Litli Bergþór - 01.07.2016, Blaðsíða 12

12 Litli-Bergþór
með að fá sig lausa frá störfum til að sinna þjálfun
og fundum við vel fyrir því. Hjá okkur voru það þrír
kennarar sem ekki sáu sér fært að starfa sem þjálfarar
fyrir ungmennafélagið sökum bindingar sem fólgin er
í vinnuramma þeirra.
Á haustönn var brugðið á það ráð að fá Silju
Þorsteinsdóttur, stöðvarstjóra World Class á Selfossi
til að vera með trampolin fitness námskeið. Það var
frábærlega vel sótt og vakti mikla lukku, en æft var
tvisvar í viku.
Arnar var áfram með fótboltann og Helgi með
glímuna. Nadine á Brautarhóli bauð svo upp á
danskennslu, sem er nýjung í starfinu okkar.
Þó nokkrar umræður fóru í stjórn íþróttadeildar
um kaup á tækjum til íþróttaiðkana. Þar sem staða
deildarinnar er nokkuð góð var ákveðið að veita
peningum í tæki sem gætu nýst öllu því góða fólki
sem notar íþróttahúsið og voru keypt 6 trampolin nú
á vordögum 2016 og verið er að bíða eftir tilboði í lóð
og fleiri smátæki fyrir tækjasalinn í íþróttahúsinu.
Mikill sigur vannst þegar aldursreglum um aðgengi
í tækjasalinn var breytt um síðustu áramót. Nú mega
15 ára krakkar koma í salinn í fylgd með fullorðnum
sem geta leiðbeint þeim. Næsta skref er svo að hvetja
til rýmri heimilda, þannig að unglingar sem eru að æfa
af fullri alvöru geti nýtt sér salinn til fulls, án eftirlits
fullorðna fólksins. Við eigum að hvetja ungt fólk til að
hreyfa sig, ekki letja það.
Þjálfurum þakka ég samstarfið, starf þeirra er
ákaflega mikilvægt og kemur fram í þeim börnum sem
sækja æfingar. Þeir þjálfarar sem lengst af hafa starfað
með ungmennafélaginu búa að gríðarlegri reynslu og
Unglingastigið í Grunnskóla Bláskógabyggðar í heimsókn í CrossFit Hengli í Hveragerði,
í starfskynningu.
þekkja börnin okkar mjög vel, það er mikilvægt fyrir
foreldra að vita að börnin þeirra eru í góðum höndum.
Að lokum langar mig að þakka fyrir mig. Það hefur
verið gott og gaman að starfa fyrir ungmennafélagið,
en nú læt ég öðrum eftir að halda áfram og byggja upp
starfið og óska þeim sem við mér taka velfarnaðar.
Kærar þakkir,
Reykholti 16. apríl 2016
Agla Þyri Kristjánsdóttir
Gústaf Sæland vann til 1. verðlauna í sínum flokki í glímu á
Landsmóti UMFÍ á Akureyri um verslunarmannahelgina
í fyrra.