Morgunblaðið - 01.09.2018, Blaðsíða 22

BAKSVIÐ
Pétur Hreinsson
peturhreins@mbl.is
Áhugi á hreinum rafbílum virðist mikill um þess-
ar mundir og hefur biðlisti myndast vegna
tveggja nýrra tegunda sem væntanlegar eru á
götuna á næstunni. Búa þeir yfir töluvert meiri
drægni en áður þekkist ef bílar frá framleiðand-
anum Tesla eru undanskildir.
Um tvo nokkurs konar jepplinga í fjölskyldu-
stærð er að ræða. Annars vegar er það Hyundai
Kona EV sem er lengst með 480 km drægni og
hins vegar Kia Niro EV, sem er lengst með 450
km drægni en sá síðarnefndi er einnig 20 sentí-
metrum lengri. Eru þessar drægnitölur báðar
samkvæmt nýjum WLTP-staðli sem á að mæla
raundrægni betur en hefur tíðkast með eldri
mælingaraðferðum.
Hundrað manns á biðlista
Að sögn sölustjóra Hyundai og Kia er beggja
bíla beðið með mikilli eftirvæntingu. Tæplega
hundrað manns eru á biðlista eftir Hyundai
Kona og er það í fyrsta skipti sem svo langur
biðlisti myndast þrátt fyrir að bílaumboðið B&L
hafi ekki auglýst bílinn á neinn hátt. Um 50
manns hafa svo forpantað Niro og greitt stað-
festingargjald fyrir.
„Það eru tæplega hundrað manns komin á bið-
lista. En við höfum aldrei talað um hann eða
auglýst,“ segir Ragnar Sigþórsson, sölustjóri
Hyundai, sem segir að fyrstu bílar verði afhentir
um mánaðamótin september og október.
„Fólk virðist vera mikið að færa sig í rafbíla
og hugsa þetta sem annan bíl á heimili en kemst
svo fljótt að því að þetta er bíll sem hentar jafn-
vel betur sem fyrsti bíll á heimili,“ segir Ragnar.
„Síðustu tvö ár hefur aukningin verið mikil.
Fólk sér að þetta er að virka og er ekki eins
hrætt við þetta í dag eins og það var,“ segir
Ragnar.
Þorgeir Pálsson, sölustjóri Kia hjá bílaumboð-
inu Öskju segir að 40 manns séu búin að borga
staðfestingargjald fyrir Kia Niro í forsölu og að
áhuginn fyrir hreinum rafmagnsbílum hafi aldrei
verið meiri.
40 hafa greitt staðfestingargjald
„Þetta er að breytast mjög hratt. Fólk horfir á
þetta sem alvöru möguleika,“ segir Þorgeir.
„Með aukinni drægni verður þetta valkostur fyr-
ir fleiri aðila,“ segir Þorgeir, en búast má við
fyrstu Niro-bílunum um mánaðamótin janúar og
febrúar á næsta ári.
„Viðbrögðin hafa verið mjög góð. Það eru rétt
rúmlega 40 manns búin að skrá sig og borga
staðfestingargjald. Við höfum aldrei fundið fyrir
svona áhuga á rafmagnsbíl áður,“ segir Þorgeir
og bendir á að Kia hafi ekki boðið upp á slíka
forsölu áður. „Við höfum ekki gert þetta áður.
Fólk er í rauninni bara að tryggja það að fá bíla
í fyrstu sendingu.“ Þorgeir segir áhugann að
sjálfsögðu ekki einskorðast við Ísland og tekur
dæmi um að 4.000 þúsund manns séu á biðlista
eftir Niro í Noregi. „Spenningurinn eftir þessum
bíl þar er gríðarlegur.“ Bætir Þorgeir einnig við
að eftirspurnin sé um fjórföld miðað við fram-
leiðslugetu Kia í Evrópu.
