Húnavaka - 01.01.2019, Side 42

H Ú N A V A K A 40
tunnunni til að steypan rynni niður eftir honum. Síðan var steypunni mokað í
fötur og þær bornar að mótunum og hellt í þau og var hvorutveggja, mokstur
og burður, stritvinna. Meðan steypan var þannig flutt burt var þurrefnum og
vatni ausið í tunnuna á nýjan leik hinum megin frá, þannig að þegar búið var
að hreinsa steypuna af pallinum var hægt að teyma hestinn að og hræra næsta
skammt. Ef nægur mannskapur var við steypuvinnuna gekk verkið ótrúlega
vel þótt erfitt væri. Óskar minnir að Kristján á Hæli hafi oftast séð um að
blanda í tunnuna, sem var nákvæmnisverk, og var hann stundum orðinn
hvítur eða grár af sementsryki þegar leið á daginn. En steypuvinna með
þessum hætti var engin sparifatavinna og flestir orðnir útataðir að kvöldi.
Aðalsteypan var þegar brúardekkið var steypt fyrri partinn í október. Eftir
þá miklu steypu þurfi að taka til á byggingarstaðnum og var hræritunnan þá
flutt niður að Torfalæk og notuð þar síðar við að byggja fjárhúsin eins og áður
getur. Menn létu bíða nokkra hríð að taka undirstöðurnar undan brúargólfinu,
vildu láta steypuna harðna vel. En náttúran tók það ómak af mönnum, a.m.k.
að hluta. Óskar segir frá því að nokkru eftir að aðalsteypunni var lokið hafi
tekið að snjóa en síðan brugðið til hlýviðra. Dagana 12. og 13. október var
samkvæmt gögnum veðurfræðinga mikil snjókoma í Húnavatnssýslum en
þann 15. og 16. hlýnaði snögglega. Óx þá mjög í læknum. Fór svo að
vatnsflaumurinn hreif undirstöðurnar með sér og eitthvað af mótatimbrinu
og skolaði burt en brúin stóðst álagið vel.
Ekki hafa fundist nákvæmir reikningar um brúarsmíðina, því skjöl
Vegagerðarinnar á Blönduósi hafa endað á einhverjum óvissum stað, en
vinnulaun námu um 20.000 krónum og deildust á fólkið á bæjunum. Þeir sem
unnu við brúarsmíðina fengu greiddar frá 2.000 upp í 6.000 krónur, sumir
meira en aðrir minna. Að líkindum hafa þau Kristján og Þorbjörg á Hæli að
auki fengið greitt fyrir hestlán og fæði sums verkafólksins. Þess má geta að
almenn mánaðarlaun verkamanna voru um 2.900 krónur árið 1953 fyrir 25
daga vinnu. Torfi á Torfalæk fékk í sinn hlut tæplega 4.000 krónur og notaði
þá peninga til að kaupa nokkur lömb og eina kú sem hann fékk hjá Helga í
Meðalheimi. Það var kýrin Búbót sem kom niðureftir 10. nóvember um
Trausti, moldótti dráttarklárinn frá Hæli sem var látinn snúa tunnunni.