Morgunblaðið - Sunnudagur - 07.10.2018, Blaðsíða 14

Ljósmyndarar og blaðamenn Morgun-
blaðsins fylgdust ekki aðeins með stjórn-
málamönnum, bankamönnum og
útrásarvíkingum á fyrstu mánuðum
eftir efnahagshrun. Þeir fylgdust
líka með fólkinu í landinu sem tókst á
við nýjar áskoranir.
Júlía Margrét Alexandersdóttir
julia@mbl.is
Mannlíf á
fyrstu
mánuðum
Hugað að því að brauðfæða
Strax á fyrstu dögum eftir fall Glitnis jókst sala heimilistækja til að stuðla að góðri geymslu matvæla
og auknum sparnaði. Sala á frystikistum og frystiskápum var mun meiri en á sama tíma árið áður.
Óttuðust um sparifé sitt
Örtröð myndaðist í útibúum banka á höfuðborgarsvæðinu 3. október en í Landsbankann í Mjódd
leitaði fólk sem óttaðist um sparifé sitt og óskaði eftir upplýsingum vegna ástandsins. „Fólk hefur
eðlilega áhyggjur af fjármunum sínum. Okkar tími fer mikið í að róa mannskapinn,“ sagði Hermann
Björnsson, aðstoðarframkvæmdastjóri viðskiptabankasviðs Kaupþings banka, í viðtali við Morgun-
blaðið. Sumir dreifðu innstæðum og fluttu hluta yfir í aðra banka.
Morgunblaðið/hag
Hlustað á Geir
Tíðindin voru þess eðlis á fyrstu vikunum að allir lögðu vel við hlustir þegar nýjar fréttir bárust.
Þessir menn settust niður á kaffihúsi og hlustuðu á blaðamannafund Geirs H. Haarde forsætisráð-
herra, sem fram fór í Iðnó, í farsímum sínum. Þar greindi Geir meðal annars frá því að Ísland hefði
allt árið leitað hófanna hjá vinaþjóðum um gjaldeyrisskiptasamninga, en án árangurs.
Morgunblaðið/Árni Sæberg
Fylgst með kvöldfréttatímunum
Fréttatímarnir voru ekkert skemmtiefni á haustmánuðum 2008 en félagar í Starfsgreinasambandinu
horfðu á fréttatímann saman þegar þeir komu saman til fundar í byrjun október. Hljóðið var þungt í
mönnum og af svip þeirra mátti ráða óvissu og kvíða fyrir þeim tímum sem í hönd fóru.
Morgunblaðið/hag
10 ÁR FRÁ HRUNI
14 MORGUNBLAÐIÐ SUNNUDAGUR 7.10. 2018