Morgunblaðið - 19.03.2019, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 19. MARS 2019
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Setjum undir á staðnum
Dráttarbeisli
undir flestar tegundir bíla
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Farþegar Icelandair, sem voru á leið
frá Ósló til Keflavíkur á sunnudags-
kvöld, þurftu á heimleiðinni að fara í
vél sem var á leið til Stokkhólms og
þaðan til Íslands. Flugi FI325 frá
Ósló til Keflavíkur 17. mars var
breytt en fara átti með Boeing Max-
þotu. Hefur félagið kyrrsett slíkar
vélar sem kunnugt er.
Samkvæmt farseðli sem gefinn
var út 3. mars átti vélin í flugi FI325
að lenda í Keflavík klukkan 22.55
hinn 17. mars. Farþegar voru endur-
bókaðir með flugi FI321 hinn 13.
mars. Innritun í flugið á flugvell-
inum í Ósló var boðuð kl. 21 en var
frestað um 20 mínútur. Við tók rúm-
lega 40 mínútna flug til Stokkhólms.
Þar var beðið meðan flugfreyjur at-
huguðu hvort farþegar gætu gert
grein fyrir farangri. Síðan komu ný-
ir farþegar um borð. Vélin lenti um
1.30 í Keflavík aðfaranótt mánudags.
Röskunin verði sem minnst
Ásdís Pétursdóttir, upplýsinga-
fulltrúi Icelandair, sagði félagið gera
allt sem í þess valdi stæði „til að
raska flugi sem minnst í kjölfar
kyrrsetningar Boeing 737 MAX-
vélanna. Í ljósi þess var ákveðið að
grípa til þessarar ráðstöfunar í stað
þess að aflýsa fluginu frá Stokk-
hólmi … Meira slíkt hringflug hefur
ekki verið skipulagt enn sem komið
er,“ sagði Ásdís. baldura@mbl.is
Óslóarvélin þurfti að
lenda í Stokkhólmi
 Röskun lengdi heimferð með Icelandair
Guðrún Erlingsdóttir
ge@mbl.is
Bryndís Hlöðversdóttir ríkissátta-
semjari segir að starfsemi Ríkis-
sáttasemjara breytist lítið við viðræ-
ðuslit Starfsgreinasambandsins og
SA en vissulega verði takturinn ann-
ar. Bryndís segir að hún muni kalla
samningsaðila til fundar að minnsta
kosti á tveggja vikna fresti og þrátt
fyrir viðræðuslit hafi samtöl og
vinna sem átt hafi sér stað ekki ver-
ið unnin fyrir gýg.
„Ríkissáttasemjari getur komið
inn hvenær sem er með miðlunar-
tillögu. Á þessum tímapunkti væri
ekki skynsamlegt að mínu mati að
leggja fram miðlunartillögu þar sem
hún er ekki líkleg til þess að leysa
deiluna eins og staðan er núna.
Miðlunartillaga er gjarnan notuð
þegar eitthvað lítið ber á milli og
höggva þarf á hnútinn, en slíkar
vangaveltur eru ótímabærar nú,“
segir Bryndís og bætir við að ekki
hafi verið ákveðið með næsta fund
SA og SGS en hún geti hvenær sem
er kallað deiluaðila saman. Það verði
áfram skylda sáttasemjara og deilu-
aðila að leita leiða til þess að ná
samningum.
Vinna sem fer ekki frá okkur
„Við höfum unnið góða vinnu síð-
ustu þrjár vikur og hún fer ekkert
frá okkur. Ef rétt skilyrði myndast
getum við tekið upp þráðinn að nýju.
Það er erfitt að taka einn þátt út og
segja að vegna hans hafi viðræður
slitnað. Kjarasamningar eru marg-
brotnir og verða að skoðast í heild.
Ég held að við náum langflestum
þáttum saman á komandi dögum og
viku,“ segir Halldór Benjamín Þor-
bergsson, framkvæmdastjóri SA.
Björn Snæbjörnsson, formaður
SGS, segir vonbrigði að slitnað hafi
upp úr samningaviðræðum.
„Það lá ljóst fyrir á föstudaginn
að ef nýtt tilboð kæmi ekki fram í
dag myndum við slíta viðræðum,“
sagði Björn og bætti við að ágrein-
ingur hefði verið um vinnutíma.
„Verkefnið fer ekki frá okkur og
við vonum að viðræður hefjist fljót-
lega aftur því við verðum að halda
áfram,“ segir Björn. Hann bendir á
að það taki langan tíma að undirbúa
verkfallsaðgerðir en SGS sé að setja
sig í startholurnar.
„Við erum að kalla saman aðgerð-
arhóp til að fara yfir skipulag og
þess háttar. Við förum svo yfir þau
mál með samninganefndinni á
mánudag,“ segir Björn sem vonast
til þess að tilboð frá atvinnurek-
endum verði komið millitíðinni.
Morgunblaðið/Árni Sæberg
Slit Viðræður SGS og SA fóru í þrot í gær hjá Ríkissáttasemjara, en allir telja þeir þó að góð vinna hafi verið unnin.
