Morgunblaðið - Sunnudagur - 02.09.2018, Blaðsíða 35

Speglanir, heitir ný ljóðabók Þórs Stefánssonar,fimmtánda frumsamda ljóðabók hans. MeginefniSpeglana er samræða við danska heimspekinginn
Søren Kierkegaard en yrkisefni er yfirleitt ýmsar hliðar
mannlegrar tilvistar.
Þór segir að hryggjarstykkið í bókinni, samræðan við
Kierkegaard, sé ort þegar hann fór með konu sinni til Anda-
lúsíu í upphafi síðasta árs. „Mig langaði til að söðla um frá
tilfinningalegum eða tilfinningasömu ljóðum, í Speglunum
kemur félagsfræðin í stað sálfræðinnar, pólitík í stað ein-
staklings. Sigurður Þórir, sem er nú alltaf í þessari útgáfu
með mér og hannaði kápuna, segir að þetta séu svona hæpn-
ar fullyrðingar,“ segir Þór og hlær, „og það er satt hjá hon-
um að það er meira fullyrt í ljóðunum en áður og menn taka
því eins og þeir vilja. Þetta eru líka óvenjulöng ljóð hjá mér.“
– Það er margt mjög pólitískt í bókinni.
„Já, það var meiningin. Ég held þó samt að þetta sé allt
eitthvað sem allir geta hreint og beint skrifað undir, það er
ekki nein flokkspólitík, það er sátt og jöfnuður sem allir
stefna að er það ekki. Að minnsta kosti í kosningaáróðr-
inum,“ segir Þór og kímir.
– Í einu ljóðinu segir: „Það er rangt að vera ríkur“ og á
öðrum stað „Auðsöfnun er mönnum nú til háðungar“.
„Það eru ekki margir sem hrifnir eru af auðsöfnun og
það má vitna í það sem Matthías Johannessen hefur sagt
um græðgisvæðingu.
Við erum oft að tala um pólitík eftir flokkum, en ég veit
ekki hvaða flokkur er saklaus af því að hafa ýtt undir mis-
skiptingu. Hins vegar veit ég ekki heldur hvaða flokkur
skrifar ekki undir allt sem ég er að segja.“
– Þannig að fyrir þér er þetta ekki pólitík, þetta eru
bara staðreyndir.
„Já. Það er þessi mikla misskipting þegar fólk er skilið
eftir í vesöld á meðan aðrir skammta sér peninga, það
botnar enginn í þessu.“
– Það kemur ekki bara pólitík við sögu í ljóðunum, held-
ur varpar þú líka fram ýmsum spurningum eins og: „Hvað
ræður gildi bókmenntanna.“
„Hvort er það lesandinn eða höfundurinn, eða eru það
viðhorf okkar til höfundarins? Það er í raun allt þetta, en
annars á ég ekkert að svara þeim spurningum sem ég
varpa fram. Ég hef nú alltaf fjallað um bókmenntir og ljóð
og tungumálið í gegnum árin, en í þessari bók kasta ég
fram meiningum og þá er það spurningin hvort það séu
djúpar meiningar. Þetta er einlæg bók eins og fyrri bækur
mínar hafa verið þó að hún fjalli um stærra efni.“
Samræða við Kierkegaard
Í nýrri ljóðabók ræðir Þór Stefánsson við Søren Kierkegaard og veltir upp
pólitískum staðreyndum — félagsfræðin kemur í stað sálfræði fyrri ljóða.
Árni Matthíasson arnim@mbl.is
Ljóðskáldið og þýðand-
inn Þór Stefánsson.
