Morgunblaðið - 17.11.2018, Side 24

24 FRÉTTIRErlent
MORGUNBLAÐIÐ LAUGARDAGUR 17. NÓVEMBER 2018
Heita má að öngþveiti ríki í breskum
stjórnmálum eftir að Theresa May
forsætisráðherra kynnti samkomu-
lag það sem hún hefur náð við Evr-
ópusambandið um útgöngu Bret-
lands úr sambandinu í lok mars á
næsta ári. Þótt meirihluti ríkis-
stjórnarinnar hafi lagt blessun sína
yfir það er óljóst hvort það nýtur
meirihlutastuðnings á þinginu. And-
stæðingar May í Íhaldsflokknum
safna liði til að koma henni frá og
fella samninginn.
Breska blaðið Guardian segir að í
þeirri stöðu sem upp er komin blasi
sex ólíkar sviðs-
myndir við hvað
Brexit-málið
varðar. Sú fyrsta
er að samkomu-
lagið verði fellt í
þinginu. Atkvæði
þar verða greidd
eftir að – og ef –
leiðtogar ESB
samþykkja sam-
komulagið á fundi 25. nóvember.
Verði það fellt hefur May 21 dag til
að bregðast við með nýrri útgöngu-
áætlun.
Önnur myndin er að May dragi
samkomulagið til baka og láti ekki
reyna á stuðning við það í þinginu
heldur reyni að fá samkomulaginu
breytt í ljósi andstöðunnar. Þetta
myndi áreiðanlega verða til þess að
andstæðingar hennar reyndu að
koma henni úr forsætisráðherra-
stólnum. Þriðja sviðsmyndin er að
May reyni að fá leiðtoga Evrópusam-
bandsins til að breyta þeirri laga-
reglu sem útgangan grundvallast á.
Hún myndi þá biðja um lengri tíma
en nú er hægt til að ná samkomulagi.
Ólíklegt er að á þetta yrði fallist. Í
mörgum ríkjum ESB vilja menn
losna við Bretland sem fyrst og það
jafnvel án nokkurs samkomulags.
Fjórða myndin sem Guardian
dregur upp er að andstæðingar May
í Íhaldsflokknum safni nægilegum
stuðningi til að greiða atkvæði um
vantraust á hana sem leiðtoga
flokksins. Verði það samþykkt er
samkomulagið við ESB vafalaust
fallið. Verði vantraustið fellt er ekki
hægt að bera það upp aftur fyrr en
eftir tólf mánuði. Fimmta sviðs-
myndin er að May rjúfi þing og boði
til kosninga. Tveir þriðju þingmanna
yrðu að styðja tillöguna. Fengist það
yrði líklega kosið í lok janúar 2019.
Blaðið telur ákaflega ólíklegt að May
reyni þetta enda var reynslan af
þingkosningunum sem hún boðaði í
fyrra mjög slæm fyrir Íhaldsflokk-
inn. Aftur á móti gæti komið til þess
að vantraust á stjórn May yrði sam-
þykkt í þinginu og þá yrði að boða til
kosninga. Loks er það sjötta sviðs-
myndin og þar ákveður May að biðja
þingið að samþykkja nýja þjóðar-
atkvæðagreiðslu um hvort Bretlandi
eigi að vera í ESB eða utan þess.
Þetta þykir frekar ólíklegt.
Alger óvissa um framvindu Brexit
 Ekki liggur fyrir hvort samkomulagið við ESB um Brexit hafi meirihlutastuðning á breska þinginu
 Margir flokksbræður May í Íhaldsflokknum vilja koma henni úr stól forsætisráðherra sem fyrst
Theresa May
Eyðileggingin eftir hina skelfilegu skógarelda í Norð-
ur-Kaliforníu er gífurleg. Samkvæmt nýbirtum tölum
um fórnarlömb eldanna hafa 66 manns látist. Alls er
631 enn saknað og er óttast að þorri þeirra hafi orðið
eldunum að bráð. Rétt um 12 þúsund hús hafa eyði-
lagst. Stór hluti af bænum Paradise er brunninn til
kaldra kola. Þar bjuggu um 30 þúsund manns. Fyrir
höndum er mikið uppbyggingarstarf.