SGS og SA slitu viðræðum í gær
 SGS segir að steytt hafi á vinnutíma  SA vill taka upp þráðinn að nýju ef réttar aðstæður mynd-
ast  Aðgerðarhópur SGS fundar  Alls ekki réttur tími fyrir miðlunartillögu að mati sáttasemjara
Björgunar-
sveitir á Vest-
fjörðum voru
kallaðar út á
sjöunda tím-
anum í gær-
kvöldi. Tveir
einstaklingar
sem voru saman
í bíl urðu inn-
lyksa á Hrafnseyrarheiði vegna
snjóflóðs og óskuðu eftir aðstoð
björgunarsveitar. Þetta kom fram
í fréttatilkynningu frá Lands-
björg um kvöldmatarleytið í gær-
kvöldi
Þegar Morgunblaðið fór í
prentun var björgunarsveitarfólk
á leiðinni á svæðið en nákvæm
staðsetning var þá ekki þekkt. Í
tilkynningu frá Landsbjörg kom
fram að varasamt væri að fara
Hrafnseyrarheiði vegna snjó-
flóða. ge@mbl.is
Innlyksa í snjóflóði
á Hrafnseyrarheiði
Eftir að Starfsgreinasambandið
sleit viðræðum við SA í gær
bætast samtökin í hóp VR, Efl-
ingar, Verklýðsfélags Akraness
og Verkalýðsfélags Grindavíkur.
Efling hefur þegar boðað og
hafið verkfallsaðgerðir. VR hef-
ur að óbreyttu verkfalls-
aðgerðir 22. mars og fyrir-
huguð ótímabundin vinnu-
stöðvun Verkalýðsfélags
Akraness hefst 12. apríl.
Sáttafundir eru boðaðir í vik-
unni í deilum milli SA og
Landssambands íslenskra
verslunarmanna, samflot iðn-
aðarmanna og Mjólkurfræð-
ingafélags Íslands. Sáttafundur
í deilu SA og samflots VR, Efl-
ingar, Verkalýðsfélags Akraness
og Verkalýðsfélags Grindavíkur
er áformaður í vikunni.
Sáttafundir
halda áfram
KJARADEILUR
Gunnlaugur Snær Ólafsson
gso@mbl.is
Búið er að ljúka samningi milli Íslands og Bret-
lands sem tryggir óbreytt fyrirkomulag tolla
og viðskipta, fari svo að Bretar yfirgefi Evr-
ópusambandið án samnings. Þetta staðfestir
Guðlaugur Þór Þórðarson utanríkisráðherra.
Samningurinn mun tryggja áframhaldandi
útflutning um 55.000 tonna af sjávarafurðum
til Bretlands að minnsta kosti á sömu tollkjör-
um og gilda í dag, að því er fram kemur í til-
kynningu utanríkisráðuneytisins í gærkvöldi.
Samkvæmt heimildum norsku fréttaveit-
unnar NTB, lauk samningaviðræðum formlega
síðastliðinn föstudag og nær bráðabirgða-
samningurinn til vöruskipta milli Bretlands og
tveggja EES-ríkja, Íslands og Noregs. Samn-
ingurinn gerir ráð fyrir að ákvæði EES-samn-
ingsins sem snúa að viðskiptum milli ríkjanna
verði óbreytt. Þannig verður engin breyting á
gildandi tollum, né heldur tollalausum við-
skiptum iðnaðarvara. Þá verða kvótar fyrir
tollfrjáls viðskipti með landbúnaðar- og sjáv-
arútvegsafurðir einnig óbreyttir. Samningur-
inn nær þó ekki til þjónustuviðskipta.
Gengið snurðulaust fyrir sig
Guðlaugur segir að íslensk stjórnvöld hafi
gert samninginn í samstarfi við norsk yfirvöld.
Hann verði kynntur á næstu dögum og einnig
að formlega verði gengið frá honum „fljótlega.“
„Þetta í rauninni þýðir að varðandi allt sem
að okkur snýr, milli okkar og Breta – sama
hvernig að útgöngu er staðið – þá er búið að
ganga frá því,“ segir ráðherrann.
„Við höfum verið mjög ánægð með viðbrögð
Breta og það sem snýr að samningum sem þá
varðar. Við eigum ekki von á öðru en að í fram-
haldinu sé hægt að ná góðum samningi, því
þessi er til bráðabirgða,“ segir hann.
Guðlaugur Þór segist vera ánægður með að
hafa náð að tryggja óbreytta umgjörð viðskipta
milli ríkjanna. „Þetta hefur bara gengið
snurðulaust,“ segir hann.
Ekkert öruggt með frestun
Þrátt fyrir að breska þingið hafi hafnað í at-
kvæðagreiðslu að Bretland gangi úr ESB án
samnings og samþykkt að óska eftir frestun út-
göngunnar er ekki öruggt að ESB verði við
slíkri beiðni.
Tryggja óbreytt viðskipti landanna
 Samningur til bráðabirgða liggur fyrir milli Íslands og Noregs við Bretland um fyrirkomulag tolla og
viðskipta við útgöngu Breta úr Evrópusambandinu  Utanríkisráðherra fagnar samkomulaginu