Morgunblaðið - 19.03.2019, Síða 15

FRÉTTIR 15Innlent
MORGUNBLAÐIÐ ÞRIÐJUDAGUR 19. MARS 2019
HAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
Nú fástS s vinnuföt í
á heimasíðu Hreyfils:
hreyfill.is
eða í App Store
og Google Play
SÆKTU APPIÐ
Sæktu appið frítt á AppStore
eða Google Play
Hreyfils appið
Pantaðu leigubíl á einfaldan
og þægilegan hátt
Þú pantar bíl1
3 og færð SMS skilaboðað bíllinn sé kominn.
2 fylgist með bílnum í appinu
Líney Sigurðardóttir
Þórshöfn
Langanesbyggð efnir í mars til fjög-
urra samráðsfunda við íbúa og at-
vinnulíf í sveitarfélaginu og eru þeir
í samvinnu við Atvinnuþróunarfélag
Þingeyinga og liður í stefnumótun
sveitarfélagsins í
atvinnumálum.
Umfjöllunar-
efni fundanna eru
sjávarútvegs- og
landbúnaðarmál,
þjónusta og skap-
andi greinar/
þekkingargreinar
og eru íbúar
byggðarlagsins
hvattir til að
mæta.
Efni fyrstu tveggja fundanna var
landbúnaður og sjávarútvegur og
fundarstjóri var Reinhard Reynis-
son, framkvæmdastjóri Atvinnu-
þróunarfélags Þingeyinga. Ítarlega
var farið yfir hverjir væru styrk- og
veikleikar greinanna og einnig tæki-
færi og ógnanir sem bregðast mætti
við.
Á fundi um landbúnaðarmál var
komið inn á marga þætti sem snerta
bændur, líf þeirra og afkomu, hvort
sem um var að ræða ljósleiðaravæð-
ingu í sveitum, út- og innflutning á
kjöti, virkjanir, nauðsyn á 3ja fasa
rafmagni eða allt þar á milli.
Landbúnaður á svæðinu hefur
marga styrkleika; landrými er nægt
og hentar vel til sauðfjárræktar,
einnig er svæðið laust við búfjár-
sjúkdóma og telst hreint svæði. Hér
er bændasamfélagið almennt ungt
því yngri kynslóðin hefur tekið við af
þeirri eldri á allflestum býlum en
nýtur jafnframt góðs af þekkingu
þeirra eldri, ásamt liðveislu þeirra á
margan hátt.
Tækifæri í útflutningi
Ýmis tækifæri eru í landbúnaði og
nefndu fundargestir meðal annars
útflutning á lambakjöti. Fjallalamb,
sem er að hluta í eigu bænda í
byggðarlaginu, er eina afurðastöðin
hér á landi sem uppfyllir skilyrði til
útflutnings á lambakjöti til Kína þar
sem hér á svæðinu hefur aldrei
greinst riðuveiki. Afar mikilvægt er
því að nýta útflutningstækifæri,
hrein og ómenguð matvæli eru al-
mennt eftirsótt vara.
Meiri áherslu þarf að leggja á
vöruþróun, betri markaðssetningu,
framsetningu og fullvinnslu afurða
sem þýðir aukið verðmæti. Neyslu-
mynstur fólks hefur breyst og því er
stöðug vöruþróun nauðsynleg og
mikilvægt að afurðastöð bænda,
Fjallalamb, lagi sig að því og fram-
leiði eftirsótta vöru úr því úrvals-
hráefni, sem kjöt af þessu hreina
svæði er. Einnig lýstu bændur
óánægju með það hve lágt afurða-
verð þeir fá en verðlag til neytenda
er aftur á móti hátt.
Ýmsir bændur sjá sjálfir um sínar
afurðir og selja „beint frá býli“ sem
nokkuð hefur verið að ryðja sér til
rúms en ekki vilja allir bændur
ganga þar með í störf kjötiðnaðar-
manna við frágang og vinnslu afurð-
anna heldur einbeita sér að fram-
leiðslunni og láta afurðastöðina um
hitt. Það segir sig þá sjálft hve mikil-
vægt það er að afurðastöðin mark-
aðssetji söluvæna vöru sem er í takti
við breytt neyslumynstur. Fundur-
inn taldi að auki ýmis tækifæri liggja
í því að þróa vörur úr aukaafurðum
sauðfjárins.
Ferðaþjónustan er tekjulind hjá
ýmsum bændum og veitir þeim um
leið tækifæri til að kynna framleiðsl-
una, hvort sem er í formi matvæla
eða frameiðsluvarnings úr ullinni.
Töldu menn nýsköpun í greininni
nauðsynlega ásamt leiðsögn og
skynsamlegri stýringu í ferðaþjón-
stunni.
Virkjanir bar einnig á góma og at-
hugandi að kanna möguleika á að
virkja ár og læki á svæðinu.
Landi haldið í gíslingu
Fundarmenn töldu að samstaða
landeigenda um nýtingu landsins
væri afar mikilvæg. Töluvert er um
það að landeigendur búi ekki á jörð-
um sem þeir hafa eignast en ráða
landinu engu að síður og geta t.d.
heft umferð um svæðið en dæmi eru
um það. Stór spurning er hvaða
stefnu ríkisvaldið mun taka varðandi
lög og reglur um áframhaldandi bú-
setu á jörðum þar sem búskap hefur
verið hætt. Skilningur á mikilvægi
landbúnaðar á þessari eyju sem Ís-
land er hlýtur að vera eitt af stóru
málunum.
Hér á svæðinu eru bændur fá-
menn stétt en smölunarsvæði er
mjög stórt og gerir strjálbýlið smöl-
un erfiða.
Ógnanir af ýmsu tagi
Engin hrifning var meðal fundar-
gesta á nýja búvörusamningnum og
töldu bændur hann óhagstæðan og
sama skoðun var á ákvörðun stjórn-
valda varðandi innflutning á hráu
kjöti og töldu bændur þessar að-
gerðir ekki til þess fallnar að bæta
hag landbúnaðarins.
Ýmsar skoðanir og ábendingar
fundargesta komu fram, m.a. nefnt
að fyrirhugaðar framkvæmdir í
Finnafirði væru ógn við allt lífríkið,
einnig bent á að hér er einhæft land-
búnaðarhérað þar sem eingöngu er
sauðfjárbúskapur og bændur fáir en
hugsa þarf um nýliðun til framtíðar.
Samgöngukerfi þarf að bæta, m.a.
afleggjara heim að bæjum og al-
mennt viðhald vega. Héðan er fjar-
lægð frá mörkuðum töluverð og
skilningur og áhugi sveitarstjórnar á
landbúnaðarmálum takmarkaður, að
mati bænda á fundinum.
Fundurinn var gagnlegur og
næstu skref verða svo að vinna úr
þeim upplýsingum sem þar komu
fram og bregðast við þeim.
Morgunblaðið/Líney Sigurðardóttir
Langanesbyggð Fulltrúar bænda, sveitarstjórnar Langanesbyggðar og Atvinnuþróunarfélags Þingeyinga.
Samráð haft við
fólk og fyrirtæki
í Langanesbyggð
 Ákveðnar skoðanir í landbúnaðar-
málum viðraðar á samráðsfundum
Langanesbyggð
» Sveitarfélagið er á og við
Langanes á norðausturhorni
landsins.
» Þórshöfn, Bakkafjörður og
nærsveitir tilheyra sveitarfé-
laginu.
» Sveitarstjóri er Elías Pét-
ursson.
» Íbúar Langanesbyggðar um
síðustu áramót voru um 480
talsins.
Reinhard
Reynisson
Atvinna