Morgunblaðið - Sunnudagur - 16.09.2018, Page 13

itt að bera þá saman við HM. „ÓL er allt öðru-
vísi, mörg mót undir einum hatti. HM er bara
eitt mót. Það er heldur ekki gott að bera stemn-
inguna saman; hún getur líka verið misjöfn milli
móta. Þannig var ÓL í Barcelona 1992 miklu
skemmtilegra mót en ÓL í Atlanta fjórum árum
seinna. Stemningin var miklu betri. Eins lengi
og ég man hefur verið góð stemning fyrir HM á
Íslandi og auðvitað keyrði allt um koll þegar
okkar lið var loksins með í sumar.“
Framkvæmdin til fyrirmyndar
Að dómi Skapta var HM í Rússlandi frábærlega
heppnað mót. „Auðvitað má deila um það hvort
Rússar hafi átt að halda mótið, vegna afstöðu
þeirra í mannréttindamálum, svo sem til sam-
kynhneigðra, en þeim var úthlutað HM 2018 og
þegar á reyndi var framkvæmdin til fyrir-
myndar. Einhverjir höfðu áhyggjur af örygg-
isþættinum en hann var ekkert vandamál;
Rússarnir voru með allt á hreinu í þeim efnum.
Svo var stemningin alveg frábær, innan vallar
sem utan. Eitt risastórt partí. Fólk var greini-
lega komið til að njóta og skemmta sér.“
Skapti segir hlýjuna í garð Íslendinga hafa
verið mikla. „Sama hvar maður kom, allir voru á
bandi Íslands og vildu að liðinu gengi vel.
Straumarnir voru ótrúlega jákvæðir. Það
spurðist fljótt út að við værum langminnsta
þjóðin til að taka þátt í lokamóti HM og hver
heldur ekki með Davíð á móti Golíat? Síðan
komu stuðningsmenn liðsins bara svo vel fyrir
og voru svo glaðir að erfitt var fyrir hlutlausa að
hrífast ekki með. Liðinu hefur gengið svo vel
undanfarin ár að okkur Íslendingum þykir
sjálfsagt að strákarnir hafi komist á HM en
auðvitað er það ekki þannig. Þetta var mikið af-
rek og heimsbyggðin skynjaði það.“
Skapti segir alla hlutlausa hafa haldið með Ís-
landi og víða þar sem hann kom voru treflar og
aðrir minjagripir hreinlega uppseldir. Fólk
greip bara í tómt. „Það voru allir að njóta með
okkur.“
Skráði sig sem ljósmyndara
Skapti skráði sig inn á mótið sem ljósmyndara
en ekki blaðamann. Það var af ráðnum hug
enda kveðst hann vera í öðrum tengslum við
leikinn með þeim hætti; mun nær sviðinu. Af
ríflega 200 myndum í bókinni á hann um 170
sjálfur. Eggert Jóhannesson, ljósmyndari
Morgunblaðsins, á nokkrar, þar á meðal kápu-
myndina, eins Þorgrímur Þráinsson, starfs-
maður landsliðsins, einkum þær sem teknar eru
bak við tjöldin, svo sem inni í búningsklefa liðs-
ins. Nokkrir aðrir eiga myndir í bókinni. Sjálfur
náði Skapti að mynda öll helstu augnablikin;
fyrsta mark Íslands, þegar Hannes varði vítið
frá Messi og svo framvegis.
Spurður um vægið milli orða og mynda segir
Skapti þetta renna saman – vera sama verkið.
Fer eftir mælistikunni
Þegar Skapti er beðinn um að draga þetta sam-
an segir hann upplifunina hafa staðið fyllilega
undir væntingum. Mótið hafi í alla staði verið
frábært, ekki síst hvað varðar stemningu og
gæði fótboltans.
