Morgunblaðið - 18.04.2019, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 18. APRÍL 2019
DRAUMAEIGN Á SPÁNI
Nánar á www.spanareignir.is
ÞÚ ERT Í ÖRUGGUMHÖNDUMHJÁ OKKUR
Aðalheiður Karlsdóttir
Löggiltur fasteignasali
adalheidur@spanareignir.is
Sími 893 2495
Ármúla 4-6, Reykjavík
Karl Bernburg
Viðskiptafræðingur
karl@spanareignir.is
Sími 777 4277
Ármúla 4-6, Reykjavík
• Neðri hæð með sér garði
• Efri hæð með sér þakverönd
• 2 svefnherbergi – 2 baðherbergi
• Sameiginlegur sundlaugargarður
• Frábær staðsetning
• Göngufæri í verslanir og veitingastaði
Verð frá 24.100.000 Ikr.
(177.000 evrur, gengi 1evra/136Ikr.)
TILBOÐ: Húsgögn að eigin vali
fyrir Ikr. 500.000 fylg ja öllum
íbúðum keyptum í apríl og maí.
Við höfum selt fasteignir á Spáni síðan 2001
DONA PEPA – COSTA BLANCA
VANDAÐAR OG FALLEGAR ÍBÚÐIR – GOTT VEÐUR ALLT ÁRIÐ
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Morgunblaðið kemur næst út
laugardaginn 20. apríl. Frétta-
þjónusta verður um páskana á
mbl.is. Hægt er að koma
ábendingum um fréttir á net-
fangið netfrett@mbl.is. Áskrif-
endaþjónustan er opin í dag frá
kl. 8-12. Lokað verður föstu-
daginn langa en opið á laugar-
dag frá kl. 8-12. Símanúmer
áskrifendaþjónustunnar er
569-1122 og netfang askrift-
@mbl.is. Blaðberaþjónustan er
opin í dag frá kl. 6-12 en lokuð á
morgun, föstudaginn langa. Á
laugardag er opið kl. 6-12.
Símanúmer blaðberaþjónust-
unnar er 569-1440 og netfangið
er bladberi@mbl.is. Bóka má
dánartilkynningar á mbl.is.
Minningargreinar vegna útfara
þriðjudaginn 23. apríl og mið-
vikudaginn 24. apríl þurfa að
hafa borist blaðinu eigi síðar en
á hádegi á páskadag, 21. apríl.
Fréttaþjónusta
mbl.is um páskana
Kristján H. Johannessen
khj@mbl.is
„Það hefur alltaf komið upp háreysti
þegar verslunargötum með bílaumferð
er breytt í göngugötur, en það hefur
aftur á móti sýnt sig í hverri einustu
borg þar sem það hefur verið gert að
menn vilja ekki snúa aftur til fyrra
horfs,“ segir Líf Magneudóttir,
borgarfulltrúi Vinstri grænna.
Greint var frá því hér í Morgun-
blaðinu í gær að kaupmenn við Lauga-
veg í miðbæ Reykjavíkur eru margir
hverjir ósáttir við þau áform Reykja-
víkurborgar að gera Laugaveg að
göngugötu árið um kring. Sögðu þeir
borgina ekki hlusta á áhyggjur þeirra
af minnkandi sölu samhliða minni bíla-
umferð, en að sögn þeirra sem rætt var
við dróst sala saman við sumarlokun.
Líf segir erfitt að tengja sumarlokun
á Laugavegi með beinum hætti við
samdrátt í sölu einstakra verslana.
„Verslun í heiminum er að breytast og
það er mjög erfitt að kenna sumar-
göngugötum um samdrátt í verslun,“
segir hún. „Við eigum enn eftir að út-
færa þessar breytingar nánar og það
verður áfram unnið í samráði við alla
aðila.“
Nútímaleg þróun borgar
Dóra Björt Guðjónsdóttir, oddviti
Pírata, segir Reykjavík verða að þora
að stíga skref í átt að nútímalegri
breytingum til að standast samkeppni
við aðrar borgir.
