Morgunblaðið - 01.09.2018, Qupperneq 32

32 MESSURá morgun
MORGUNBLAÐIÐ LAUGARDAGUR 1. SEPTEMBER 2018
✝ Þorvaldur Þ.Baldvinsson
fæddist 29. júlí
1940 í Gilsbakka á
Litla-Árskógs-
sandi. Hann lést á
gjörgæsludeild
Sjúkrahússins á
Akureyri 23. ágúst
2018.
Foreldrar hans
voru hjónin Baldvin
Jóhannesson og Jó-
hanna Freydís Þorvaldsdóttir.
Þorvaldur var einn átta systk-
ina, en þau voru Anton Þór,
fæddur 22. febrúar 1936, látinn;
Jóhannes fæddur, 17. júní 1937,
látinn; Brynjar, fæddur 22. júní
1939, látinn; Gylfi, fæddur 8.
september 1941, látinn. Eftirlif-
andi systkini eru Zophonías,
fæddur 28. ágúst 1943; Ragn-
heiður Ingibjörg, fædd 19. júní
1948; Pálína Katrín, fædd 27.
desember 1951.
Eftirlifandi eiginkona
Þorvaldar er Ingigerður Lilja
f. 2005, b) Margrét Rósa, f.
2005, og c) Lilja María, f. 2007.
5) J. Freydís, f. 1974, sambýlis-
maður Steingrímur Friðriks-
son. Börn þeirra eru: a) Friðrik,
f. 2000, b) Hafrún, f. 2005, og c)
Þórir, f. 2009. 6) Harpa, f. 1979.
Sonur hennar er Thomas Árni,
f. 2005.
Fyrstu árin bjó Þorvaldur á
Litla-Árskógssandi en tíu ára
gamall flutti hann á Hauganes
til Soffíu ömmu sinnar og Krist-
jáns móðurbróður, þar bjó hann
allt þar til hann flutti til Dalvík-
ur.
Um fermingu byrjaði hann til
sjós með Kristjáni frænda sín-
um. Hann var til sjós á ýmsum
skipum og bátum þangað til
hann leitaði sér menntunar.
1959-1960 tók hann vélstjórnar-
próf, 1963-1964 var hann í
Stýrimannaskólanum. Allan
sinn starfsferil var hann til sjós
og gegndi hann öllum störfum
til sjós, hvort sem það var sem
kokkur, vélstjóri eða skipstjóri.
Hann rak sína eigin útgerð til
fjölda ára, þess á milli starfaði
hann á skipum og bátum hjá
öðrum.
Þorvaldur verður jarðsung-
inn frá Dalvíkurkirkju í dag, 1.
september 2018, klukkan 13.30.
Jónsdóttir, fædd
17. ágúst 1943. Þau
gengu í hjónaband
29. maí 1965 og
bjuggu allan sinn
búskap á Dalvík.
Börn þeirra eru:
1) Baldvin, f. 1964,
sambýliskona
Leena Sekkat.
Börn Baldvins af
fyrra hjónabandi
eru: a) Þorvaldur
Ingi, f. 1988, sambýliskona hans
Hrefna Katrín Björgvinsdóttir,
sonur þeirra er Baldvin Karl, f.
2018. b) Berglind Ósk, f. 1993. 2)
Kristján, f. 1967, maki Gunn-
hildur Birnisdóttir. Börn þeirra
eru: a) Rakel, f. 2001, og b) Birn-
ir, f. 2003. 3) Kristrún, f. 1968,
maki Jón Arnar Árnason. Börn
þeirra eru: a) Orri Fannar, f.
1996, sambýliskona Júlía Ósk
Júlíusdóttir. b) Ingigerður Lilja,
f. 1999, og c) Daði Hrannar,
f.2002. 4) Sigfús Freyr, f. 1969.
Börn hans eru: a) Guðjón Logi,
Það er skrýtið og óraunveru-
legt að hugsa til þess að þú sért
dáinn, um leið rifjast upp ótal
minningar. Eins og ferðirnar sem
ég fékk að fara með þér á Sindra
þegar ég var smápeð. Sennilega
kom ég ekki að miklu gagni þegar
ég hékk fram á borðstokkinn og
var með beinar lýsingar á því sem
kom upp með netunum í æsi-
fréttastíl.
