Morgunblaðið - 21.02.2019, Qupperneq 4

4 FRÉTTIRInnlent
MORGUNBLAÐIÐ FIMMTUDAGUR 21. FEBRÚAR 2019
Veður víða um heim 20.2., kl. 18.00
Reykjavík 5 skýjað
Hólar í Dýrafirði 5 skýjað
Akureyri 3 léttskýjað
Egilsstaðir 3 skýjað
Vatnsskarðshólar 5 súld
Nuuk -5 léttskýjað
Þórshöfn 8 rigning
Ósló 2 heiðskírt
Kaupmannahöfn 6 skýjað
Stokkhólmur 0 heiðskírt
Helsinki -4 snjókoma
Lúxemborg 9 léttskýjað
Brussel 11 heiðskírt
Dublin 12 skýjað
Glasgow 11 rigning
London 10 léttskýjað
París 13 léttskýjað
Amsterdam 9 léttskýjað
Hamborg 9 léttskýjað
Berlín 9 heiðskírt
Vín 11 skýjað
Moskva 2 snjókoma
Algarve 16 léttskýjað
Madríd 14 léttskýjað
Barcelona 14 léttskýjað
Mallorca 15 léttskýjað
Róm 14 heiðskírt
Aþena 15 léttskýjað
Winnipeg -15 skýjað
Montreal -12 alskýjað
New York -1 snjókoma
Chicago 0 snjókoma
Orlando 26 alskýjað
 21. febrúar Sólarupprás Sólsetur
REYKJAVÍK 9:04 18:20
ÍSAFJÖRÐUR 9:17 18:17
SIGLUFJÖRÐUR 8:59 17:59
DJÚPIVOGUR 8:35 17:47
VEÐUR KL. 12 Í DAG
Á föstudag Fremur hæg austlæg átt og skýjað með
köflum fyrir hádegi. Vaxandi sunnanátt síðdegis, 13-
20 m/s og rigning undir kvöld, einkum S- og SA-til en
N 10-15 NV-til á landinu og þurrt að kalla. Hiti 1-6 stig.
15-23 m/s í fyrramálið, hvassast suðvestan til. Heldur hægari sunnanátt og allvíða skúrir en
áfram þurrviðri norðaustan til. Hiti víða 1 til 7 stig, mildast syðst.
Skeifan 8 | 108 Reykjavík | sími 517 6460 | VersluninBelladonna
Str.
38-58
Nýjar vörur streyma inn
Stefán Gunnar Sveinsson
sgs@mbl.is
Draga mun til tíðinda á fundi ríkis-
sáttasemjara í dag með fulltrúum
Samtaka atvinnulífsins annars vegar
og verkalýðsfélaganna Eflingar, VR,
Verkalýðsfélags Akraness og Verka-
lýðsfélags Grindavíkur hins vegar,
en allt stefnir í að verkalýðsfélögin
muni þar slíta viðræðunum og hefja
undirbúning að verkföllum.
Forysta Eflingar fékk umboð í
gær til viðræðuslita, en Sólveig Anna
Jónsdóttir, formaður félagsins, segir
að ekki sé öruggt að viðræðum verði
slitið. „Ef Samtök atvinnulífsins
koma fram með tilboð sem við met-
um að sé þess virði að bera undir
samninganefndina, gerum við það,“
sagði Sólveig en hún mat það svo að
það væri þó fremur líklegt að viðræð-
um yrði slitið. „Þetta er algjörlega
rökrétt niðurstaða þeirrar stöðu sem
viðræðurnar eru komnar í.“
SGS heldur áfram viðræðum
Fulltrúar Starfsgreinasambands-
ins funduðu í gær með fulltrúum SA,
en viðræðum þeirra hefur ekki verið
vísað til ríkissáttasemjara. Björn
Snæbjörnsson, formaður SGS, sagði
eftir fundinn að hann hefði gengið
vel. „Við fórum í gegnum okkar
kröfugerð og helstu punktana sem
hafa verið ræddir á undanförnum
vikum,“ segir Björn, en ákveðið var
að halda viðræðunum áfram kl. 15.30
í dag. „Meðan menn eru að ræða
saman eru hlutirnir jákvæðir og við
erum að tala saman,“ segir Björn.
Halldór Benjamín Þorbergsson,
framkvæmdastjóri Samtaka at-
vinnulífsins, tók í sama streng. „Við
fórum í ákveðin mál sem við höfum
verið að kasta á milli okkar undan-
farna daga og vikur og atriði sem
hvor aðili um sig þarf að taka afstöðu
til,“ segir Halldór Benjamín og bætir
við að allt sé uppi á borðum í viðræð-
unum.
Einungis „dropi í hafið“
Miðstjórn ASÍ sendi í gær frá sér
ályktun þar sem lýst var yfir veruleg-
um vonbrigðum með þau áform um
breytingar á skattkerfinu sem fjár-
málaráðherra kynnti í fyrradag. „Til-
lögurnar mæta engan veginn kröfum
verkalýðshreyfingarinnar um tekju-
jöfnunar- og tekjuöflunarhlutverk
skattkerfisins og geta að óbreyttu
ekki orðið grundvöllur sátta í sam-
félaginu,“ segir meðal annars í álykt-
uninni. Drífa Snædal, forseti ASÍ,
segir að það hafi valdið sér vonbrigð-
um að skattkerfinu sé ekki beitt sem
jöfnunartæki í tillögum ríkisstjórn-
arinnar. „Það er ekki sérstök áhersla
á að lækka sérstaklega skatta á þá
hópa sem þurfa mest á því að halda,
heldur er þetta sama krónutölulækk-
unin fyrir verkafólk og bankastjóra.“
Drífa segir að hitt atriðið sem
standi upp úr sé að tillögurnar eigi að
koma til framkvæmda á næstu þrem-
ur árum, sem þýði rúmlega 2.000
króna skattalækkun á ári. „Við erum
að berjast við að reyna að semja
þannig að fólk hafi í sig og á, og þetta
er bara dropi í hafið þar,“ segir Drífa.
