Morgunblaðið - Sunnudagur - 02.09.2018, Blaðsíða 37

Á árunum um og upp úr 1980þóttu fáir piparsveinar íþessum heimi frambæri-
legri en Andrés prins, næstelsti son-
ur Elísabetar Englandsdrottningar.
Huggulegur, sjarmerandi og stór-
ættaður. Eðli málsins samkvæmt fór
breska pressan, ekki síst sú gula, af
hjörunum þegar út spurðist að kapp-
inn væri farinn að slá sér upp með
ungri leikkonu, Koo Stark að nafni,
árið 1981.
Papparassar og aðrir rassar
fylgdu parinu hvert fótmál milli þess
sem blöðin veltu sér upp úr fortíð
snótarinnar og komust snemma að
þeirri niðurstöðu að þrátt fyrir al-
menn huggulegheit,
útgeislun og að
koma vel fyrir væri
Stark ekki nógu fín
fyrir prinsinn.
Ástæðan var einföld:
Hún hafði leikið ung
í erótískri kvikmynd,
þar sem hún naut meðal annars ásta
með annarri konu.
Téð mynd heitir Emily og var
gerð af leikstjóranum og aðals-
manninum Henry Herbert árið 1976
en hann var í senn 17. jarl af Pem-
broke og 14. jarl af Montgomery.
Ekkert slor! Í sumum heimildum er
myndin kennd við klám en oftar er
hún þó skilgreind sem „avant
garde“. Hvað sem því líður þótti
bresku pressunni fullmikið hold
sjást í myndinni til að Stark gæti
vogað sér að róta í tilfinningalífi
flekklauss prinsins sem var í þokka-
bót fjórum árum yngri.
Það er reyndar kaldhæðni örlag-
anna að Emily, sem naut hóflegrar
velgengni í kvikmyndahúsum fyrst
eftir að hún var frumsýnd, fór á
bærilegasta flug upp úr 1980. Skýr-
ingin var einföld: Ástarsamband
Andrésar og Koo Stark.
Heimildum ber saman um að
Andrés hafi verið yfir sig hrifinn af
Stark en samband þeirra stóð í um
tvö ár. Og það sem meira er þá mun
hennar hátign hafa kunnað vel við
hnyðruna líka. Hlutverkið í Emily á
þó að hafa truflað hana lítillega enda
þótt ekki liggi fyrir hvort Elísabet
og Filippus drottningarmaður hafi
nokkurn tíma séð myndina. Þá hefði
verið gaman að vera fluga á vegg.
Eftir að slitnaði upp úr samband-
inu, árið 1983, talaði Stark eins og
hún væri laus úr fjötrum. „Athyglin
og álagið á mér varð óbærilegt.
Þetta var martröð,“ sagði hún í sam-
tali við tímaritið Weekly World
News árið 1988. Yfirskrift viðtalsins
sagði sína sögu: Hinn konunglegi
uppsláttur lagði líf mitt í rúst.
Það virðast þó hafa verið ytri að-
stæður fremur en
prinsinn sjálfur sem
urðu til þess að sam-
bandinu lauk; all-
tént virðist áfram
hafa verið gott á
milli Andrésar og
Stark. Þannig varð
hann guðfaðir einkadóttur hennar
árið 1997.
Stark hafði gift sig og skilið í milli-
tíðinni. Árið 1988 höfðaði hún mál
gegn blaðinu The Mail on Sunday
sem hélt því fram að þau Andrés
hefðu áfram átti í rómantísku sam-
bandi eftir að hún gekk að eiga ljós-
myndagalleristann Tim Jeffries fjór-
um árum áður. Það vannst.
Stark hefur ratað reglulega inn á
síður blaðanna gegnum tíðina og
ekki er lengra síðan en 2011 að The
Daily Telegraph líkti henni við Katr-
ínu hertogaynju af Cambridge og
gerði því skóna að hefði hún ekki
leikið í Emily væri hún í dag her-
togaynjan af Jórvík.
Sem kunnugt er hlaut önnur kona
þá nafnbót, Sarah Ferguson, þegar
hún giftist Andrési prinsi árið 1986.
Þau skildu áratug síðar.