Hvað frammistöðu íslenska liðsins varðar
segir hann matið velta á mælistikunni sem er
notuð. „Ef við notum mælistikuna Ísland best í
heimi! þá gekk þetta ekki nægilega vel enda vit-
um við að liðið ætlaði sér að komast upp úr riðl-
inum. Strákarnir vildu meira. Og í ljós kom að
það var raunhæft. Eða hversu einkennilega
hljómar það að Ísland var nálægt því að komast
í 16-úrslit á HM í fyrstu tilraun – á kostnað Arg-
entínu?! En ef við notum mælistikuna sem allir
aðrir nota þá slógum við í gegn. Heimsbyggðin
var stolt fyrir okkar hönd og leit á þátttöku Ís-
lands á HM sem dæmalaust afrek.“
Að því sögðu gefur Skapti mér aftur merki
um að líta um öxl. „Sérðu hver kemur þarna,
lagsi? Thierry Henry.“
Þar með hvarf einbeitingin hjá mér eins og
dögg fyrir sólu og við tökum ábyrga ákvörðun
um að láta spjalli okkar lokið.
16.9. 2018 MORGUNBLAÐIÐ SUNNUDAGUR 13
15. júní. Föstudagur.
Við hverju má búast? Eru það of miklir draum-
órar að gera sér í hugarlund að Ísland hafi ein-
hverja möguleika á að standa uppi í hárinu á
Argentínu? Eitt stig úr þeim leik yrði sannarlega
saga til næsta bæjar. Hvað þá ef tækist að kreista
fram sigur.
Lionel Messi fer fyrir argentínsku skútunni –
einn fremsti knattspyrnumaður sögunnar og sá
besti síðasta áratuginn að mínu mati. Verði hann
vel stemmdur, að ég tali nú ekki um í spariskap-
inu eins og þegar hann tryggði Argentínu sæti á
HM með stórbrotinni frammistöðu á ögur-
stundu, verður róðurinn erfiður. Þá væri ráð að
fara að dæmi séra Sigvalda og biðja Guð að
hjálpa sér. Ellegar eitthvert annað æðra mátt-
arvald, kjósi menn að trúa frekar á það.
18. júní. Mánudagur.
Veðurguðinn skiptir um ham upp úr hádegi. Hóf
vaktina í morgun með hefðbundnum hætti en
svo er boðið upp á þrumur og eldingar. Það
hellirignir og Rússarnir flýta sér heim af strönd-
inni.
Landsliðið æfir ekki í dag. Strákarnir ráða sér
sjálfir en eru að mestu inni á hótelinu, sakir veð-
ursins.
Dularfullt boð berst íslenska fjölmiðla-
mannahópnum frá Knattspyrnusambandi Ís-
lands um miðjan dag. Samkoma verður haldin í
fjölmiðlatjaldinu við æfingavöllinn í kvöld. Engar
nánari upplýsingar verða veittar nema hvað
mönnum er frjálst að fjalla um það sem þar fer
fram. Leyndarmálið er sem sagt einungis leynd-
armál þar til samkoman hefst.
26. júní. Mánudagur.
Að morgni dags er í lagi að láta hugann reika
ábyrgðarlaust. Yrði óskaviðureignin í Kazan á
laugardag gegn Danmörku? Eða væri skemmti-
legra að mæta Frökkum og freista þess að hefna
ófaranna frá því á EM?
Fyrsta mál á dagskrá er reyndar að vinna Kró-
ata og verður ærið verkefni. Fyrsta skrefið er að
gera sitt besta til að sætta sig við hitann, sem er
nánast óbærilegur; orðinn 30 stig fljótlega að
morgni og 36 um miðjan dag en töluverður vindur
bjargar því sem bjargað verður fyrir gangandi veg-
farendur, þótt hann sé ótrúlega heitur. Leikurinn
er sem betur fer ekki fyrr en klukkan níu í kvöld.
Við hverju má búast?
Birkir Bjarnason og Emil Hallfreðsson í íslensku „draumarútunni“ eftir flugferð í Rússlandi.
Morgunblaðið/Eggert
Kristbjörn Hilmir Kjartansson og Grétar Jónsson í Volgograd. Þeir vöktu óskipta athygli á HM-Lödunni.
Ljósmynd/Skapti Hallgrímsson
Gyfi Þór Sigurðsson fellir grímuna óvænt á frí-
degi strákanna, er jafnan alvarlegur á svip. Og
ljósmyndarinn er sáttur við augnablikið.
Ljósmynd/Skapti Hallgrímsson
Heimir Hallgrímsson landsliðsþjálfari ásamt
Gylfa Þór Sigurðssyni í leiknum gegn Króatíu
sem varð hans seinasti með íslenska liðið.
Ljósmynd/Skapti Hallgrímsson
Morgunblaðið/Eggert