Fréttablaðið - 20.03.2019, Blaðsíða 2

Veður
Suðvestan 10-18 m/s og slyddu-
eða snjóél, en hvessir seint í
kvöld, 15-23 í nótt og á morgun
með snjóéljum. Hægari og þurrt
að kalla NA-til. Kólnandi, hiti
kringum frostmark á morgun.
SJÁ SÍÐU 14
Dreki úti fyrir Gróttu
Ógnvænlegur dreki sveif yfir hafinu úti fyrir Gróttu í gær. Reyndar ekki hreistraður og eldspúandi ævintýradreki heldur þessi fallegi f lugdreki
sem sést á myndinni. Brimbrettakappinn fyrir neðan lét veðrið ekki truf la sig heldur skellti sér út í sjó og lék á als oddi. FRÉTTABLAÐIÐ/SIGTRYGGUR ARI
Akstur undir áhrifum vímuefna er
aldrei réttlætanlegur. Ökum allsgáð.
Minningarsjóður Lovísu Hrundar | lovisahrund.is
REYKJAVÍK 239 rekstraraðilar í mið­
borginni mótmæla áformum um
lokun Laugavegar, Bankastrætis og
Skólavörðustígs fyrir bílaumferð.
Þetta kom fram á blaðamannfundi
Miðbæjarfélagsins í gær.
Aðilar á vegum félagsins gengu
á milli fyrirtækja og könnuðu hug
rekstraraðila til málsins. Aðeins
átta aðilar reyndust fylgjandi lokun
fyrir bílaumferð, níu vildu ekki taka
afstöðu opinberlega en ekki fengust
svör frá 31.
Gunnar Guðjónsson, eigandi Gler­
augnamiðstöðvarinnar á Laugavegi,
er einn þeirra sem stóðu að könnun­
inni. Hann viðurkennir að ekki sé
um hávísindalega könnun að ræða
en er ekki hissa á niðurstöðunum.
„Þetta er þveröfugt við það sem
núverandi meirihluti er ávallt að
halda fram,“ segir Gunnar.
Á fundinum kom fram mikil
óánægja hjá verslunareigendum
og öðrum hagsmunaaðilum vegna
skorts á samráði borgaryfirvalda.
Það samráð sem hafi farið fram hafi
verið sýndarmennska.
„Er ekki samráð það að heyra
sjónarmið þeirra sem eru með og á
móti? Málið var að við máttum tjá
okkur en það var búið að ákveða
að loka. Þetta var sagt þarna niðri í
Ráðhúsi,“ segir Gunnar.
Í tilkynningu frá Miðbæjarsam­
tökunum segir að sumarlokanir
sem hófust árið 2011 hafi leitt af sér
mikinn samdrátt í verslun.
Heyrðist það sjónarmið hjá
verslunareigendum bæði innan
þess svæðis sem hefur verið lokað
bílaumferð á sumrin og utan þess.
Gunnar sem rekið hefur verslun
á Laugavegi síðan 1972 segir að
það þurfi að tala um hlutina út frá
aðstæðum á Íslandi.
„Ég hef alltaf sagt að Reykjavík sé
bílaborg. Það sem gerir hana að bíla­
borg er veðrið, fámennið og lélegar
almenningssamgöngur. Ég á tveggja
ára myndaseríu sem sýnir hvernig
gatan lítur út þegar hún er lokuð.
Hún er gal, galtóm. Bílarnir koma
með mannlífið og kúnnana.“
Nokkrir verslunareigendur, sem
þó voru í miklum minnihluta, voru
óhressir með þá neikvæðu ímynd
sem sífellt væri verið að draga upp af
miðbænum. Nokkuð heitar umræð­
ur sköpuðust um það en einnig voru
uppi ásakanir um að verslunareig­
endur hefðu verið beittir óeðlilegum
þrýstingi til að skrifa undir listann.
Auðunn Árni Gíslason, eigandi
Fríðu skartgripahönnuðar á Skóla­
vörðustíg, var einn þeirra.
„Við höfum svolitlar áhyggjur
af þessari neikvæðu umræðu. Við
erum ekki að taka afstöðu með
eða á móti lokun en okkur finnst
umræðan oft vera full neikvæð.“
Auðunn segist skilja sjónarmið
þeirra sem berjist gegn lokun. „Það
er ekki þannig að þetta séu and­
stæðar fylkingar. Við erum í sama
liði að reyna að tala upp miðbæinn
frekar en að tala hann niður.“
Varðandi meint samráðsleysi
borgarinnar sagðist Auðunn ekki
geta metið það. „Ég hef hins vegar
áhyggjur af því að þessi fundur muni
jafnvel leiða til þess að þetta fari nú í