Eða þegar ég fékk að brasa
með þér niðri í skúr. Eða þegar
þú kenndir mér að gella svo ég
gæti safnað mér smápeningi.
Eða söluferðirnar okkar á
appelsínugula rúgbrauðinu. Þær
voru nú oft skemmtilegar. Við
keyrðum um sveitirnar og bönk-
uðum upp á á bæjunum og seld-
um fisk, ég fékk að hafa reikni-
vélina til þess að leggja saman og
passaði vel upp á peningakassann
á milli bæja. Ekkert smástolt af
ábyrgðinni sem mér var falin óaf-
vitandi að þú hefðir vel getað
reiknað þetta allt saman í hug-
anum og að kassinn hefði tæp-
lega týnst í bílnum. Ef um langan
veg var að fara styttir þú okkur
stundir með því að syngja og
segja sögur því ekkert var nú út-
varpið í rúbbanum. Þú hafðir
nefnilega svo gaman af því að
syngja og við systkinin eigum
ótal minningar tengdar tónlist í
kringum þig, hvort sem þú varst
að spila plötu með Villa Vill eða
spila sjálfur á hljóðfæri og
syngja. Ef þú varst eitthvað að
brasa mátti alltaf heyra smáraul
eða flaut.
Þetta var ekki alltaf eintóm
gleði og gaman og bara svona til
að það sé alveg á tæru, pabbi, þá
er Kambsþrjóskan úr móðurætt-
inni ekkert miðað við Sæ-
landsþráann sem við fengum frá
þér.
Þegar ég fór að eldast og búa
mér heimili átti ég ófá símtöl við
þig tengd matargerð, enda
varstu listakokkur og í seinni tíð
held ég að fátt hafi glatt þig
meira en að matbúa og stússast í
kringum mat. Í hvern á ég nú að
hringja til þess að fá að vita hvað
ég á að hafa kjötið lengi í ofninum
eða hvernig er best að gera sós-
una?
Þegar barnabörnin fóru að
koma eitt af öðru leiddist þér
ekkert að atast í þeim og æsa þau
upp en lést svo mömmu svo um
að róa liðið niður og sinna þessu
helsta. Það kom því vel á vondan
þegar hún Hafrún mín sá ekkert
nema afa og þú máttir gjöra svo
vel og svæfa hana og skipta á
henni fyrstu skiptin sem hún
fékk að gista. Friðriki fannst allt-
af best að vera hjá ömmu og afa
þegar hann var lítill, af því að
hann og afi voru álíka árrisulir og
fengu sér morgungraut saman.
Hann elskaði morgungrautinn
hans afa.
Þórir segir að það sé best að
vera hjá ömmu og afa því hann fái
alltaf að ráða hvað er í matinn
þegar hann gistir og svo leyfir afi
honum alltaf að vera í tölvunni.
Veit ekki með þetta alltaf.
Það var augljóst að afahlut-
verkinu sinntir þú með mikilli
gleði og ekki varð gleðin minni
þegar fyrsta langafabarnið kom í
heiminn. Þessar vikur sem þú
lást á sjúkrahúsinu gladdi það þig
langmest af öllu þegar afabörnin
og litla langafakrílið komu í heim-
sókn.
Nú er allavega komið að leið-
arlokum og það er gott til þess að
vita að þú þarft ekki að finna til
lengur, það var það erfiðasta eftir
þetta ömurlega slys. Þórir sagði
mér um daginn að 99 ár hjá okkur
eru eins og einn dagur á himn-
inum, þannig að þegar hann hittir
þig eftir 99 ár þá verði það bara
eins og þið hafið hist í gær. Von-
andi, hver veit? Ég veit það hins-
vegar að það hafa orðið fagnaðar-
fundir þarna hinum megin þegar
þið bræðurnir hittust aftur. Ég
get rétt ímyndað mér hlátrasköll-
in og bakföllin.
Við sjáumst þá bara á morgun.
Freydís.
