Húnavaka - 01.01.2019, Page 61

H Ú N A V A K A 59
víðfeðmar vín- og epla-
ekrur og leirpýramíd arn-
ir sem eru á náttúr u-
minj askrá UNESCO.
Gaman var að heim-
sækja bý flugna safnið og
kynna sér hvernig slíkur
land búnaður fer fram.
Voru bændur í hópnum
nokk uð áhugasamir um
starf semina. Ekki stóð
öllum á sama að ferðast
með kláfnum upp hlíð-
arnar en sljákkaði nokk-
uð í hópnum er Páll Sighvatsson fyrsti tenór brast í söng og hóf að syngja
„Hærra minn guð til þín“ við góðar viðtökur annarra í kláfnum.
Kórinn söng Rósina lágum rómi
Fimmtudaginn 21. júní var svo komið að tónleikunum okkar. Þetta voru einu
formlegu tónleikarnir í ferðinni. Söng kórinn í hinu ægifagra klaustri Muri
Gries sem er í eigu munkareglu í borginni. Tónleikarnir heppnuðust gríðarlega
vel og mikið klappað fyrir kórnum af fjölda áheyrenda. Voru kórmenn í
sjöunda himni með viðtökurnar og kvöldið ógleymanlegt enda höfðu þeir
aldrei sungið áður í byggingu eins og þessari.
Á fjórða degi ferðarinnar var lagt í langferð. Farið var til Gardavatns. Um
klukkustundarakstur er frá Bolzano til Garda, margt fallegt að sjá á leiðinni og
tíminn því fljótur að líða. Er komið var til bæjarins Garda var rölt um og
skoðað. Sumir fengu sér ís meðan aðrir fengu sér eitthvað allt annað. Síðan
tók við sigling á vatninu en siglt var til bæjarins Sirmione. Víða var stoppað og
lagið tekið við mikla hrifningu heimamanna eins og búast mátti við. Hópurinn
hittist svo við kastalann í Sirmione og þaðan var farið í rútu til San Martino
della Battaglia. Þann 24. júní 1859 fór þar fram ein blóðugasta orrusta sem
háð hafði verið í Evrópu fram að þessum tíma sem leiddi til þess að Ítalía
sameinaðist í eitt ríki 17. mars 1861 og þess að Rauði krossinn var stofnaður
1863. Orrustan stóð í einn dag og var sérstök fyrir það mikla mannfall sem í
henni varð og það vægðarleysi sem hermenn úr báðum fylkingum sýndu
meðan á henni stóð. Talið er að allt að 40.000 hermenn úr báðum fylkingum
hafi látist þennan dag eða verið skildir eftir særðir á vígvellinum. Skoðuðum
við San Martino kirkjuna en þar eru hauskúpur og bein 1300 hermanna í
hillum og skápum. Frekar óhugnanlegt. Tók kórinn þar lagið og söng Rósina
lágum rómi. Kvöldverður var snæddur á nálægum veitingastað og var þar um
að ræða einhverja þá mestu veislumáltíð sem að kórmenn hafa nokkurn tíma
fengið. Borið var á borð úrval ítalskra rétta þannig að menn stóðu á blístrinu
er út var komið.
Í efri byggðum Bolzano.