pólitískar skotgrafir. Það er ekki að
fara hjálpa okkur.“
sighvatur@frettabladid.is
Segir Laugaveg án bíla
þýða galtóma götu
Rekstraraðilar í miðborg Reykjavíkur eru langflestir ósáttir við áformaða
lokun verslunargatna fyrir bílaumferð. Meirihlutinn í borginni var harðlega
gagnrýndur fyrir samráðsleysi á fundi á vegum Miðbæjarfélagsins í gær.
Líflegar umræður urðu á fundi Miðbæjarfélagsins í gær. FRÉTTABLAÐIÐ/ERNIR
Þetta er þveröfugt
við það sem nú-
verandi meirihluti er ávallt
að halda fram.
Gunnar Guðjónsson, verslunar-
eigandi á Laugavegi
PÁFAGARÐUR Frans páfi hafnaði
í gær afsögn franska kardinálans
Phillipe Barbarin. Kardinálinn var
sakfelldur fyrr í mánuðinum fyrir
að hylma yfir kynferðisbrot prests­
ins Bernard Preynat gegn drengjum
á níunda og tíunda áratugnum. Eftir
sakfellinguna sagðist Barbarin ætla
að bjóða páfa afsögn sína en eins
og áður segir hefur páfi nú hafnað
henni.
Barbarin sendi út yfirlýsingu um
málið í gær og sagði að páfi hefði þó
ráðlagt sér að stíga til hliðar tíma­
bundið. „Hann gaf mér frelsið til þess
að taka bestu mögulegu ákvörðun­
ina fyrir söfnuðinn í Lyon,“ sagði í
yfirlýsingu kardinálans.
The New York Times hafði eftir
Anne Barrett Doyle, stjórnanda sam­
takanna Bishop Accountability, að
ákvörðun páfa væri áminning um að
páfa sé sama um þolendur. „Nú sem
fyrr stendur Frans með meðsekum
biskup og hlustar ekki á vitnisburð
þolenda.“ – þea
SAMFÉLAG Markaðsdeild Þjóðleik­
hússins segir það hreina tilviljun
að leikrit um stórmarkaðinn Súper
komi á fjalirnar á svipuðum tíma og
verslunin Super 1 er opnuð. Líklega
gangi markaðssetningin á leikritinu
lengra því fólk sé að leita að upp­
skálduðum tilboðum í versluninni.
Markaðssetningin fyrir leikritið
Súper snýst um að auglýsa fáránleg
tilboð, til dæmis „hægsvæfða spena­
grísi á teini“. Sigurður Pálmi Sigur­
björnsson, eigandi Super 1, sagði í
Fréttablaðinu á laugardag að það
hefði verið fyndið í fyrstu er við­
skiptavinir spurðu um lundir af
nýsvæfðum grísum. En nú markaðs­
setningin sé áreiti á starfsfólk hans.
Atli Þór Albertsson, markaðsstjóri
Þjóðleikhússins, segir það merkilega
tilviljun að verslunin Super 1 hafi
verið opnuð eftir að Jón Gnarr hafi
skrifað leikrit með sama nafni.
„En ég viðurkenni að mér hafi
fundist það fyndið þegar ég frétti að
hann væri að taka við símtölum frá
fólki sem er ósátt við orðalag í aug­
lýsingu sem kemur honum ekki við.
Og enn fyndnara að fólk sé að leita
að uppskálduðum tilboðum í Super
1, það segir mér að það er opinn
markaður fyrir talsvert fleiri hluti en
maður telur eðlilegt,“ segir Atli Þór.
„Fyrir vikið finnst mér líklegra
að við gefum í og göngum lengra.
Sigurður verður bara að vonast til að
leikritið verði skammlíft eða skella
hreinlega í gott kok­
teilsósutilboð og
sjá sóknarfærin
í þessu.“ – ab
Þjóðleikhúsið
sér sóknarfæri
fyrir Super 1
Atli Þór
Albertsson,
markaðsstjóri
Þjóðleik-
hússins.
Kardínáli fær
ekki að víkja
2 0 . M A R S 2 0 1 9 M I Ð V I K U D A G U R2 F R É T T I R ∙ F R É T T A B L A Ð I Ð
2
0
-0
3
-2
0
1
9

0
4
:2
2
F
B
0
4
8
s
_
P
0
4
7
K
.p
1
.p
d
f
F
B
0
4
8
s
_
P
0
3
8
K
.p
1
.p
d
f
F
B
0
4
8
s
_
P
0
0
2
K
.p
1
.p
d
f
F
B
0
4
8
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
2
9
8
-F
4
3
C
2
2
9
8
-F
3
0
0
2
2
9
8
-F
1
C
4
2
2
9
8
-F
0
8
8
2
7
5
X
4
0
0
.0
0
1
1
B

F
B
0
4
8
s
_
1
9
_
3
_
2
0
1
9
C
M
Y
K