Formannaráð BSRB sendi einnig
frá sér yfirlýsingu þar sem sagði að
skattatillögurnar gengju ekki nægi-
lega langt í átt að jöfnuði. Segir í yfir-
lýsingunni að það valdi vonbrigðum
hve lítil skattalækkunin eigi að vera
og enn meiri vonbrigðum hversu
seint hún eigi að koma til fram-
kvæmda. Þá leggist BSRB gegn því
að skattar verði lækkaðir fyrir há-
tekjufólk og telur formannaráðið að
nýta eigi það svigrúm sem stjórnvöld
hafi til skattalækkana til þess að
lækka álögur á þá tekjulægstu.
Viðræðum
mögulega
slitið í dag
Morgunblaðið/Hari
Kjaramál Fulltrúar Samtaka atvinnulífsins og Starfsgreinasambandsins mæta til fundarins í gær.
 ASÍ og BSRB segja tillögur stjórn-
valda í skattamálum ganga of skammt
Ómar Friðriksson
omfr@mbl.is
Háskólamenntuðum einstaklingum í
aðildarfélögum BHM sem leita eftir
þjónustu VIRK starfsendurhæf-
ingarsjóðs hefur fjölgað stórlega á
seinustu árum. Algengasta ástæða
þess að BHM-fólk leitar til VIRK er
geðræn vandamál en stoðkerfis-
vandamál eru einnig algeng. Konur
eru í miklum meirihluta einstaklinga
sem eru í þjónustu hjá VIRK.
Mikil fjölgun varð á nýjum þjón-
ustuþegum VIRK milli áranna 2017
og 2018 og var hún öll vegna aukinnar
eftirspurnar háskólamenntaðs fólks
eftir þjónustu
sjóðsins, að því er
segir í umfjöllun
BHM um þessar
upplýsingar, sem
fram komu í er-
indi Vigdísar
Jónsdóttur, fram-
kvæmdastjóra
VIRK, á upplýs-
inga- og sam-
ræðufundi BHM.
Tölur um menntunarstig nýrra ein-
staklinga hjá VIRK sýna að á sama
tíma og nokkuð hefur fækkað í hópi
þeirra sem eru með grunnskóla-
menntun eða minni menntun frá
árinu 2015 hefur fjöldi fólks með há-
skólanám að baki vaxið stórum skref-
um eða úr 317 árið 2015 í 568 í fyrra,
sem er hér um bil orðinn jafn stór
hópur og þeir sem lokið hafa grunn-
skólanámi. Fyrir fjórum árum voru
grunnskólamenntaðir hins vegar tvö-
falt fleiri en fólk með háskólamennt-
un í þessum hópi nýrra einstaklinga
hjá VIRK.
Vöxturinn í fyrra var allur í hópi
háskólamenntaðs fólks
Þórunn Sveinbjarnardóttir, for-
maður BHM, segir við Morgunblaðið
að þetta séu sláandi tölur sem lýsi
mjög alvarlegri stöðu. Spurn eftir
þjónustu VIRK fari vaxandi þvert á
það sem margir héldu fyrir nokkrum
árum. Vöxturinn á síðasta ári sé allur
í hópi háskólamenntaðs fólks.
„Innan VIRK var frekar við því bú-
ist að þegar liði frá hruni færi spurn
eftir starfsendurhæfingu minnkandi.
Þróunin er þvert á það.
Önnur mjög mikilvæg og óþægileg
staðreynd í þessu sambandi er hið
ójafna kynjahlutfall. 70% þeirra sem
eru í þjónustu VIRK eru konur og
mestur vöxtur meðal háskólamennt-
aðra,“ segir Þórunn.
Hún telur að leiða megi líkum að
því að flestar þessara kvenna starfi
hjá hinu opinbera, ríki og sveitar-
félögum, í velferðar-, heilbrigðis- og
menntakerfinu. „Það segir okkur, að
mínu áliti, sögu af samfélagi þar sem
álag á konur hefur aukist meira en
álag á karla. Mín persónulega tilgáta
er að háskólamenntaðar konur sem
starfi hjá hinu opinbera séu nú að
greiða dýru verði, þ.e. með heilsu
sinni, langvarandi niðurskurð, álag og
manneklu í almannaþjónustu. Ein-
hvers staðar hlaut eitthvað að gefa
sig. Þetta er mjög alvarleg staða og
mikilvægt að líta ekki á hana sem
vanda einstaklinganna sem í hlut
eiga, heldur sem samfélagslegt úr-
lausnarefni,“ segir Þórunn.
Stórfjölgun háskólafólks hjá VIRK
20%
25% 26%
31%
Nýir einstaklingar
hjá VIRK 2015-2018
Hlutfall einstaklinga með
háskólanám
Heimild: VIRK
2015 2016 2017 2018
Þórunn
Sveinbjarnardóttir
 Konur greiða dýru verði með heilsu
sinni niðurskurð, álag og manneklu, að
mati formanns Bandalags háskólamanna