Litli Bergþór - 01.07.2016, Blaðsíða 11
Starf íþróttadeildar á árinu 2015 var með svipuðu
sniði og í fyrra. Iðkendur gátu stundað fótbolta,
glímu, íþróttaskóla og Bland og fjör allt árið, en að
auki crossfit á vorönn og trampolín fitness og dans á
haustönn.
Fækkun iðkenda hefur komið svolítið niður á starfi
deildarinnar. Nú er það svo, að aðeins þeir sem stunda
glímu hafa farið á mót, en erfitt er að ná saman liði
í hópíþróttum eins og knattspyrnu. Ungmenni sem
eru þrettán ára eða eldri geta fengið tilnefningar til
íþróttakonu- og manns Umf. Bisk. og fyrir árið 2015
hlaut Sigríður Magnea Kjartansdóttir tilnefningu fyrir
glímu og Gústaf Sæland fyrir glímu og knattspyrnu.
Sigrún Guðjónsdóttir sá um íþróttaskóla og Bland
og fjör á vorönn, en Íris Dröfn Kristjánsdóttir,
grunnskólakennari tók við um haustið.
Fótboltinn er alltaf vinsæll, sér í lagi hjá drengjunum
og hefur Arnar Sigurbjartsson haldið vel utan um
boltastarfið og bera krakkarnir honum gott orð.
Glímustarfið hefur verið öflugt og Helgi mjög
duglegur að hvetja sína iðkendur til að fara á mót og
Litli-Bergþór 11
Ólafur Magni Jónsson frá Drumboddsstöðum leggur andstæðing sinn á Íslandsmóti í glímu í
Njarðvík haustið 2015.
máta sig við aðra í greininni. Okkar glímufólk hefur
staðið sig afar vel á mótum og má til gamans nefna að
Ólafur Jónsson fékk gull á öllum sex mótunum sem
hann tók þátt í. Hann á eflaust tilnefningu vísa að ári
ef sigurganga hans heldur áfram.
Vorið 2015 var boðið upp á leikjanámskeið sem var
mjög vel sótt. Ekki voru takmarkanir á skráningu og
komust allir að sem vildu. Allflest grunnskólabörn á
aldrinum 6 – 9 ára tóku þátt, ásamt nokkrum gestum
annarstaðar að. Það var Óli Guðmunds sem stýrði
börnunum að þessu sinni. HSK stóð að námskeiðinu
og greiddi niður, en það var á
góðu verði.
Sundnámskeið fyrir yngri
kynslóðina var haldið um svipað
leyti og leikjanámskeiðið.
Starfsfólk sundlaugarinnar sá til
þess að laugin væri vel heit og
hafði það gríðarmikil áhrif á það
hvernig börnunum gekk og alveg
frábært að sjá litlu börnin ná
svo miklum framförum á aðeins
8 skiptum í lauginni. Guðbjörg
Bjarnadóttir, sundkennari,
kom til okkar en hún hefur
starfað með okkur í mörg ár.
Ungmennafélagið hefur styrkt
námskeiðið með því að greiða
kennaranum aksturspening.
Enn og aftur hvet ég þó
foreldra leikskólabarna til að
nýta tækifærið og koma með
börn sín, sérstaklega þau börn
sem byrja í grunnskólanum
nú í haust, en það er mikils virði að vera búin að ná
grunnfærni í sundi áður en skyldusundið hefst að
hausti.
Einnig var hægt að fara á knattspyrnunámskeið í júní.
Eysteinn Aron Bridde, nemi í Fsu, sá um þjálfun. Erfitt
hefur verið að halda úti æfingum yfir sumartímann og
því hefur verið brugðið á það ráð, að vera með tvær
æfingar á viku í fjórar vikur að vori, strax að loknum
skóla. Hefur það gefist ljómandi vel.
Á haustönn leit ekki vel út með að fá þjálfara til
starfa. Kennarar hafa ætíð verið stór hluti þjálfara og
er gott að vita til þess að börnin okkar hafa verið að
umgangast fólk sem þau þekkja og treysta og ekki
síður gott til þess að vita að fólk með uppeldismenntun
vinnur með börnin að skóla loknum. Nýr vinnurammi
kennara hefur gert það að verkum að þeir eiga erfiðara
Agla Þyri
Kristjánsdóttir
Íþróttadeild Umf. Bisk.