Elsku hjartans pabbi minn,
mér finnst það svo ótrúlegt að þú
skulir vera farinn. Síðustu tveir
mánuðir hafa verið okkur öllum
erfiðir en loksins hefur þú fengið
hvíldina eftir erfiða baráttu.
Mikið á ég eftir að sakna þín,
sakna þess að heyra í þér reglu-
lega því stundum hringdir þú
bara til að spjalla um daginn og
veginn.
Það var yfirleitt stutt í grínið
og stríðnina og þér fannst ekkert
leiðinlegt að æsa fólk upp. Ég
held að þú hafir t.d. notað sama
grínið á okkur systurnar þegar
við vorum unglingar. Ef ég var
eitthvað slöpp eða lasin spurðir
þú hvort ég væri nokkuð ófrísk,
það fauk heldur betur í mann,
enda unglingur og ofurviðkvæm-
ur fyrir öllu svona. Þá fórst þú
bara að skellihlæja og sagðir,
„fyrst þú ert ekki frísk þá hlýtur
þú að vera ó-frísk“.
Þér fannst heldur ekkert leið-
inlegt að æsa upp litlu krakkana.
Þegar við Thomas bjuggum hjá
ykkur mömmu og hann var tæp-
lega fjögurra ára, þá þurfti hann
alltaf að hlaupa nokkra hringi inn
í stofu og glenna sig framan í þig
fyrir svefninn. Stundum var hann
kófsveittur og að springa úr æs-
ingi loksins þegar ég náði honum
í rúmið. Ég hreinlega veit ekki
hvor ykkar skemmti sér betur.
Ég á ykkur mömmu svo margt
að þakka, þið tókuð á móti okkur
Thomasi fyrir tíu árum þegar við
fluttum aftur heim til Íslands og
hafið alltaf staðið þétt við bakið á
mér, það er ómetanlegt. Alltaf
voruð þið boðin og búin að hjálpa
til og sú hjálp átti sér margar
birtingarmyndir, t.d. gerðuð þið
ykkur oft spes ferð inn á Akur-
eyri til að sækja Thomas þegar
hann kom í pössun til ykkar eða
skiluðuð honum aftur inneftir eft-
ir helgargistingu.
Þú varst alltaf að sýsla eitt-
hvað með mat og oft var það eitt-
hvert fiskmeti enda gamall
sjóari. Veit ekki hversu oft þú
varst búinn að útbúa fisk í raspi
handa mér sem þú frystir og við
gátum svo bara steikt seinna, og
sólþurrkaði saltfiskurinn sem þú
áttir oft handa okkur. Þú vart
snilldarkokkur og ég held að þú
hafir prófað að elda allt mögu-
legt. Þér fannst þetta gaman, það
mætti segja að það hafi verið þitt
Þorvaldur Þ.
BaldvinssonAKUREYRARKIRKJA | Messa kl.11. Prestur er Hildur Eir Bolladóttir.
Félagar úr Kór Akureyrarkirkju syngja.
Organisti er Sigrún Magna Þórsteins-
dóttir.
ÁRBÆJARKIRKJA | Guðsþjónusta
kl. 11, sr. Þór Hauksson þjónar og pré-
dikar. Krisztina K. Szklenár er org-
anisti. Kirkjukórinn leiðir söng. Upphaf
sunnudagaskólans, Anna Sigga og
Erla Mist sjá um stundina. Kaffi og
samfélag á eftir.
ÁSKIRKJA | Messa og barnastarf kl.
11. Sunnudagaskólinn byrjar á ný eftir
sumarleyfi í umsjá Kristnýjar Rósar
Gústafsdóttur djákna og Benjamíns
Hrafns Böðvarssonar guðfræðinema.
Séra Sigurður Jónsson prédikar og
þjónar fyrir altari. Kór Áskirkju syngur.
Orgelleikari er Bjartur Logi Guðnason.
Fermingarbörn komandi vors og for-
eldrar þeirra sérstaklega boðuð til
messunnar og til kynningarfundar um
fermingarstarf vetrarins.
Safnaðarfélag Áskirkju selur vöfflur í
Ási eftir messu. Verð kr. 500.
