Morgunblaðið - 21.02.2019, Blaðsíða 18
18 FRÉTTIRInnlent
MORGUNBLAÐIÐ FIMMTUDAGUR 21. FEBRÚAR 2019
Reginn hf. / 512 8900 / reginn@reginn.is / reginn.is
Dagskrá fundarins er svohljóðandi, sbr. 15. gr.
samþykkta félagsins:
1. Skýrsla stjórnar um starfsemi félagsins sl. starfsár.
2. Ársreikningur fyrir liðið starfsár ásamt skýrslu
endurskoðanda lagður fram til staðfestingar.
3. Ákvörðun um greiðslu arðs ogmeðferð hagnaðar
eða taps á næstliðnu reikningsári.
4. Tillaga stjórnar um starfskjarastefnu lögð fram til
samþykktar.
5. Ákvörðun um heimild stjórnar um kaup á eigin
bréfum. Stjórn félagsins mun óska eftir heimild
fundarins til að kaupa eigin bréf svo sem lög
leyfa í þeim tilgangi að koma á viðskiptavakt með
hluti í félaginu og/eða til að setja upp formlega
endurkaupaáætlun.
6. Tillaga stjórnar til breytinga á samþykktum, ef
einhverjar hafa borist.
7. Kosning félagsstjórnar.
8. Kosning endurskoðanda.
9. Kosning nefndarmanna í tilnefningarnefnd,
sé skipunartími nefndarmanna liðinn eða ef
nefndarmaður hefur látið af störfum.
10. Ákvörðun um þóknun til stjórnarmanna og til
nefndarmanna tilnefningarnefndar fyrir næsta
kjörtímabil.
11. Önnurmál.
Hluthafi getur látið umboðsmann sækja hluthafafund
fyrir sína hönd. Umboðsmaður skal leggja fram
skriflegt eða rafrænt umboð og skal það dagsett.
Óskað er eftir að umboð berist Regin tímanlega fyrir
dagsetningu aðalfundar á reginn@reginn.is og skal
það vera undirritað af hluthafa eða prókúruhafa.
Einnig er fundarmanni heimilt að framvísa umboði við
mætingu á aðalfund en þá skal þess gætt að mæta
tímanlega til að hægt sé að yfirfara umboð m.t.t.
gildis þess. Umboð verða ekki afturkölluð svo gilt sé
gagnvart félaginu eftir að þeim hefur verið framvísað
við afhendingu fundargagna eða eftir setningu
fundarins, hvort heldur sem fyrr er.
Hver hluthafi á rétt á að fá ákveðið mál tekið til
meðferðar á aðalfundinum, ef hann gerir skriflega
kröfu um það til stjórnar áður en tvær vikur eru til
aðalfundarins. Nánar um heimildir hluthafa til að
fá mál tekin til meðferðar á fundinum vísast til 18. gr.
samþykkta félagsins sem finna má á heimasíðu þess,
www.reginn.is/fjarfestavefur.
Atkvæðagreiðslur og kosningar verða einungis skrif-
legar á fundinum ef einhver atkvæðisbærra fundar-
manna krefst þess. Stjórnarkjör skal jafnan vera
skriflegt, ef tillögur koma fram um fleiri menn en kjósa
skal um. Varðandi heimild til að krefjast hlutfalls- eða
margfeldiskosningar við kjör stjórnarmanna vísast
til 24. gr. samþykkta félagsins, en krafa um það skal
hafa borist stjórn félagsins minnst fimm dögum fyrir
hluthafafund. Ekki verður hægt að greiða atkvæði
með rafrænum hætti á fundinum. Nánari upplýsingar
um réttindi hluthafa er að finna á heimasíðu félagsins.
Sérstök athygli er vakin á því að samkvæmt
samþykktum félagsins ber að tilkynna um framboð
til stjórnar skriflega með minnst sjö sólarhringa fyrir-
vara fyrir aðalfund, eða fyrir kl. 16:00 fimmtudaginn
7. mars 2019. Framboðum skal skila á skrifstofu Regins
hf. í Smáralind, 1. hæð, Hagasmára 1, Kópavogi eða á
netfangið tilnefningarnefnd@reginn.is
Upplýsingar um frambjóðendur til stjórnar verðabirtar
eigi síðar en tveimur dögum fyrir aðalfund.
Aðalfundur er lögmætur ef löglega er til hans boðað,
án tillits til þess hversu margir sækja hann sbr. 14. gr.
samþykkta félagsins.
Gögn vegna fundarins eru aðgengileg á skrifstofu
félagsins í Smáralind, 1. hæð, Hagasmára 1, 201
Kópavogi og á vefsvæði tengdu aðalfundi á heimasíðu
félagsins, www.reginn.is/fjarfestavefur, en endanleg
dagskrá og tillögur verða aðgengilegar a.m.k. tveimur
vikum fyrir aðalfund, sbr. 18. gr. samþykkta félagsins.
Aðalfundur félagsins verður án pappírsgagna.
