Húnavaka - 01.01.2019, Blaðsíða 108

H Ú N A V A K A 106
hvar væri á landinu. Mér var sagt að hann væri í Húnavatnssýslu fyrir utan
Blönduós. Ég man að mér leist bara vel á staðinn og hugsaði með mér að það
væri ekki svo vitlaust að eiga þarna heima.
Ég átti heima á báðum þessum stöðum, 7 ár á Höskuldsstöðum og l8 ár í
Höfðakaupstað, sem nú heitir Skagaströnd, eins og staðurinn var venjulega
kallaður eftir strandlengjunni sjálfri.
Þú átt eftir að elda handa mér seinna
Veturinn 1951-1952 var ég áfram skólastýra við Kvennaskólann á Blönduósi.
Um vorið hafði ég fengið vilyrði hjá formanni skólanefndar, Runólfi á Kornsá,
að mega biðja pabba minn um að laga nokkra stóla og leggja dregil á ganga
og stiga til þess að gera skólann hlýlegri. Þetta var bara ódýr kókósdregill,
grænn að lit með gulum og rauðum röndum til hliðanna.
Síðan þvoði ég gluggatjöldin fyrir
ganggluggana, þau voru úr bleyjugasi og
stífaði þau upp úr kartöflumjölsstífelsi sem
ég setti svolítið te saman við. Þetta hafði
Ásdís gert haustið áður. Þetta hvorutveggja
gerði aðkomuna inn í skólann hlýlegri.
Ég man ekki hvort sr. Pétur var við
skólasetninguna en ég hélt ræðu og skóla-
nefndin var viðstödd. Ég ætlaði að segja
skólann settan í lokin en gleymdi því eftir
því sem kennararnir sögðu.
Áður en skólinn var settur og ég ein í
skólanum kom sr. Pétur. Ég bauð honum í
mat af því að ég þurfti að elda handa
okkur Jósafat. Hann kom svo niður í eld-
hús og ætlaði að bíða eftir matnum þar. Ég
átti nautakjöt og ætlaði að hafa glás. Ég
ætlaði að velta kjötinu upp úr hveiti en
fann ekkert nema 25 kg poka sem ég hélt
að væri hveiti. Ég set þetta á disk og velti
kjötinu upp úr því en þá bregður mér í brún þegar kjötið varð allt rautt en ekki
brúnt. Gat það verið að það hefðu verið keypt 25 kg af lyftidufti eða natroni,
ekki var það kartöflumjöl.
Ég segi sr. Pétri að ég þori ekki að bera þetta á borð en ég eigi skyr. Hann
svaraði að sér þætti skyr gott (og er það alveg rétt). Ég hrærði það og hef
sjálfsagt haft brauð og eitthvað með en ég var sannarlega miður mín. „Þetta er
allt í lagi, góða mín,“ sagði sr. Pétur, „þú átt eftir að elda handa mér seinna.“
Runólfur Björnsson á Kornsá.
Mynd: Héraðsskjalasafn.