Húnavaka - 01.01.2019, Blaðsíða 267

H Ú N A V A K A 265
hvor og fræðslustjóri í 80% starfshlutfalli. Á Sæborg eru átta stöðugildi að
forstöðumanni meðtöldum.
Sameiginlegum kostnaði við verkefni byggðasamlagsins er skipt milli aðild-
ar sveitarfélaga eftir ákveðnum forsendum. Heildarframlög sveitarfélaga í
A-Hún til þessa málaflokks voru ákveðin í fjárhagsáætlun 2018 samtals 88,2
milljónir sem skiptust þannig:
Vegna almennrar félagsþjónustu 61,7 milljónir.
Vegna skólaþjónustu 16,9 milljónir.
Vegna dreifnáms 4,8 milljónir.
Vegna reksturs Sæborgar 5,0 milljónir.
Magnús B. Jónsson.
BÓKASAFN SKAGASTRANDAR.
Rekstur Bókasafns Skagastrandar var með hefðbundnum hætti. Bókasafnið er
opið þrisvar í viku yfir vetrarmánuðina og einu sinni í viku yfir sumartímann.
Breyting var gerð á inngangi bókasafnsins á vormánuðum til að bæta aðgengi
að safninu. Áður þurfti að ganga stiga til að komast á bókasafnið en núna þarf
einungis að ganga niður þrjár tröppur. Hefur þessi breyting auðveldað aðgengi
að bókasafninu til mikilla muna.
Á mánudögum og fimmtudögum er bókasafnið opið á þeim tíma sem
félagsstarf eldri borgara er haldið, þá daga er einstaklega líflegt í húsinu og
greinilegt að bæði bókasafnið og félagsstarf eldri borgara njóta góðs af hvort
öðru.
Lánþegar með bókasafnsskírteini á bókasafni Skagastrandar voru 76, á
árinu voru keyptar 304 nýir titlar í safnið. Við ársuppgjör bókasafnsins voru
heildarlán bókasafnsins 2.504 eintök og er það á pari við síðastliðin ár.
Bókasafnið er opið 11 mánuði ársins og eru því að jafnaði lánuð 228 eintök á
mánuði.
Bókasafnið er áskrifandi að eftirtöldum tímaritum og blöðum: Lifandi vís-
indi, Vikan, Húsfreyjan og Heima er bezt. Bækur kaupir safnstýra jafn óðum
og þær koma út og þarf hún að fylgjast sérstaklega vel með allri umfjöllun um
bækur á ljósvakamiðlum til að vera ætíð með nýjustu bækurnar til útlána.
Í desember hvatti safnstýra börn og ungmenni til lesturs með lestrarátaki og
unnu þau Jón Benedikt Jensson og Steinunn Kristín Valtýsdóttir til verðlauna
en þau fengu bókina Þitt eigið tímaferðalag eftir Ævar Þór Benediktsson og
leikhúsmiða Þitt eigið leikrit sem sýnt er í Þjóðleikhúsinu.
Við bókasafnið starfar forstöðukona í 29% starfi.
Guðlaug Grétarsdóttir.
HÖFÐASKÓLI.
Árið 2018 gekk í garð og starfsmenn komu til starfa 3.
janúar eftir gott jólafrí. Nemendur degi síðar. Á haustdögum 2017 lauk
framkvæmdum í húsinu sem fólust í því að bæta vinnuaðstöðu nemenda og
starfsmanna og ekki síst að gera húsnæðið hentugt fyrir teymiskennslu.
Árið einkenndist af innleiðingu teymiskennslu á öllum stigum en það felst í