Litli Bergþór - 01.07.2016, Blaðsíða 21

Litli-Bergþór 21
Svo kom ný og ódýrari tækni árið 2008, sem gerði
föður mínum kleyft að kæla plönturnar í Hollandi. Það
var því ekki lengur þörf á því að flytja þær til Íslands
með ærnum tilkostnaði. Gróðurhúsið var því leigt út
til Knúts á Friðheimum í stuttan tíma og síðan stóð
það tómt í ein fjögur ár.
Árið 2012 keypti ég svo gróðurhúsið af föður
mínum til að rækta hér jarðarber ásamt sambýlismanni
mínum Ehud Kafri og hér höfum við verið síðan.
Ehud kemur frá Ísrael þar sem við kynntumst, en
við bjuggum síðan í Hollandi. Foreldrar hans búa enn í
Ísrael, faðir hans er forstjóri trukkafyrirtækis og móðir
hans stundar óhefðbundnar lækningar, reiki o.þ.h.
Hann á tvo bræður sem vinna báðir við tölvur og
forritun. Sjálfur er hann tölvunarfræðingur að mennt
og var enn í námi þegar ég fór hingað 2005. Kom bara
af og til. En árið 2012 fluttum við saman hingað til að
rækta jarðarber.
Við skiptum út jarðarberjaplöntunum
tvisvar á ári, í júní og desember. Flytjum
þá inn nýjar plöntur frá Hollandi
eða Ítalíu. Jarðarberjatínslan er svo í
hámarki í mars, apríl og maí og aftur
í ágúst, september og október. Þessi
tegund af jarðarberjaplöntum er gerð til
að bera mikla uppskeru. Það væri hægt
að láta þær blómstra aftur, en þá yrði
uppskeran miklu minni.
Við erum með einn fastan starfsmann
í fullri vinnu og svo fáum við fleira
fólk á tínslutímanum. Við höfum verið
með fjóra til fimm í vinnu þá. Fengið
fólk í gegnum atvinnuauglýsingar og
Vinnumálastofnun og svo höfum við
mikið fengið fólk frá Póllandi.
Okkur líkar vel á Íslandi og núorðið
tala ég alltaf um að fara heim til Íslands.
Þegar ég var hér 2005-2008 ferðuðumst
við mjög mikið um og höfum komið á
flesta staði á landinu. Þegar stund gefst frá vinnunni
gerum við það enn að skreppa eitthvert eða fá okkur
göngutúr í fallegu umhverfi.
En það er alltaf nóg að gera hér í fyrirtækinu, nú í
lok maí þurfum við t.d. að moka út gömlu plöntunum
og þrífa húsið fyrir nýju plönturnar sem koma í byrjun
júní. Aðspurð um það hvort hún hefði ekki gaman
af að taka þátt í félagsstarfi, syngja í kór eða vera í
Kvenfélagi t.d. segir hún lítinn tíma til þess og hún
haldi að aðrir kórfélagar séu allavega mjög þakklátir
fyrir að hún skuli ekki syngja með í kórnum!
En stundum sakna ég heitu landanna segir hún. Það
er ómögulegt að segja til um hvað við verðum lengi
hér, það ræðst af því hvernig gengur og hvort við fáum
húsnæði hér í nágrenninu eða þurfum að byggja yfir
okkur.
Ef einhver á laust húsnæði til leigu fyrir okkur
hér í Reykholti eða nágrenni, má hann endilega
hafa samband segir Astrid og
brosir. Í bili erum við í húsnæði á
Laugarvatni, en það er ansi langt að
keyra, sérstaklega á veturna.
Eftir spjall yfir kaffibolla
og nýjum jarðarberjum sýnir
Astrid mér gróðurhúsið, þar
sem jarðarberjaplönturnar hanga
snyrtilega í röðum, í hæfilegri hæð
svo auðvelt sé að tína af þeim.
Uppskeran er að minnka, enda
komið fram í maí og starfsfólkið
er byrjað að hreinsa húsið. Það er
greinilega nóg að gera. Blaðamaður
þakkar því kærlega fyrir ánægjulegt
spjall, óskar þeim Astrid og Ehud
góðs gengis í jarðarberjaræktinni
og kveður þetta harðduglega fólk,
sem hefur valið að lifa og starfa á
Íslandi.
Jarðarberjunum pakkað. Þau eru tínd beint ofaní öskjur af plöntunum.
Hundabað í íslenskri náttúru. Ævintýri og Olli bregða á leik.