Kópavogur, 20. febrúar 2019.
Stjórn Regins hf.
Stjórn Regins hf. boðar til aðalfundar félagsins sem haldinn verður í Hörpu, Rímu
fundarsal, fimmtudaginn 14. mars 2019 kl. 16:00.
AÐALFUNDUR
14.MARS2019ÍHÖRPU
Guðni Einarsson
Anna Lilja Þórisdóttir
Hluti nefndarmanna í starfshópi
sem skrifaði skýrsluna „Starfs-
umhverfi smálánafyrirtækja á Ís-
landi – og tillögur til úrbóta“ fékk að
kynnast „nokkuð ágengri og óum-
beðinni markaðssetningu (SMS-
skilaboðum)“ dansks smálánafyrir-
tækis þann stutta tíma sem hópur-
inn starfaði. Fyrirtækið býður upp á
smálán hér á landi. Þetta kemur
fram í kafla skýrslunnar um mark-
aðssetningu.
Villandi skilaboð
Slík markaðssetning fellur meðal
annars undir 46. grein fjarskipta-
laga sem fjallar um óumbeðin fjar-
skipti. Skýrsluhöfundar segja að
sérstaka athygli hafi vakið annars
vegar villandi skilaboð og hins vegar
að móttakandanum hafi ekki verið
boðið upp á að taka sig af slíkum
lista með einföldum hætti, hafi hann
áður veitt samþykki sitt, eins og 10.
grein laga um persónuvernd og
vinnslu persónuupplýsinga kveður á
um. „Reynt hefur á þess háttar
óumbeðin fjarskipti vegna skilaboða
frá Hraðpeningum, 1909, mula.is og
smalan.is, sbr. úrskurð úrskurðar-
nefndar fjarskipta- og póstmála nr.
15/2018, þar sem komist var að
þeirri niðurstöðu að brotið hefði ver-
ið gegn 46. gr. fjarskiptalaga eftir að
neytendur höfðu óskað eftir því að
sendingum yrði hætt. Umrædd
vörumerki eru núna í rekstri annars
lögaðila og vefsíður skráðar á dönsk
lén (.dk) og viðheldur viðkomandi
aðili sömu markaðssetningu og úr-
skurðarnefnd fjarskipta- og póst-
mála úrskurðaði að bryti í bága við
lög,“ segir í skýrslunni.
Skjáskot af síma nefndarmanns í
starfshópnum eru birt í viðauka
skýrslunnar. Þar má hvatningar til
lántöku frá smálánafyrirtæki. Til-
efni hvatninganna voru af ýmsum
tilefnum eins og verslunarmanna-
helgar, nýs skólaárs, hrekkjavöku,
feðradagsins, „Black Friday“,
„Cyber Monday“, fullveldisdagsins
og jólanna. Sum skilaboðin voru al-
mennara eðlis eins og um hjálp í
„smá fjárhagsörðugleikum“ eða
vegna hvatningar til ferðalaga.
Blaðamaður Morgunblaðsins
sendi smálánafyrirtækinu mula.is
fyrirspurn og spurði ef hann tæki
lán hjá fyrirtækinu hvort hann
mætti búast við að fá smáskilaboð
með boðum um fleiri lán? Þjónustu-
ver mula.is sendi þetta svar: „Já,
það má reikna með því, en ef þér
hugnast ekki að fá þannig skilaboð
þá er ekkert mál að taka númerið
þitt af sms-lista hjá okkur :)“.
Fyrrnefnda ákvörðun (15/2018)
Póst- og fjarskiptastofnunar (PFS) í
kvörtunarmáli vegna óumbeðinna
fjarskiptasendinga af hálfu E-con-
tent ehf. má lesa á heimasíðu stofn-
unarinnar (pfs.is).
Brutu gegn lögum
Þar segir að frá 17. maí 2017 til
16. febrúar 2018 hafi PFS borist
sextán kvartanir vegna óumbeðinna
fjarskiptasendinga frá Hraðpening-
um, 1909, mula.is og smalan.is. Öll
þessi vörumerki hafi verið á vegum
fyrirtækisins E-content ehf.
Fram kemur að PFS telji það
ljóst að sá sem samþykki móttöku
markaðssetningarskilaboða geti aft-
urkallað samþykki sitt hvenær sem
er. Þegar beiðni um afskráningu
hafi verið móttekin teljist samþykki
vera afturkallað og það sé ekki til
staðar frá þeim tímapunkti. Í
ákvörðunarorðum PFS kemur fram
að E-content ehf. hafi brotið gegn
lögum um fjarskipti með því að
senda SMS-skilaboð með markaðs-
setningarefni til tveggja viðtakenda
eftir að þeir höfðu sannarlega óskað
eftir að sendingum yrði hætt.