AFP
Á sjöunda hundrað manna enn saknað
Rússar eru sagð-
ir hafa notað
WikiLeaks-upp-
ljóstrunarsíðuna
á netinu til að
dreifa ýmsu efni í
því skyni að
koma höggi á að-
ila á Vesturlönd-
um, þar á meðal
demókrata í
Bandaríkjunum.
Hermt er að þetta hafi komið í ljós
við rannsókn Roberts Muellers, sér-
staks saksóknara, á afskiptum
Rússa af forsetakosningunum þar
vestra 2016. Þetta er nefnt til skýr-
ingar á því að nafn Julians Assanges,
stofnanda WikiLeaks, kemur fyrir í
nýbirtum dómsskjölum í Bandaríkj-
unum sem varða annað mál. Geta
menn sér þess til að Assange hafi
annaðhvort þegar verið ákærður fyr-
ir leynilegum dómstól, eins og heim-
ilt er, eða að ákæra sé í undirbúningi.
Assange hefur haldið til í sendiráði
Ekvadors í London síðan 2012.
Þangað fór hann upphaflega til þess
að forðast ákæru sænskra yfirvalda í
kynferðisbrotamáli gegn honum, en
saksóknarar í Svíþjóð hafa fellt það
mál niður.
Assange sagður
eiga von á ákæru
 WikiLeaks dreifði efni í þágu Rússa
Julian Assange
Fjörutíu árum eftir ódæðisverk
Rauðu kmeranna í Kambódíu hafa
tveir leiðtogar þeirra verið fundnir
sekir um þjóðarmorð. Meira en
fjórði hver íbúi Kambódíu lést á
þeim fáu árum sem þessi öfgasam-
tök maóista réðu ríkjum í landinu.
Annar mannanna, Khieu Sam-
phan, nú 87 ára gamall, var eitt af
fáum opinberum andlitum Rauðu
kmeranna. Hann hlaut árið 2014
lífstíðardóm fyrir glæpi gegn mann-
kyninu. Hinn, Nuon Chea, 92 ára
gamall, var einnig dæmdur í lífstíð-
arfangelsi árið 2014 fyrir glæpi
gegn mannkyninu. Dómurinn í dag
markar tímamót því afar fáir þeirra
sem fóru með völdin í Kambódíu á
þessum tíma hafa verið dæmdir fyr-
ir glæpi sína og aldrei áður hafa
þeir verið dæmdir fyrir þjóðar-
morð.
Alls eru kmerarnir, sem voru við
völd frá 1975 til 1979, taldir bera
ábyrgð á dauða tveggja milljóna
manna. Flestir þeirra létust vegna
vinnuþrælkunar, úr hungri og í
fjöldaaftökum. Fjöldamorð kmer-
anna á 100 til 500 þúsund cham--
múslimum og 20 þúsund Víetnöm-
um eru grundvöllur ákæru á
hendur tvímenningunum fyrir þjóð-
armorð. Aðalleiðtoginn, Pol Pot, er
látinn. Kmerarnir brutu markvisst
niður alla innviði samfélagsins til að
skapa landbúnaðarútópíu í Kambó-
díu. Nuon Chea og Khieu Samphan
voru meðal annars ákærðir fyrir að
hafa átt þátt í því að tugþúsundir
manna og kvenna voru neyddar til
að giftast, oft í fjöldaathöfnum, í til-
raun til að fjölga íbúum Kambódíu.
Eyðilögðu heilt samfélag
 Forsprakkar Rauðu kmeranna dæmdir fyrir þjóðarmorð
Sindragata 12c | Ísafirði | Sími 456 1300 | smidjan@velsmidjan.is
HLÍFÐARHÚÐ Á RÚÐUR
u Kemur í veg fyrir að óhreinindi safnist
á rúðuna / sólaselluna
u Eykur öryggi og útsýni allt að
tvöfalt í bleytu og rigningu
u Kemur í veg fyrir að flugur, drulla,
snjór og ísing safnist á rúðuna
u Heldur regnvatni frá rúðunni
u Býr til brynju á rúðunni fyrir
leysiefnum og vökvum
u Þolir háþrýstiþvott
u Virkar við -30°C til + 30°C
u Endingartími er 6 – 12 mánuðir
Frábært á bílrúður – gluggarúður – sólasellur
Útifuglafóður
Mikið úrval, gott verð
Smáratorg · Bíldshöfði · Grandi · Hafnarfjörður