Morgunblaðið - Sunnudagur - 16.12.2018, Blaðsíða 37

TÓNLIST Búið er að tilkynna hvaða tónlist-
arfólk verður innlimað í frægðarhöll rokksins
árið 2019; Radiohead, Janet Jackson, Stevie
Nicks, Def Leppard, The Cure, Roxy Music og
The Zombies. Þau verða vígð inn í frægð-
arhöllina við hátíðlega athöfn í Barclays Center
í Brooklyn 29. mars á næsta ári.
Til þess að geta hlotið þennan heiður
þurfa 25 ár að vera liðin frá útgáfu
fyrstu plötu eða smáskífu tónlist-
armannsins eða sveitarinnar.
Nicks komst fyrst inn í
frægðarhöllina sem hluti af
Fleetwood Mac árið 1998.
Fjölgar í frægðarhöllinni
AFP
kannski aðeins vinir og fjölskylda fá
að sjá og leggja sviðspersónuna til
hliðar. Einlægnin er einhvern veginn
alltaf hættulegri. Og það er heillandi.
Til að ná þessari hlið fram höfðum
við það með okkur í liði að Anna er
þungavigtarmanneskja í tónlist-
arheiminum og fólk treysti henni.
Sjálf þekkti ég lítið til í þessum heimi
og kom því glæný inn sem var líka
mjög spennandi, ég hafði enga fyr-
irfram gefna ímynd af listamönn-
unum sem við töluðum við svo við
Anna nálguðumst þau á ólíkan hátt,
sem mér fannst styrkleiki. Ég var
líka ströng á því að fáir yrðu á settinu
þannig að trúnaðarsamband gæti
myndast,“ segir Margrét Seema.
Það er ekki sjálfgefið að fólk opni
sig svona og bjóði heim til sín. Þannig
minnist Anna Hildur
þess þegar hún bað
Ragga Bjarna um að
koma í þættina.
„Það tók langan
tíma að fá Ragga til að
samþykkja að koma í
viðtal. Hann sagðist
vera búinn að vera í
svo mörgum viðtölum
um ævina og að hann
væri hættur að fara í
fjölmiðla. Þegar ég
spurði hann hvort ég mætti senda
honum tölvupóst þá sagði hann mér
að hann væri ekki með tölvu en ég
gæti sent honum póst. Ég skrifaði
honum bréf og sendi frá London.
Hringdi svo viku seinna til að komast
að því að bréfið hefði sennilega lent í
ruslinu með auglýsingapósti. Það var
svo Þorgeir Ástvaldsson sem gerðist
milligöngumaður og það varð til þess
að Raggi var til í þetta. Og þegar við
vorum búnar að ná honum í eitt viðtal
hafði hann mikinn metnað til að klára
þetta vel með okkur sem hann gerði
með Helle konunni sinni. Og úr varð
mjög einlægt viðtal um stóru ástina í
lífi hans sem hefur staðið með honum
í gegnum súrt og sætt og hann með
henni,“ segir Anna Hildur en þess
má geta að ástin er fyrirferðarmikið
umfjöllunarefni í viðtölunum.
Þær segja báðar að við svona
vinnslu skipti höfuðmáli að fólk finni
að það geti treyst og trúnaðarsam-
bandið sem skapast sé ekki misnot-
að.
„Margrét Seema hefur líka eitt-
hvert einstakt lag á að laða fram dýpt
í fólki og töfrar
það fram með ka-
merunni. En gald-
urinn var líka að
gefa okkur tíma og
vera í sama takti
og viðmælandinn,
þannig myndast
trúnaðarsamband.
Það sem maður
áttar sig á enn bet-
ur þegar maður
fær að vera í svona
návígi er hversu harðdugleg þau öll
eru. Þetta er listafólk sem hefur allt
komið miklu frá sér og er stanslaust í
sköpunarferli og flutningi með einum
eða öðrum hætti. Maður gengur frá
öllum viðtölunum spenntur að sjá
hvað gerist næst í ferlinum þeirra,“
segir Anna Hildur að lokum.
’ Það tók langantíma að fá Raggatil að samþykkja aðkoma í viðtal. Hann
sagðist vera búinn að
vera í svo mörgum
viðtölum um ævina
og að hann væri hætt-
ur að fara í fjölmiðla.
16.12. 2018 MORGUNBLAÐIÐ SUNNUDAGUR 37
TÓNLIST Djasssöngkonan Nancy Wilson er látin, 81
árs að aldri, eftir löng veikindi. Hún fékk Grammy-
verðlaun þrisvar sinnum á löngum ferli en fyrsta lag-
ið sem hún sendi frá sér var „Guess Who I Saw
Today“ árið 1961.
Stærsti smellur hennar er „(You Don’t Know) How
Glad I Am“ frá árinu 1964 en lagið fór hæst í 11. sæti
á Billboard Hot 100-listanum og hún fékk jafnframt
Grammy-verðlaun fyrir það. Hin tvenn Grammy-
verðlaunin hreppti hún rúmum fjórum áratugum síð-
ar, eða 2005 og 2007. Hún hætti að koma fram á tón-
leikum árið 2011 því hún vildi eyða meiri tíma með
fjölskyldu sinni, ekki síst barnabörnunum.
Nancy Wilson látin
Wilson á sviði
árið 2007.
Síðumúli 13 • 108 Reykjavík • 552 9641 • seimei.is
seimeiisland • seimei.is
Opið mánud.-fimmtud. kl. 12-18, föstud. og laugard. kl. 12-16
Vagnhöfða 11 - 110 Reykjavík - www.ofnasmidja.is - sími 577 5177
hafðu það notalegt
vottun reynsla
ára
ábyrgð
gæði
miðstöðvarofnar
Janet Jackson