Litli Bergþór - 01.07.2016, Blaðsíða 15

Litli-Bergþór 15
Þann 5. febrúar
frumsýndi leikdeild
ungmennafélagsins
leikverkið „Brúðkaup“
eftir Guðmund Ólafsson, í
leikstjórn Gunnars Björns
Guðmundssonar, en þetta
var áttunda leikritið sem
hann hefur sett upp með
leikdeildinni á síðustu
12 árum. Sýningum á
leikritinu lauk 12. mars að
loknum 16 sýningum og, að
sögn formanns leikdeildar,
vel á annað þúsund seldum
miðum.
Hér er um að ræða einskonar fjölskyldugamandrama. Það gengur á ýmsu og margt fer öðruvísi en
ætlað er. Það er þessi stóri dagur „Brúðkaup“ þegar allir vilja að allt gangi snurðulaust fyrir sig og
eiginlega meira en það.
Þessi fóru með hlutverk í sýningunni: Camilla Ólafsdóttir, Hildur María Hilmarsdóttir, Íris L Blandon,
Jóhann Kjartansson, Guðbjörg Þóra Jónsdóttir, Hrund Harðardóttir, Unnur Malín Sigurðardóttir,
Brúðkaup í Aratungu
Arnar, Halldór, Sölvi, Jóhann, Guðbjörg, Runólfur og Hrund, í hlutverkum sínum.
Unnur Malín og Hildur María í hlutverkum sínum
Íris og Arnar í hlutverkum sínum.
Arnar Sigurbjartsson, Ída Bjarnadóttir,
Þórarinn Valgeirsson, Runólfur
Einarsson, Sölvi Hilmarsson, Halldór
Bjarnason og Sigurveig Mjöll
Tómasdóttir. Alls komu 20 manns að
uppsetningunni.
Þrír þeirra leikara sem upphaflega
hugðust taka þátt, gengu úr skaftinu
á æfingatímanum, en þá voru bara
gripnir nýir upp í staðinn, en það voru
þau Camilla, Runólfur og Hrund.
Sviðsmyndin var alveg sérstakur kapítuli, en ákveðið var
að láta verkið gerast í skógarrjóðri. Til að útbúa það voru
notaðir 12 km af baggaböndum í ýmsum litum.
Brúðkaup er 29. verkið sem ungmennafélagið setur upp frá
því Aratunga var tekin í notkun 1961 og Lénharður fógeti
var sýndur.
Núverandi stjórn leikdeildar skipa, Íris Blandon, sem er
formaður, Hildur María Hilmarsdóttir og Kristinn
Bjarnason pms