BESSASTAÐAKIRKJA | Fyrsta fjöl-
skylduguðsþjónusta haustsins kl. 11.
Þar verður nýtt efni kynnt og sr. Hans
Guðberg og Sigrún Ósk leiða stund-
ina. Ástvaldur organisti leiðir sönginn
ásamt Lærisveinum hans.
BORGARNESKIRKJA | Guðsþjón-
usta sunnudag kl. 11. Sr. Jón Ásgeir
Sigurjónsson þjónar fyrir altari.
BREIÐHOLTSKIRKJA | Fjölskyldu-
guðsþjónusta kl. 11. Upphaf sunnu-
dagaskólans og barnastarfsins. Stein-
unn Þorbergsdóttir, sr. Magnús Björn
Björnsson og Örn Magnússon org-
anisti sjá um stundina. Barn verður
borið til skírnar og vetrarstarfið kynnt.
Fundur með fermingarbörnum og for-
eldrum þeirra kl. 12.30. Fundur um
fermingarstörfin á ensku kl. 13.30.
Ensk lofgjörðar og bænastund kl. 14.
Prestur er Toshiki Toma.
BÚSTAÐAKIRKJA | Guðsþjónusta
kl. 11. Kór Bústaðakirkju syngur undir
stjórn kantors Jónasar Þóris. Messu-
þjónar aðstoða. Prestur er Pálmi Matt-
híasson. Heitt á könnunni eftir
messu.
DIGRANESKIRKJA | Messa kl. 11.
Fjölskyldumessa. Sr. Bára Friðriks-
dóttir og Helga Kolbeinsdóttir æsku-
lýðsfulltrúi leiða stundina. Pylsur og
hoppukastali.
DÓMKIRKJA Krists konungs,
Landakoti | Messa á sunnud. kl.
8.30 á pólsku, kl. 10.30 á íslensku,
kl. 13 á pólsku og kl. 18 á ensku.
Virka daga kl. 18, og má. mi. og fö. kl.
8, lau. kl. 16 á spænsku og kl. 18 er
vigilmessa.
DÓMKIRKJAN | Æskulýðsmessa kl.
11. Séra Sveinn Valgeirsson og sr. El-
ínborg Sturludóttir leiða stundina.
Sunnudagaskólinn byrjar, fundur með
fermingarbörnum og foreldrum þeirra
eftir messuna. Minnum á bílastæðin
við Alþingi.
EGILSSTAÐAKIRKJA | Kvöldguðs-
þjónusta kl. 20. Organisti er Torvald
Gjerde, almennur söngur. Sr. Sigríður
Rún Tryggvadóttir prédikar. Þeir ung-
lingar á Héraði sem vilja fermast í
þjóðkirkjunni næsta vor eru hvattir til
þátttöku ásamt forráðamönnum og
stuttur fundur verður með þeim eftir
messu.
FELLA- og Hólakirkja | Fjöl-
skyldumessa kl. 11, sunnudagaskól-
inn fer aftur af stað eftir sumarfrí. Pét-
ur og félagar mæta. Sr. Guðmundur
Karl Ágústsson þjónar. Organisti er
Arnhildur Valgarðsdóttir.
Heitt kaffi á könnunni eftir stundina
og djús fyrir krakkana. Meðhjálpari er
Kristín Ingólfsdóttir.
FRÍKIRKJAN Hafnarfirði | Sunnu-
dagaskóli kl. 11. Kvöldmessa kl. 20.
Kór og hljómsveit kirkjunnar leiðir
sönginn.
FRÍKIRKJAN Reykjavík | Kvöld-
messa sunnudag kl. 20. Tónlist,
kertaljós og íhugun. Hljómsveitin
Mantra og Sönghópurinn við Tjörnina
ásamt Gunnari Gunnarssyni organista
flytja okkur ljúfa tónlist. Stundin er í
umsjón sr. Hjartar Magna Jóhanns-
sonar.
ATH. engin guðsþjónusta verður kl. 14
þennan dag.
GLERÁRKIRKJA | Guðþjónusta og
sunnudagaskóli kl. 11. Sameiginlegt
upphaf í guðþjónustu. Sr. Stefanía G.