„Netverslun er að veita mikla sam-
keppni og verslun og borgaryfirvöld
verða að svara kallinu og bjóða upp á
einhverja aðra upplifun sem netversl-
un getur ekki boðið upp á. Verslun og
viðskipti aukast með því að fjarlægja
bílaumferð, en sem dæmi má nefna að
verslun í New York jókst um 22% með
göngugötum og í Lundúnum um 25%,“
segir hún og bætir við að kannanir sýni
að gangandi og hjólandi fólk versli
meira en þeir sem akandi eru.
„Með því að koma til móts við þenn-
an hóp má skapa betra verslunar-
umhverfi og koma til móts við þessar
áskoranir,“ segir hún og bætir við:
„Háværustu raddirnar í þessu máli
eru ekki endilega þær fjölmennustu,
en þeir sem eru jákvæðir fyrir þessari
breytingu hafa ekki látið eins mikið í
sér heyra. Samráðsferlið hefur verið til
mikillar fyrirmyndar og í raun sjaldan
verið lögð álíka mikil áhersla á samráð
og einmitt nú.“
Þórdís Lóa Þórhallsdóttir, oddviti
Viðreisnar, tekur í svipaðan streng og
segir vinnuna í „ágætisferli“.
„Það er búið að vera mikið samráð,
samtal og hugmyndavinna,“ segir hún
og bætir við að verslunarmenn og
heildsalar hafi t.a.m. komið að þeirri
vinnu. „Þetta hefur staðið yfir í marga
mánuði og gengið ágætlega að mínu
mati. [...] Alls staðar í kringum okkur
hefur verslun eflst við tilkomu göngu-
gatna og það er engin ástæða til að
ætla annars en að Reykjavík verði
einnig í þeim hópi.“
Ekki hægt að hundsa þá
Eyþór Arnalds, oddviti Sjálfstæðis-
flokksins, segir hins vegar stefnu
flokksins að ákvarðanir sem þessar
séu gerðar í samráði við þá sem málið
varðar og sjálfstæðismenn hafi fengið
það í gegn að ekki yrði ráðist í lokunina
án þess að þeir sem málið varðaði
gætu komið skoðun sinni á framfæri.
Eyþór segir að ekki sé hægt að
hundsa þær undirskriftir rekstrar- og
hagsmunaaðila sem leggist gegn
lokuninni. „Ég held það verði að taka
tillit til bæði rekstraraðila sem og ann-
arra aðila eins og þeirra viðskiptavina
sem þurfa aðgengi með bílum,“ segir
Eyþór og bætir við að núverandi
meirihlutaflokkum verði oft tíðrætt
um samráð, en gleymi því svo þegar til
kastanna kemur.
Eyþór tekur ekki undir þá fullyrð-
ingu að aukin netverslun sé að veita
Laugaveginum samkeppni. „Lauga-
vegurinn er miklu frekar í samkeppni
við Kringluna, Smáralind og Hafnar-
torg þó að auðvitað sé einnig sam-
keppni við netverslun.“ Það skiptir því
máli hvernig búið sé að verslununum
og nefnir Eyþór fasteignagjöld sem
dæmi. „Þau eru búin að fara illa með
marga rekstraraðila, hvort sem þeir
eiga eða leigja. Þau hækkuðu svívirði-
lega milli ára í Reykjavík, um 15% að
jafnaði og svo er aðgengið.“
„Síðast en ekki síst er mjög leiðin-
legt að rekstraraðilar og íbúar séu í
stríði við borgaryfirvöld, það er mjög
neikvæð umræða fyrir svæðið og það
ætti ekki að þurfa að koma til rifrildis í
fjölmiðlum, það ætti að vera hægt að
ræða þetta eins og hefur tekist t.d. í
verslunarmiðstöðvunum,“ segir Eyþór
Arnalds.
Verslun muni eflast
 Meirihlutinn segir verslun og viðskipti aukast þar sem um-
ferð sé fjarlægð  Þarf að hlusta á rekstraraðila, segir Eyþór
Morgunblaðið/Hari
Verslunargata Stefnt er að því að gera Laugaveg að göngugötu.