Papparassarnir höfðu víðtækari
áhrif á Stark en að því kom að hún
snéri vörn sókn – fór sjálf að taka af
þeim ljósmyndir. Ljósmyndun hafði
um tíma verið áhugamál hjá henni
og við áreitið færðist hún öll í auk-
ana. Var meira að segja boðið að
sýna myndir sínar af papparöss-
unum árið 1983. Upp frá því hefur
hún alfarið starfað sem ljósmyndari;
sótti sér frekari menntun á því sviði,
hjá Norman Parkinson, Angus
McBean og fleiri og hefur haldið
fjölda sýninga og gefið út bækur.
Hún notar Leica-vélar og talar um
þær sem sína bestu og nánustu vini.
Á ýmsu hefur gengið í einkalífinu.
Árið 1993 skarst Stark illa á höfði í
bílslysi í Lundúnum sem varð til
þess að hún leiddi andleg gildi til
öndvegis í sínu lífi. Fór meðal ann-
ars á fund Dalai Lama og hefur að-
hyllst búddisma allar götur síðan.
Tíu árum síðar greindist Stark með
brjóstakrabbamein og þurfti að und-
irgangast brjóstnám og lyfja-
meðferð. Náði fullri heilsu á ný.
Árið 2007 vann hún mál gegn
tímaritinu Zoo Weekly sem hafði
kallað hana „klámstjörnu“. Af því til-
efni varð henni að orði: „Mér er létt
að nafn mitt hafi verið hreinsað af
þessum röngu og verulega spillandi
ásökunum sem sýnt hefur verið
fram á að eiga sér enga stoð í veru-
leikanum.“
Koo Stark er 62 ára í dag og býr í
Lundúnum. orri@mbl.is
HVAÐ VARÐ UM KOO STARK?
Erótíkin reyndist dýr
AFP
Nýleg mynd af Koo
Stark. Hún hefur
starfað árum saman
sem ljósmyndari.
Andrés prins þá
og nú. Hann þótti
mikill kvennaljómi.
Koo Stark í hinu al-
ræmda hlutverki sínu
sem Emily í samnefndri
mynd frá árinu 1976.
’Yfirskrift viðtals-ins sagði sínasögu: Hinn konung-legi uppsláttur lagði
líf mitt í rúst.
2.9. 2018 MORGUNBLAÐIÐ SUNNUDAGUR 37
Downton Abbey í bíó
SJÓNVARP Leikkonan Emmy Rossum mun yfir-
gefa þættina Shameless eftir að níundu seríu
þeirra lýkur. Rossum birti opið bréf til aðdáenda
sinna á Facebook-síðunni sinni þar sem hún
sagðist vita að þeir gætu haldið áfram án sín
í bili. Í kjölfarið staðfesti talsmaður þátt-
anna ákvörðun hennar en lýsti jafnframt
yfir þakklæti yfir frammistöðu hennar til
þessa.
Þættirnir hófust árið 2011 og byggjast
á samnefndum breskum þáttum. Þeir
segja frá hinni óreglulegu Gallagher-
fjölskyldu en Rossum hefur farið með hlut-
verk Fionu Gallagher frá upphafi þáttanna.
Yfirgefur Shameless
Emmy
Rossum
KVIKMYNDIR Framleiðsla á væntan-
legri kvikmynd byggðri á hinum vin-
sælu þáttum Downton Abbey fer nú
að hefjast. Þáttunum lauk árið 2015
en fyrr í sumar voru áform um kvik-
myndina tilkynnt. Leikararnir sem
ráðnir hafa verið eru að hluta úr upp-
runalega hópnum. Michelle Dockery,
Hugh Bonneville og Joanne Froggatt
snúa aftur til leiks, en nýir leikarar
eru meðal annars Imelda Staunton
sem er þekkt fyrir hlutverk sitt sem
Dolores Umbridge í Harry Potter-
myndunum.
Imelda
Staunton
„Nú vakna ég útsofinn og hv
Skúli Sigurðsson
Minnkar óþægindi við þvaglá
Fæst í apótekum, heilsuverslunum og heilsuhillum stórmarkaðanna.
Brizo™ er fæðubótarefni sérhannað
fyrir karlmenn sem þjást af
einkennum góðkynja stækkunar á
blöðruhálskirtli.
Rannsóknir hafa sýnt að með
þriggja mánaða inntöku á Brizo™ hefur
blöðruhálskirtill minnkað töluvert.
™
t
íldur“