Litli Bergþór - 01.07.2014, Blaðsíða 34
Aðalfundur UMF Bisk var haldinn 20. mars, Helgi
Kjartansson lét af formennsku og við tók Smári
Þorsteinsson.
Stéttarfélagið Efling óskar eftir að gerður verði
aðkomuvegur að lóðum félagsins í Reykholti svo hægt
verði að hefja framkvæmdir við byggingu húsa á lóðum
nú í sumar. Samkvæmt gildandi skipulagi er aðkoma
að landi Eflingar um veg sem liggur að Reykholtshver
og þar áfram, en ný tillaga gerir ráð fyrir nýrri aðkomu
að landi Eflingar sunnan megin við skólastjórabústað,
um land Brautarholts. Nauðsynlegt er að breyta
bæði aðal- og deiliskipulagi svæðisins og þ. 4.
apríl fól sveitastjórn skipulagsfulltrúa að kynna
aðalskipulagsbreytingar og leita umsagnar
Skipulagsstofnunar, með fyrirvara um að skriflegt
samþykki eigenda landsins, sem nýr vegur fer yfir,
liggi fyrir.
Guðmundur Jónsson, íbúi í Reykholti, kvartaði
til sveitarstjórnar á þorra yfir rykmengun vegna
umferðar um Smárabraut í Reykholti, sem hefur
stóraukist eftir að vegtengingum úr Reykholti inn á
Biskupstungnabraut var fækkað. Óskaði Guðmundur
eftir aðgerðum til að hefta rykmengunina. Byggðaráð
bendir á að stefnt sé að því að koma bundnu slitlagi
á götur innan þéttbýla í Bláskógabyggð og að horft
verði til umferðarþunga. Reynt verði að lágmarka
rykmengun eins og nokkur kostur er.
Grunnskólamót HSK í glímu 2014 var haldið í
Íþróttahúsinu í Reykholti í febrúar. Stóðu keppendur
úr Bláskógaskóla sig með miklum
sóma. Eignaðist skólinn m.a.
fjóra grunnskólameistara, þau
Sigríði Magneu Kjartansdóttur
í 8. bekk, sem lenti í 1.-2. sæti í
sínum aldursflokki, Sóleyju Ernu
Sigurgeirsdóttur í 10. bekk, sem
lenti í 1. sæti, Ólaf Magna Jónsson í
5. bekk, sem lenti í 1. sæti og Finn
Þór Guðmundsson í 6. bekk, sem
lenti í 1. sæti í sínum aldursflokki.
Bláskógaskóli varð einnig efstur í
stigakeppni skólanna fyrir 5. -7. bekk
stráka og 8.-10. bekk stúlkna.
Gunnar Sverrisson og Sigríður Jónína
Sigurfinnsdóttir í Hrosshaga hafa hætt
mjólkurframleiðslu og selt kvóta og
mjólkurkýr. Þau ætla að einbeita sér að
skógræktinni og nautaeldi.
34 Litli-Bergþór
Í byrjun janúar 2014 benti Ásborg Arnþórsdóttir
ferðamálafulltrúi sveitarstjórn á það að mikil
hálka væri viðvarandi á sumum gangstígum
við Gullfoss, sem skapar mikla hættu fyrir
ferðamenn. Ferðamönnum hefur fjölgað mikið og þá
sérstaklega yfir vetrartímann, t.a.m. komu um 40%
fleiri ferðamenn í desember s.l. ef borið er saman við
desember 2012. Fulltrúar sveitarstjórnar hafa fundað
með Umhverfisstofnun og Vegagerðinni til að knýja á
um öryggi ferðamanna.
Íþróttamaður Bláskógabyggðar var valinn þ. 12.
Janúar. Tilnefndir voru Smári Þorsteinsson fyrir
glímu, Finnur Jóhannesson fyrir hestamennsku og
Hreinn Heiðar Jóhannesson fyrir frjálsar íþróttir og
varð hann hlutskarpastur.
Róbert Sveinn Róbertsson, ættaður frá Brún við
Syðri-Reyki í Biskupstungum, var Sunnlendingur
vikunnar í Sunnlenska fréttablaðinu 22. Janúar.
Róbert, sem titlar sig tæknifrumkvöðul, hefur hannað
einfalda bókunarvél fyrir ferðamenn til að setja upp á
ferðamannastöðum.
Aðalfundur Kvenfélags Bisk. Var haldinn 10. febrúar.
Félagið er 85 ára á árinu og héldu kvenfélagskonur
m.a. upp á það með skemmtiatriðum og góðum mat á
vorfundi í Efstadal þ. 15. maí. Sama stjórn situr áfram
en tvær nýjar konur eru í varastjórn, þær Sigurlaug
Jónsdóttir og Agnes Geirdal.
Kvenfélag Biskupstungna ályktaði 17. febrúar 2014
að skora á Sveitarstjórn Bláskógabyggðar að beita
sér fyrir byggingu hjúkrunarheimilis í Laugarási.
Byggðaráð Bláskógabyggðar samþykkir að vísa
ályktuninni til oddvitanefndar Uppsveita Árnessýslu.
Einnig verði kallað eftir afstöðu annarra sveitarfélaga.
Önnur kvenfélög í Uppsveitunum hafa sömuleiðis
sent áskoranir í sama stíl til sinna sveitarfélaga.
Sigríður Egilsdóttir á Vatnsleysu bauð sveitungum
og vinum í fimmtugs afmæli sitt á heimili sínu 23.
febrúar.
Þorrablót Torfastaðasóknar 2014 var haldið á
bóndadaginn 24. janúar í Aratungu með heimagerðum
skemmtiatriðum og þorramatsáti úr trogum að vanda
og þótti takast vel.
Hvað segirðu til?
Þorramatur
Tungnamanna
sveik ekki frekar en
fyrri daginn