Ágeng markaðssetning smálána
Lántakendur smálána fá SMS með hvatningum til lántöku PFS fékk margar kvartanir vegna
óumbeðinna fjarskipta Ólöglegt að senda skilaboð til þess sem óskar eftir að sendingum sé hætt
Morgunblaðið/Kristinn
Smálán Þeir sem veita smálán hafa sent viðskiptavinum SMS og hvatt þá til
lántöku af ýmsum tilefnum, eða til að bæta úr fjárhagserfiðleikum.
Bæjarráð Sveitarfélagsins Horna-
fjarðar hefur sent frá sér yfirlýsingu
þar sem harðlega er mótmælt áform-
um í drögum að stefnu um almenn-
ingssamgöngur að leggja af ríkis-
styrkt innanlandsflug til Hafnar í
Hornafirði. Verði þetta að veruleika
sé veruleg hætta á að flugsamgöngur
til Hafnar muni leggjast af.
Samgöngu- og sveitastjórnar-
ráðuneytið lagði fram drög að stefnu
um almenningssamgöngur í síðustu
viku. Markmið stefnunnar er að
stuðla að samþættu kerfi almennings-
samgangna á sjó, landi og lofti. Sam-
hliða því var unnin greinargerð um al-
menningssamgöngur. Í greinar-
gerðinni kemur fram að flugleiðin frá
Reykjavík til Hafnar er styrkt af rík-
inu um 100 milljónir á ári. Bendir
bæjarráðið á að farþegum á flugleið-
inni hafi fjölgað frá árinu 2012 og
hlutfall niðurgreiðslu á hvern farþega
sé lægst miðað við aðrar ríkisstyrktar
leiðir.
Áform önnur en markmið
„Þrátt fyrir þetta er leiðin til Hafn-
ar talin þjóðhagslega óhagkvæm, án
frekari rökstuðnings, og er lagt til
ríkisstyrkurinn verði lagður af.
Rekstur almenningsvagna er einnig
styrktur af ríki í gegnum Vegagerð-
ina og þykir starfshópnum óeðlilegt
að reka tvær ríkisstyrktar leiðir til
Hafnar og bendir á nauðsyn þess að
tengja aksturleið frá Höfn við brot-
hætta byggð í Vestur-Skaftafells-
sýslu. Jafnframt á Höfn að vera einn
af tengistöðum í kerfi almennings-
samgangna. Í samgönguáætlun 2019-
2033 sem var lögð fyrir Alþingi á
haustþingi voru lögð fram metnaðar-
full markmið. Meðal þeirra var lagt
fram það markmið að íbúar lands-
byggðarinnar ættu kost á að komast
til höfuðborgarinnar á um 3,5 klst.
með samþættum ferðatíma, akandi,
með ferju og/eða í flugi. Á sama tíma
eru lögð fram umrædd drög að
stefnumörkun í almenningssamgöng-
um þar sem lagt er til að leggja af
ríkisstyrk á innanlandsflugi til Hafn-
ar og lögð áhersla á að styrkja al-
menningsvagna. Ofangreind áform
og markmið fara ekki saman,“ segir
m.a. í ályktun bæjarráðsins.
Bent er á að ökutími frá Höfn til
Reykjavíkur sé 7 klst. í strætó, miðað
við tímaáætlun, en flugtíminn sé um
50 mínútur, með innritun sé ferðatím-
inn um 1,5 klst. „Það er ekki nokkur
leið að uppfylla það markmið að
ferðast til höfuðborgarinnar á 3,5 klst.
ef aksturleiðin er farin. Ferð með
strætó frá Höfn til Reykjavíkur kost-
ar 13.630 kr. en flugferðin kostar
27.700 kr. fullu verði. Þeir sem greiða
í stéttarfélög eiga þess kost að kaupa
flugmiða á lægra verði eða frá um
12.000 kr. Til samanburðar er hægt
að kaupa flugmiða frá Keflavík til
Kaupmannahafnar á um 25.000 kr.
báðar leiðir,“ segir bæjarráðið.
Bitnar á heilbrigðisþjónustu
„Fyrir Hornfirðinga er gríðarlega
mikilvægt að almenningssamgöngur
séu góðar. Sveitarfélagið er víðfeðmt
og um langan veg að fara í næstu
þéttbýliskjarna eða 200 km á Kirkju-
bæjarklaustur og 100 km á Djúpavog.
Ef sækja þarf þjónustu lækna, stjórn-
sýslu eða annað tengt atvinnulífinu er
Reykjavík næsti þjónustukjarni. Erf-
itt getur verið að halda uppi öflugri
heilbrigðisþjónustu á landsbyggðinni
en vel hefur tekist til á Hornafirði,“
segir m.a. í ályktuninni og bætt við að
ef ríkisstyrkur verði aflagður megi
búast við því að fargjöld hækki veru-
lega eða að flugleiðin leggist af. Þá er
bent á slysahættu á Suðurlandsvegi.
Vilja ekki að
ríkisstyrkt flug
verði lagt niður
Hornfirðingar með harðorða ályktun
Morgunblaðið/Sigurður Bogi
Höfn Hornfirðingar vilja ekki af-
nema ríkisstyrk á fluginu.