Steinsdóttir þjónar. Kór Glerárkirkju
leiðir söng undir stjórn Valmars Välja-
ots. Umsjón með sunnudagaskóla
hefur Sunna Kristrún djákni.
GRAFARVOGSKIRKJA | Prjóna-
messa kl. 11. Séra Arna Ýrr Sigurð-
ardóttir þjónar og prjónaklúbbskonur
sjá um ritningarlestra og bænagjörð
ásamt því að sýna handverk sitt. Barn
verður borið til skírnar. Prjónarar eru
sérstaklega hvattir til að mæta með
prjónana eða aðra handavinnu og á
meðan guðsþjónustunni stendur er
boðið upp á kaffi og meðlæti. Org-
anisti er Hákon Leifsson og kór Graf-
arvogskirkju leiðir söng.
GRAFARVOGUR – kirkjuselið í
Spöng | Selmessa kl. 13. Séra Guð-
rún Karls Helgudóttir prédikar og þjón-
ar. Organisti er Hilmar Örn Agnarsson
og Vox Populi leiðir söng.
GRENSÁSKIRKJA | Guðsþjónusta
kl. 11. Séra Jón Ragnarsson prédikar
og þjónar fyrir altari. Félagar í kirkjukór
Grensáskirkju leiða söng, organisti er
Ásta Haraldsdóttir. Kaffisopi fyrir og
eftir messu.
GUÐRÍÐARKIRKJA í Grafarholti |
Guðsþjónusta kl. 11. Prestur er Leifur
Ragnar Jónsson, organisti er Hrönn
Helgadóttir og kór Guðríðarkirkju syng-
ur. Kirkjuvörður er Lovísa Guðmunds-
dóttir. Hvetjum fermingarbörn og for-
eldra þeirra að koma í messuna.
Kaffisopi í boði eftir messuna.
HAFNARFJARÐARKIRKJA | Messa
og sunnudagskóli kl. 11. Sr. Stefán
Már Gunnlaugsson messar. Organisti
er Þorvaldur Örn Davíðsson. Hugi
Jónsson syngur. Sunnudagskólinn
hefst í kirkjunni en síðan fara börnin
inn í safnaðarheimilið með Bylgju og
öðrum leiðtogum barnastarfsins.
Hressing eftir stundina.
HALLGRÍMSKIRKJA | Messa og
barnastarf kl. 11. Sr. Sigurður Árni
Þórðarson prédikar og þjónar fyrir alt-
ari ásamt sr. Irmu Sjöfn Óskarsdóttur.
Hópur messuþjóna aðstoðar. Norræn-
ar Maríusystur og félagar úr Mar-
íustúkunni taka þátt í messunni. Fé-
lagar úr Mótettukór Hallgrímskirkju
syngja. Organisti er Björn Steinar Sól-
bergsson. Umsjón barnastarfs Inga
Harðardóttir. Fyrirbænaguðsþjónusta
þriðjud. kl. 10.30. Árdegismessa mið-
vikud. kl. 8.
HÁTEIGSKIRKJA | Messa kl. 11.
Prestur er Eiríkur Jóhannsson. Org-
anisti er Guðný Einarsdóttir.
HJÚKRUNARHEIMILIÐ Skjól |
Guðsþjónusta kl. 13. Sigurður Jóns-
son sóknarprestur prédikar og þjónar
fyrir altari. Orgelleikari er Bjartur Logi
Guðnason. Almennur söngur. Vanda-
menn og vinir heimilisfólks velkomnir
og aðstoð þeirra vel þegin við flutning
fólks milli hæða.
HRUNAKIRKJA | Uppskerumessa
laugardaginn 1. sept. kl. 11. Samvera
fyrir alla fjölskylduna. Leikir, grill, kaffi
og djús eftir messu.
HVÍTASUNNUKIRKJAN Fíladelfía |
Samkoma kl. 11. Translation into
English. Samkoma á spænsku kl. 13.
Reuniónes en español. Samkoma á
ensku kl. 14. English speaking ser-
vice.