Sigurður Bogi Sævarsson
Stefán Gunnar Sveinsson
„Þetta var ánægjuleg stund og mér
fannst gaman að finna eftirvænting-
una meðal heimafólks,“ segir
Sigurður Ingi Jóhannsson, sam-
göngu- og sveitarstjórnarráðherra,
en hann sprengdi í gær síðasta
haftið í Dýrafjarðagöngum, sem
tengja saman Arnarfjörð og Dýra-
fjörð.
Sigurður Ingi segir að göngin
muni tengja saman atvinnusvæði á
Vestfjörðum og þar með skapa ný
tækifæri á svæðinu „Vissulega er-
um við aðeins hálfnuð með jarð-
göngunum og eftir er að koma sam-
göngum um Dynjandisheiði í var-
anlegt horf. Því er til að svara að
þegar einum áfanga lýkur skapar
það þrýsting á frekari framkvæmd-
ir og að áfram sé haldið og munum
við líka gera,“ segir Sigurður Ingi.
Þrátt fyrir að göngin séu nú opin
er enn eftir mikil vinna áður en þau
verða tekin í notkun. Meðal annars
þarf að ljúka styrkingum og klæða
þar sem vatn sækir að og þá þarf
að leggja rafmagn í göngin og lagn-
ir í gólf, auk þess sem eftir er að
leggja burðarlag og malbik. Stefnt
er að því að göngin verði fullkláruð
og opnuð 1. september á næsta ári.
Samkvæmt upplýsingum frá
Vegagerðinni eru göngin 5,6 kíló-
metrar á lengd með vegskálum,
sem samtals eru þrjú hundruð
metrar á lengd. Hæð vegskálaend-
anna er 35 metrar y.s. í Arnarfirði
og 67 metrar y.s. í Dýrafirði. Verkið
hófst í júní 2017 með undirbúnings-
vinnu, en fyrsta sprengingin í Arn-
arfirði var 12. september það ár og
fyrsta sprengingin í Dýrafirði var
12. október 2017.
Morgunblaðið/Guðlaugur Albertsson
Dýrafjarðargöng Hreinn Haraldsson, fyrrverandi vegamálastjóri, og
Sigurður Ingi Jóhannsson samgönguráðherra við athöfnina í gær.
Munu tengja
Vestfirði saman
 Sigurður Ingi sló í gegn í göngunum
Erlendur karlmaður hefur verið
ákærður fyrir að smygla sjö
venesúelskum ríkisborgurum til
landsins í byrjun þessa árs. Ákæra á
hendur manninum, sem setið hefur í
gæsluvarðhaldi frá því um miðjan
mars, var þingfest í Héraðsdómi
Reykjaness í gær. Í gæsluvarðhalds-
úrskurðinum sem staðfestur var á
föstudag er manninum gefið að sök
að hafa staðið að skipulagðri starf-
semi við að aðstoða útlendinga til að
koma ólöglega hingað til lands.
Brotin sem maðurinn er grunaður
um að hafa framið eða tekið þátt í að
fremja varða allt að sex ára fangelsi.
Ákærður fyrir smygl á fólki hingað til lands
Rekstrarafgangur
Kópavogsbæjar
nam 1,3 millj-
örðum króna árið
2018 en gert hafði
verið ráð fyrir 798
milljónum í fjár-
hagsáætlun með
viðauka. „Afkoma
bæjarins er helm-
ingi betri en við
höfðum reiknað
með sem sýnir enn og aftur hversu
sterkur rekstur bæjarins er,“ segir
Ármann Kr. Ólafsson, bæjarstjóri
Kópavogs, í tilkynningu. Segir hann
niðurstöðuna einkar ánægjulega þar
sem fasteignaskattar og gjöld hafi
verið lækkuð á íbúðar- og atvinnuhús-
næði. Þá sé útsvar undir lögbundnu
hámarki og gjaldskrár hafi ekki verið
hækkaðar í samræmi við kostnaðar-
hækkanir.
Helmingi
betri afkoma
Kópavogs
Ármann Kr.
Ólafsson