25 sekúndulítra af 100 °C heitu vatni.
Kristján Sæmundsson jarðfræðingur aðstoðaði við
staðsetningu holunnar, sem kostaði um 20 milljónir.
Breyting á læknisþjónustu utan opnunartíma
í Laugarási. Um páskana breyttist vaktþjónusta á
Heilsugæslustöðinni í Laugarási að því leiti að nú fá
þeir, sem hringja í neyðarnúmer stöðvarinnar utan
opnunartíma, samband við sjúkrahúsið á Selfossi, sem
beinir sjúkum á neyðarvakt spítalans þar, nema um
alvarleg veikindi eða útköll sé að ræða. Léttir þetta
miklu helgarkvabbi af læknunum í Laugarási.
Háskólalest Háskóla Íslands var á Laugarvatni
fimmtudaginn 8. maí og laugardaginn 10. maí. Fyrri
daginn sóttu nemendur eldri deilda Bláskógaskóla
námskeið í Háskóla unga
fólksins í efnafræði,
íþróttanæringarfræði, blaða- og
fréttamennsku, jarðvísindum,
stjörnufræði og japönsku. Síðari
daginn var slegið upp veglegri
vísindaveislu í Íþróttahúsinu
á Laugarvatni þar sem m. a.
voru magnaðar sýnitilraunir,
japanskir búningar, leikir og
þrautir, furðuspeglar og alls
kyns óvæntar uppgötvanir
auk þess sem Sprengjugengið
landsfræga sýndi listir sýnar.
Sérfræðingar frá Landgræðslu
Íslands buðu líka gestum í
skoðunarferð þar sem jarðsagan
verður lesin úr rofabörðum í
nágrenninu.
Sveinn Kristinsson, Þöll í
Reykholti, hélt upp á fimmtugs-
afmæli sitt í Aratungu þann
9. maí með mikilli rausn.
Sveitastjórn samþykkti á fundi sínum 9. maí að hluti
Lyngbrautar verði botnlangi út frá Biskupstungnabraut
sem nái inn fyrir aðkomuna að Lyngbraut nr. 5. Þá er
aðkoma frá Bjarkarbraut að lóðinni Lyngbraut nr. 5
felld út.
Sveitarstjórnir Bláskógabyggðar og Grímsnes-
og Grafningshrepps skoruðu á fundi sínum 9. maí
á Þingvallanefnd og Vegagerðina að falla frá mun
strangari hömlum á umferð um þjóðgarðinn en
eru í gildandi aðalskipulagi
Þingvallasveitar enda væru
þær mjög íþyngjandi fyrir
bændur og atvinnurekendur
á svæðinu.
Haldnir voru tveir
íbúafundir um málefni
skólanna í Bláskógabyggð í
byrjun maí til að meta m.a. árangur
sameiningar leik- og grunnskóla á
Laugarvatni og reynslu af núverandi
fyrirkomulagi í Reykholti. Niðurstaða
þeirra verður nýtt við áframhaldandi
stefnumótunarvinnu.
Kosið var til sveitarstjórnar
laugardaginn 31. maí og voru tveir
listar í framboði, T-listinn og Þ-listinn.
Það er vissara
fyrir menn að standa
sig. Ég hygg nefnilega á
framboð eftir 4 ár.
Menn geta þess vegna
farið að pakka saman
strax.
T-listamenn f.v. Kolbeinn Sveinbjörnsson Heiðarási, Smári Þorsteinsson Reykholti,
Svava Theodórsdóttir Höfða, Helgi Kjartansson Reykholti, Guðrún S. Magnúsdóttir
Bræðratungu, Bryndís Á. Böðvarsdóttir, Sigríður Jónsdóttir Arnarholti, Trausti
Hjálmarsson Austurhlíð 2, Lára Hreinsdóttir Laugarvatni, Gróa Grímsdóttir
Ketilvöllum, Kristinn Bjarnason Brautarhóli, Jóhannes Sveinbjörnsson Heiðarbæ
1 og Valgerður Sævarsdóttir Garði Laugarvatni.