Húnavaka - 01.01.2019, Page 177

H Ú N A V A K A 175
Sveinbjörgu Hallgrímsdóttur og eiga þau tvö börn. Lára, f. 1955, gift Gunnari
Svanlaugssyni og eiga þau fjögur börn. Auk þess ólst upp hjá þeim hjónum frá
tólf ára aldri, Ólafur Róbert Ingibjörnsson, f. 1956, kvæntur Kristínu Hrönn
Árnadóttur, þau eignuðust fimm börn.
Guðmundur keypti í félagi við aðra unga menn
á Skagaströnd bátinn Von I og síðar Von II og
voru þeir gerðir út í nokkur ár. Árið 1949 keyptu
þeir Tóti bátinn Grím og síðar bátinn Ægi. Þessa
báta gerðu þeir út á sumrin á ýmsar veiðar en auk
þess gegndu þeir báðir hlutverki kafarabáts þegar
Guðmundur var við þau störf. Árið 1950 lærði
hann að verða hjálmkafari og starfaði á vegum
Vita- og hafnarmálastofnunar við hafnargerð vítt
og breitt um land í um 20 ár. Á vetrum réri hann
í fyrstu á bátum frá ýmsum stöðum á Suðurnesj-
um. Síðar var hann lengst af á Ásbjörginni og
árum saman var farið suður á vertíðir í febr-
úarmánuði og komið aftur heim í maí.
Eftir að Guðmundur kom í land starfaði hann í Trésmiðju og síðar Skipa-
smíða stöð Guðmundar Lárussonar þegar farið var að smíða eikarbáta á
Skaga strönd. Hann lauk sínum starfsferli sem verkamaður í Rækjuvinnslunni.
Guðmundur sat í sveitarstjórn Skagastrandar fyrir Alþýðuflokkinn eitt
kjörtímabil. Hann stóð að stofnun og sat í stjórn í ýmsum fyrirtækjum, m.a.
var hann einn af stofnendum Sparisjóðs Skagastrandar.
Á sjómannadaginn árið 1987 var Guðmundur sæmdur heiðursorðu
sjómannadagsins á Skagaströnd.
Þegar börnin voru flogin úr hreiðrinu hófu Soffía og Guðmundur
framleiðslu á kleinum og flatbrauði undir nafninu Skeifan. Þá buðu þau
áratugum saman upp á gistingu og seldu einnig lengi mat til gesta og gangandi.
Sextíu og sjö ára gamall lamaðist Guðmundur á vinstri hlið, mátt í fótinn
fékk hann að mestu og með afburða dugnaði hélt hann daglegum störfum
nánast einhentur. Hann var sáttur við lífshlaup sitt og hélt andlegri reisn allt
til endadægurs.
Guðmundur lést á Dvalarheimilinu Sæborg en þar hafði hann dvalið frá
árinu 2011. Hann var jarðsunginn frá Hólaneskirkju 3. maí. Jarðsett var í
Spákonufellskirkjugarði.
Sr. Bryndís Valbjarnardóttir.
Bragi Húnfjörð Kárason,
Þverá í Norðurárdal
Fæddur 13. febrúar 1949 – Dáinn 25. júní 2018
Bragi fæddist á Blönduósi. Foreldrar hans voru Sólveig Bjarnadóttir frá
Grímsstöðum í Lýtingsstaðahreppi, f. 1925 og Kári Húnfjörð Guðlaugs-