ÍSLENSKA Kristskirkjan | Sunnu-
dag kl. 13. Barnakirkja, fyrsta stund
vetrarins. Fjölbreytt barnastarf og al-
menn samkoma með lofgjörð. Ólafur
H. Knútsson prédikar og sér um heil-
aga kvöldmáltíð. Eftir stundina verður
boðið upp á kaffi og gott samfélag.
Einnig verða pítsusneiðar í boði á
vægu verði.
KEFLAVÍKURKIRKJA | Keflavík-
urkirkja opnar kirkjudyr að lokinni flug-
eldasýningu á Ljósanótt. Hátíð-
argestum er boðið til kirkju í
gospelmessu kl. 23. Gospelkór Jóns
Vídalíns syngur undir stjórn Davíðs
Sigurgeirssonar. Jóna Hrönn Bolla-
dóttir, sóknarprestur Vídalínskirkju,
leiðir messuna.
KÓPAVOGSKIRKJA | Barna- og fjöl-
skylduguðsþjónusta kl. 11. Sr. Sig-
urður Arnarson þjónar ásamt sunnu-
dagaskólakennurum. Skólakór
Kársness syngur undir stjórn Álfheiðar
Björgvinsdóttur. Upphaf vetrarstarfs
sunnudagaskólans.
LANGHOLTSKIRKJA | Fjöl-
skyldumessa kl. 11. Sr. Jóhanna
Gísladóttir leiðir stundina ásamt
Magnúsi Ragnarssyni organista, Söru
Grímsdóttur kórstýru, Hafdísi Davíðs-
dóttur æskulýðsfulltrúa og messu-
þjónum. Upphaf barna- og kórastarfs
á nýju misseri. Kórabörn og fjölskyldur
þeirra verða boðin sérstaklega vel-
komin. Kaffi og meðlæti í safn-
aðarheimili eftir stundina.
LAUGARNESKIRKJA | Messa og
fyrsta sunnudagaskóli vetrarins kl.
11. Félagar úr kór Laugarneskirkju
leiða sálmasöng undir stjórn Arngerð-
ar Maríu Árnadóttur organista og sr.
Eva Björk Valdimarsdóttir þjónar.
Sunnudagaskólinn er í umsjón Hjalta
Jóns, Emmu og Gísla. Kaffi í safn-
aðarheimili Laugarneskirkju á eftir.
LÁGAFELLSKIRKJA | Guðsþjónusta
kl. 11. Prestur er Ragnheiður Jóns-
dóttir. Kór Lágafellssóknar syngur og
leiðir söng. Organisti er Þórður Sigurð-
arson. Sunnudagaskóli kl. 13. Um-
sjón hefur Berglind Hönnudóttir æsku-
lýðsleiðtogi.
sjá: www.lagafellskirkja.is
LINDAKIRKJA í Kópavogi | Sunnu-
dagaskóli kl. 11 og aldrei að vita
nema Rebbi kíki á svæðið. Kvöldguðs-
þjónusta kl. 20 þar sem kór Linda-
kirkju mun leiða söng undir stjórn Ósk-
ars Einarssonar. Sr. Dís Gylfadóttir
þjónar.
NESKIRKJA | Messa kl. 11. Prestur
er Skúli S. Ólafsson. Háskólakórinn
syngur undir stjórn Gunnsteins Ólafs-
sonar sem einnig leikur undir söng.
Messunni verður útvarpað á Rás 1.
Sunnudagaskólinn hefst kl. 11 inni í
kirkju og færist svo í safnaðarheimilið.
Umsjón hafa Jónína Ólafsdóttir og
Katrín Helga Ágústsdóttir ásamt Ara
Agnarssyni undirleikara. Samfélag á
kirkjutorgi og hressing eftir helgihald-
ið.
Páll Jakob Líndal ræðir við Daníel Reu-
ter kl. 12.30 um sýninguna The Map
of Things sem er á kirkjutorginu.
SALT kristið samfélag | Sameig-
inlegar samkomur Salts og SÍK kl. 17
alla sunnudaga í Kristniboðssalnum
Háaleitisbraut 58-60, 3. hæð. Efni: Er
heimska að trúa? Ræðumaður Helgi
Guðnason, prestur í Hvítasunnukirkj-
unni Fíladelfíu. Barnastarf. Túlkað á
ensku.
