Húnavaka - 01.01.2019, Blaðsíða 239

H Ú N A V A K A 237
MINNI LAXVEIÐI EN UNDANFARIN ÁR.
Samkvæmt tölum Veiðimálastofnunar var laxveiði í húnvetnsku ánum sumarið
2018 lélegri en árið áður en silungsveiðin var heldur betri. Mjög háu hlutfalli
af veiddum laxi er sleppt í árnar aftur. Þannig er reynt að tryggja að nægur
hrygningalax sé í ánum á hverju hausti og árnar sjálfbærar. Síðan er fylgst með
fjölda seiða og hvernig þau dafna. Á þann hátt má sjá hvort búsvæði ánna séu
fullnýtt en ekki ofnýtt til þess að vöxtur seiðanna sé góður.
Að áliti fiskifræðinga bendir ekkert til annars en að seiðabúskapur í ánum
sé almennt í góðu lagi. Það sem ræður endurheimtum úr hafi er ástand
sjávarins en því ráða stærri þættir en unnt er að hafa áhrif á í dag. Af þeim
sökum má reikna með að áfram verði sveiflur í veiði, eins og ávallt hefur verið.
Veiði í einstökum ám í Húnaþingi var sem hér segir samkvæmt skrám
Veiðimálastofnunar. Veiðiskýrslur höfðu ekki borist frá Laxá á Refasveit eða
Hallá þegar þessi frétt er skrifuð.
MÓ.
KIRKJUSTARF Í ÞINGEYRAKLAUSTURSPRESTAKALLI.
Helgihald og guðsþjónustur um jól og áramót var með hefðbundnum hætti,
sem og allt annað starf sóknarprests í sóknunum fimm í Þingeyra klaust urs-
prestakalli. Allt kirkjustarf er með föstu sniði fram að páskum. Á þessum tíma
er líka vikuleg fermingarfræðsla bæði á Blönduósi og á Húnavöllum fram að
fermingu að vori. Svo er einnig með TTT starfið í Blönduósskirkju vor og
haust í höndum Sonju Suska. Barnastarfið í leikskólanum á Húnavöllum er á
sínum stað vor og haust og í höndum sóknarprests.
Í febrúar kom Stopp leikhópurinn í Blöndu óss kirkju með leiksýninguna
,,Hér stend ég“, leikrit um Martein Lúther. Sýningin var í boði héraðssjóðs og
kirkjunnar.
Um páska er mikið um að vera, þá er þetta líka tím inn þegar fermt er í
kirkjum prestakallsins. Helgihald páskanna hefst með guðsþjónustu og
altarisgöngu á skírdegi á baðstofuloftinu á Heil brigð is stofnun Norðurlands á
Blönduósi. Á föstudeginum langa er lesið úr Passíu sálmum sr. Hallgríms
Péturssonar. Á milli lestra syngur kór Blönduóss kirkju valda sálma. Þeir sem
Laxar Bleikja Urriði
Hrútafjarðará 359 200 4
Miðfjarðará 2.725 140 52
Víðidalsá og Fitjá 589 605 347
Gljúfurá 16 153 39
Vatnsdalsá og Giljá 557 1.124 1.348
Laxá á Ásum 689 skráning á silungsveiði barst ekki
Fremri-Laxá 9 2.536
Blanda 905 75 121
Svartá 131 22 63