Morgunblaðið/Valli
2.9. 2018 MORGUNBLAÐIÐ SUNNUDAGUR 35
BÓKSALA 22.-28. ÁGÚST
Listinn er tekinn saman af Eymundsson
1 Þín eigin saga – BúkollaÆvar Þór Benediktsson
2 Þín eigin saga – Börn LokaÆvar Þór Benediktsson
3 Iceland in a BagÝmsir höfundar
4 Independent PeopleHalldór Laxness
5 OfurhetjuvíddinÆvar Þór Benediktsson
6 Focus on Vocabulary 2Diane Schmitt
7 Sumar í litla bakaríinuJenny Colgan
8
Essential Academic
Vocabulary
Huntley Helen Kalkstein
9 Menschen A1 Arbeitsbuch
10 SyndaflóðKristina Ohlsson
1
Skepnur eru vitlausar
í þetta
Eyþór Árnason
2 Enn logar jökullMatthías Johannessen
3 Íslensk öndvegisljóðPáll Valsson tók saman
4 Ljóð muna röddSigurður Pálsson
5 Ég skal kveða um eina þigPáll Ólafsson
6 SpeglarnirJón Stefánsson
7 EftirskjálftarÁsdís Ingólfsdóttir
8 Bónus ljóðAndri Snær Magnason
9
Beinabrautin
Ingibjörg Helga
Steingrímsdóttir
10 HulduljósÞorvarður Hjálmarsson
Allar bækur
Ljóðabækur
Ég hlustaði á viðtal við Steinunni
Sigurðardóttur í sumar og hún
nefndi bókina
Demantstorgið eftir
Mercè Rodoreda
sem bestu bók sem
hún hefði lesið. Ég
fór og náði mér í
hana og hún er rosa-
lega áhugaverð,
skrifuð um borgara-
styrjöldina á Spáni.
Síðan las ég bókina Ítalskir skór
eftir Henning Mankell. Ég fékk eig-
inlega nóg af Kurt
Wallander í denn,
en þessi bók er um
lækni sem gerir
læknamistök, býr
eftir það á eyju í
sænska skerjagarð-
inum og hefur ekki
samband við neinn.
Eina vetrarnóttina birtist kona
með göngugrind.
Vel skrifuð og
áhugaverð.
Síðan er það
Sæluvíma Lily King.
Mjög skemmtileg og
áhugaverð bók. Hún
byggist á raunveru-
legum atburðum í
ævi Margaret Mead og fleiri
mannfræðinga sem eru að rann-
saka fólk í Nýju Gíneu.
ÉG VAR AÐ LESA
Inga Jóna
Halldórsdóttir
Inga Jóna Halldórsdóttir er
fjármálastjóri Seljaskóla.
Froskur útgáfa sérhæfir sig í útgáfu á teikni-
myndabókum og sendir nýverið frá sér fjórar
nýjar bækur. Fyrst er að telja bókina Stranda-
glópur á krossgötum eftir BeKa, Marko og
Maela Cosson. Bókin segir frá Klöru sem er á
krossgötum í lífinu, ósátt við sjálfa sig og leit-
ar svara. Leitin leiðir hana í helgarferðarhug-
leiðslu með hópi af fólki sem hún treystir á að
muni breyta lífi hennar. Allt fer þó á annan
veg og hún kemst að því að oft leitar fólk
langt yfir skammt að svörum við lífsgátum.
Auður S. Arndal þýddi.
Bókaröð Bruno Dequier um Lúkas hefst með
tveimur bindum, bókunum Flautað til leiks og
Einvíginu. Söguhetja bókanna er Lúkas, kæru-
laus, latur og klaufskur og veit af því. Hann
dreymir um það eitt að ganga í augun á Júlíu,
einu stúlkunni sem skiptir hann máli. Allt stefn-
ir í óefni þegar honum birtist vofan af Daníel,
fyrrverandi nema við skóla Lúkasar, sem gerist
einkaþjálfari hans í fótbolta, en Daníel er líka að
grafast fyrir um það hvað orðið hafi honum að
aldurtila. Aníta K. Jónsdóttir þýðir bækurnar
Bókaröðin um Valerían og Lorelínu eftir Pierre Christin og Jean-
Claude Mézières hefur notið mikillar hylli í
Frakklandi í áratugi. Í annarri safnbókinni sem
Froskur gefur út um ævintýri þeirra eru þrjú
rakin. Í Huldum heimi flækjast þau Valerían
og Lorelína í kynjastríð í hinu fjarlæga sólkerfi,
í Glímunni um Teknór lenda þau á milli
tveggja elda og í þriðju sögunni, Fuglahöfð-
ingjanum, komast þau í hann krappan á
óþekktu smástirni. Sverrir Örn Björnsson,
Hildur Bjarnason og Aníta K. Jónsdóttir
þýddu sögurnar.
NÝJAR BÆKUR
NÝ ÞJÓNUSTA
FYRIR ÁSKRIFENDUR
HLJÓÐMOGGI FYRIR
FÓLK Á FERÐ