Almennt virðist töluvert meiri áhugi vera í
samfélaginu á rafbílum og þessi mikli áhugi á
Niro og Kona endurspeglar það. Samkvæmt
gögnum Samgöngustofu nemur hlutfall hreinna
rafmagnsbíla af heildarnýskráningum það sem af
er ári 4,6% en var 3,3% í fyrra. Heildarfjöldi raf-
magnsbíla er 2.353 en hlutfall þeirra af heild-
arfólksbílafjölda nemur aðeins tæplega 1%. Sam-
kvæmt tölum EAFO nemur hlutfall nýskráninga
rafmagns- og tengiltvinnbíla samtals 15% á Ís-
landi, sem er það næstmesta í Evrópu. Markaðs-
hlutdeild hreinna rafmagnsbíla í Noregi er um
26% og þegar tvinnbílum er bætt við er hlutfallið
46%.
Nýir rafbílar afar eftirsóttir
Rafbíll Margir bíða spenntir eftir Hyundai Kona í rafmagnsútfærslu.
 Meiri drægni rafbíla virðist vekja áhuga fleiri viðskiptavina  Fjöldi manns er á
biðlista eftir tveimur nýjum rafbílum sem báðir hafa drægni á fimmta hundrað km
Biðlisti 40 manns eru á biðlista vegna vegna rafbílsins af Kia Niro EV.
22 FRÉTTIRViðskipti | Atvinnulíf
MORGUNBLAÐIÐ LAUGARDAGUR 1. SEPTEMBER 2018
Eltak sérhæfir sig í sölu
og þjónustu á vogum
Hamraborg 10, Kópavogi
Sími: 554 3200 Opið: Virka daga 9.30–18
VERIÐ VELKOMIN
Í SJÓNMÆLINGU
———
1. september 2018
Gengi Kaup Sala Mið
Dollari 106.64 107.14 106.89
Sterlingspund 138.83 139.51 139.17
Kanadadalur 82.53 83.01 82.77
Dönsk króna 16.728 16.826 16.777
Norsk króna 12.818 12.894 12.856
Sænsk króna 11.705 11.773 11.739
Svissn. franki 109.85 110.47 110.16
Japanskt jen 0.955 0.9606 0.9578
SDR 149.47 150.37 149.92
Evra 124.75 125.45 125.1
Meðalgengi/Viðskiptavog þröng 150.5702
Hrávöruverð
Gull 1202.35 ($/únsa)
Ál 2115.0 ($/tonn) LME
Hráolía 77.33 ($/fatið) Brent
Samkeppniseftirlitið hefur veitt
samþykki sitt við kaupum Regins hf.
á félaginu FAST-1 slhf. en samning-
ur um kaupin var undirritaður 18.
maí síðastliðinn. Með kaupunum
eignast Reginn allt hlutafé dóttur-
félaga FAST-1 en það eru HTP ehf.
og FAST-2 ehf.
Stærstu eignir félaganna sem um
ræðir eru Katrínartún 2, sem oftast
gengur undir nafninu Höfðatorg, og
Borgartún 8-16. Aðrar eignir félag-
anna eru Skúlagata 21, Vegmúli 3 og
Skútuvogur 1.
Kaupin fjármagnar Reginn með
útgáfu nýs hlutafjár að markaðsvirði
5.800 milljónir króna og þá eru þau
einnig fjármögnuð með útgáfu nýs
skuldabréfaflokks.
Í forsendum kaupanna var gert
ráð fyrir að heildarvirði félaganna
HTO og FAST-2 væri 23.200 millj-
ónir króna.
Í nýbirtum árshlutareikningi
FAST-1 kemur fram að hagnaður af
rekstri félagsins hafi numið ríflega
einum milljarði króna á fyrri helm-
ingi ársins miðað við 24,7 milljóna
hagnað yfir sama tímabil í fyrra.
Mestu munar þar um matsbreyting-
ar fjárfestingareigna. Þær reyndust
jákvæðar um ríflega 1,1 milljarð
króna á fyrri helmingi þessa árs en
voru neikvæðar sem nam tæpum 182
milljónum í fyrra.
Um mitt þetta ár námu eignir
FAST-1 23,1 milljarði króna og
höfðu hækkað úr tæpum 21,9 millj-
örðum um síðastliðin áramót.
Morgunblaðið/Golli
Turninn Stærsta eign félagsins er
Höfðatorg í Borgartúni.
Reginn fær að
kaupa FAST-1
 Félagið hagnaðist
um milljarð á fyrri
helmingi ársins