SELFOSSKIRKJA | Messa kl. 11.
Prestur er Axel Á Njarðvík. Organisti er
Hilmar Örn Agnarsson. Sjá nánar á
www.selfosskirkja.is
SELJAKIRKJA | Barnaguðsþjónusta
kl. 11. Óli og Tómas leiða stundina.
Guðsþjónusta kl. 14. Sr. Ólafur Jó-
hann Borgþórsson prédikar og þjónar
fyrir altari. Félagar úr Kór Seljakirkju
leiða söng. Organisti er Tómas Guðni
Eggertsson.
SELTJARNARNESKIRKJA | Sunnu-
dagaskóli og guðsþjónusta kl. 11.
Græn guðsþjónusta í tilefni af bæj-
arhátíðinni á Nesinu. Bjarni Þór
Bjarnason sóknarprestur þjónar. Frið-
rik Vignir Stefánsson er organisti. Sig-
urður Óskar Óskarsson æskulýðs-
fulltrúi ásamt leiðtogum sér um
sunnudagaskólann. Félagar úr Kamm-
erkór Seltjarnarneskirkju syngja. Kaffi-
veitingar og samfélag eftir athöfn í
Safnaðarheimilinu. Í dag, laugardag,
verður létt stund í Albertsbúð kl.
14.30. Organistinn mætir með harm-
ónikkuna.
SKÁLHOLTSDÓMKIRKJA | Messa
sunnudag kl. 11. Egill Hallgrímsson
sóknarprestur annast prestsþjón-
ustuna.
STAÐARKIRKJA Hrútafirði | Kirkju-
dagur með messu kl. 14. Undirleik
annast Karl Örvarsson. Á eftir býður
staðarfólk í gamla bæinn og við njót-
um veitinga, sem öllum er heimilt að
leggja á borð með sér. Prestur er
Guðni Þór Ólafsson.
STAFHOLTSKIRKJA | Séra Elínborg
Sturludóttir kveður söfnuðina í Staf-
holtsprestakalli með kveðjumessu 2.
september kl. 14. Að messu lokinni
verður kaffisamsæti á prestssetrinu.
STÓRUBORGARKIRKJA Gríms-
nesi | Bæna- og kyrrðarstund kl.
20.30. Egill Hallgrímsson sókn-
arprestur leiðir stundina.
VÍDALÍNSKIRKJA | Fjölskylduguðs-
þjónusta kl. 11 sem markar upphaf
sunnudagaskólans. Barnakór Vídal-
ínskirkju syngur undir stjórn Jóhönnu
Guðrúnar Jónsdóttur og Davíð Sig-
urgeirssonar. Tekið verður á móti styrk
frá minningarsjóði Jennýjar Lilju. Nýtt
youtube-myndband með barnakórnum
frumsýnt.
VÍÐISTAÐAKIRKJA í Hafnarfirði |
Guðsþjónusta kl. 11. Kór Víð-
istaðasóknar syngur undir stjórn
Helgu Þórdísar Guðmundsdóttur.
Prestur er Bragi J. Ingibergsson. Kaffi-
hressing á eftir.
ORÐ DAGSINS: Tíu
líkþráir.
(Kæyj, 17)
Morgunblaðið/Sigurður Ægisson
Kirkjur Hjarðarholtskirkja í Dölum.
Minningar
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Lengd | Minningargreinar sem birtast í Morgunblaðinu séu ekki
lengri en 3.000 slög. Ekki er unnt að senda lengri grein. Lengri grein-
ar eru eingöngu birtar á vefnum. Hægt er að senda örstutta kveðju,
HINSTU KVEÐJU, 5-15 línur. Ekki er unnt að tengja viðhengi við
síðuna.
Formáli | Minningargreinum fylgir formáli sem nánustu aðstand-
endur senda inn. Þar koma fram upplýsingar um hvar og hvenær sá
sem fjallað er um fæddist, hvar og hvenær hann lést og loks hvaðan og
klukkan hvað útförin fer fram.
Minningargreinar